الصدر الجنوبي

[طلال البدور الشهراني]

قالوا الصدر الجنوبي بلاه انه يونّ=ونته تزداد حتى لوانه هب ريح
مابقا الانه يحاول يطير من البدنّ=ابتلاه الضيق والهم وزادبه الكحيح
قلت انا الصدر الجنوبي يغيض ويندفنّ=يندفن همه ليا سمع بو وجهٍ مليح
بعده الايام الاولى تجلن وانطونّ=يوم جاني وابتسم لي وانا قلبي جريح
قلت له ياصاحبي ليه شديت الضعنّ=راع قلبٍ طاحلك واهرج الهرج الصريح
قال والله مانويت الهجر مير الزمنّ=الزمن خل البخت لانوى ينهض يطيح
العواذل جابت العيد فيني والمحنّ=هذا هو موجز كلامي وذا القول الصحيح
قلت انا العاذل مابيده يكود انه يحنّ= مثل حن البازل اللي وسط شعب ٍ بريح
مانويت اسمع كلامٍ يسيل به الجفنّ=وانت ياللي تلحق الناس ماجاك الفحيح
يالعل اطيحلك في غبون وفي فتنّ= فتنة العشاق تنطح ملازمها نطيح