منتديات الفطاحله - لو بغيت انسى عشيري مانسيت طيوفه

[QUOTE=الراوي ابن غسلان][poem=font="Simplified Arabic,6,white,normal,italic" bkcolor="green" bkimage="" border="double,9,black" type=2 line=0 align=center use=ex num="0,black"]
لو بـغـيـت انـسـى عـشـيـري مـانسـيـت طـيــوفـه=وان قـدرت انـسـى طـيـوفـه مـانـسـاهـا قـافــي
وش يـفـــيــد الـقـــاف دامـــه مانـطـق بـحـروفـه=او وصـف مـجـدولـهـا اللي فـوق مـتـنه ضافـي
او وصـف رمـشـه وجـسـمــه والـحــلا بـردوفــه=او هــنـى حـضنـن رحـيـمـن بـالـشـتـاوي دافـي
وان فـقـدتـه عـفـت قـافـي فـي جـمـيــع صـنـوفــه=لـو سـفـى مـن فـوق قـافـي من بطاه السافـي
مـاركــة قـافــي حـــروفـــه واضحـه مـعــروفــه=ظـاهـرن حـرفــه ورسـمـه كـان غـيـره خافـي
كـنـهـا الـجــوهـر تـلالا لـلــعــرب مــصـفــوفــه=مـن جــحــيـمـن لـو تـذوقـه صحت لي ياكـافـي
لاهـبــه يــكـوي خـفـوقـي مـن صـغـيـر خـشـوفـه=تودع الـراوي يـدوهــج بـالـشــوارع حـافـي
لاقـريـبـــن لاجــل يـسـهـل لـلـنــواظــر شــوفــه=ولابـعــيــد امــا نـســيــتــه او رمـانـي هـافـي
كــم سـريــت الـلــيـل كـلـه فـي مــواطـي خـوفــه=فـي شـتـاء لـيـل الـعـقـارب لـلــمـسافـر جـافـي
فـي صـحــاصـيــحــن تـهـيـلـك بـالظـلام وصوفـه=سـاهـرن جـفـنـي وحـيـدن يـوم غـيري غـافـي
بـارقــه يــودع جـبــالــه حــولـنــا مــكــشــوفــه=والــرعــد حــســه يــلالـي بــالـجـبـل رجـافـي
والـلـه ان الــروح مــاهــي بــالـخـطـر مـكـلـوفــه=بــس لـعـيــونــه وطــيـنـا ديـرتــن تـنــخـافـي
وعـقـب مـشـوار الـمـغـثـه تـعـتــــذر بـظــروفــه=ثــم نـرجــع مـاشـربــنـا مـن عـشـيـري صافي
ثــم تــرسـل صـوب قـلــبـي دمــعــتـن مــذروفــه=دمــعـتــن تـودع زعـلـنــا مـع لـهـيـبـه طــافـي
ثــم زادت دمــع عــيـــنـه فـي غــلـيــظ حــلـوفــه=انـهــا خـشـفــن صـدوقـن فــي عـهــوده وافـي
ثــم افــك ربــاط قــافــن بـالـحــشــاء مـكـتـوفــه=مـن خـفــوقــن مــع عـذابـه فـي هــواه سـنـافي
كـنـهــا الـدولار شــيــكــن عـمـلــتـه مـصـروفــه=وقــيـمــة الـلـي بـالـمـلاعــب شـهـرتـه هــدافي
تـشــرح هــمــومـن كـتـمـهــا فـي غـمـيـق رفـوفـه=وجـرح رمـحـن لـلـرفــاقــه صـار مايـنـشـافـي
والـلـه انـي ذقــت مــنـهــا والـزمــان جــنــوفـــه=بـس قــلــبـي فــي هــواهــا طــايـحـن مـيـلافـي
وان فـقــدتـه كـل عــمــري مـاعــلــيــه حـسـوفـه=لو خطـف وسـط الـضـمـايـر بـالـهـوى خـطـافي
فــرق بـيــن الـلـي حـروفــه تـلـتـهــب مـن جـوفـه=او حـروفــن فــي كــتــابـه خــطـهــا الـقـذافـي[/poem][/QUOTE]

ما شاء الله تبارك الله ... يا بن غسلان مدري وش اقول ...

ما خليت شي ... صح لسانك يا الجزل ... متابع ومعجب ومستمتع بهذا الرقي والشموخ والتألق ..

الله يديمك يا الأجودي .... صح لسانك مره أخرى ...

دمت بخير ... تحياتي لك .. أخــــوكــ / محمد السليمان ...