منتديات الفطاحله - دوام الـربـوع

[QUOTE=سعود القت][poem=font="Simplified Arabic,5,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
البارحة نومي على مشة الكوع = السهر كيفي والروابع قدوعي
اسس خطط مشروع واهد مشروع = هواجسٍ من كل صوبٍ ونوعي
تاتي على زافات شرهات وفزوع = متوثباتٍ ينطحن الجموعي
شرسٍ تعاملها تلوع الفكر لوع = وليا فتر جنبي تهاون مزوعي
تودع شديد الباس يمشي لها طوع = ويجزع ولو ما كان قلبه جزوعي
كن النفس من سوحة الجاش منزوع = خطرٍ فوادي من سببها يزوعي
وفز الفكر فزة قريصٍ ومفجوع = تهاوته نيبان دابٍ تروعي
وجني سباق الهجس زلبات ورموع = متقاودات لحسب شوري وطوعي
بالارض ممشاهن تقل دق فاروع = ولا حلقن ما ابرهن بالوقوعي
اليا ادبرت بدوٍ مشاويح ونجوع = واليا اقبلت تشدى الفتاه الفروعي
مطعومها التفكير لا حل راموع = اتبع هواهن شامخات الطبوعي
ولا حل في دوٍ من النزل مرتوع = مدهالهن في راس عسر الطلوعي
تبختري والعلم مثني ومربوع = ماني مطاوع تايعين السنوعي
كم ليل سامرتك وخلق الله هجوع = وكم ليل سديتي ظمايه وجوعي
يالايمي منته من الوقت مطموع = ولا يشتقي كود الفواد البتوعي
الذيب وهو الذيب يقنب من الجوع = واجسر عباد الله هل الدموعي
وانا لياليّه تصوع الحشا صوع = صوع النواتش للفشق والقموعي
البس لها فالمعركه طاس ودروع = اخفي زمل قلبي واقوي ضلوعي
وتكسر جيوش الشوح وارهاية النوع = وانته تعقبني وتحسب هزوعي
شربت من ياس الدهر كم قرطوع = واخفيت عن مثلك شقايه ولوعي
افرح ليا ما امرحت ليلٍ بلا روع = فرح الموظف في دوام الربوعي[/poem][/QUOTE]

سعود وش اقول وش ما اقووووول
انت لحالك ومن اشد المعجبين بما تنثر لنا
صح لسانك يالطربه