نشرة أخبار الاعضاء اليومية
 

السلام عليكم ورحمة الله وبركاته

صراحة خطر في بالي ان نضع موضوع يضع فيه العضو او العضوه ما حصل لها في يومها من طقطق لسلام عليكم

وذلك لكي نعرف أخبار بعضنا البعض

وابدي بنفسي

اليوم صحيت من النوم الساعة 8:30 والكلاس يبتدي 9تماماً أخذت لي شاور( دش ) واحترت ويش الابس لبست تيشرت برتقالي وجنز طلعت الشارع ركبت تكسي وانطلقت للجامعة دخلت الكلاس وكلي نشاط والدكتورة تشرح وانا مندمج وياها بس هلكني بصراحة الزكام:( فخلصت كرتون مناديل كنت شايله وياي :eek: عاد والطلبة يقولون بريك والدكتورة تقول نو بريك .. بريك نو بريك بريك نو بريك وانا جالس في ركنيت الكلاس وجالس اكتب اللي في الصبورة كانت الحصة انجليزي وشرح هالدكتورة جدا رائع وممتع وبعدين عطتنا بريك من 11:30 إلى 12:30 جلست في كفتريا الجامعة وهي مثل الكوفي شوب طلابة على اللاب وطلبة يتحكون وانا جالس اشخبط
شعر في دفتري وشوي دخلت المنتدى من الجامعة وطلعت لان وقت البريك انتهى دخلت الكلاس الا دكتورة ثانيه وكل وطريقة شرحها تجيب النوم وكلها بالنجليزي ودمها ثقيل فجلست احاول افهم منها بس جنبي واحد يستخف بدمه وانا قاعد اضحك عليه وشايف الطلابة يقولون نبي الحمام وشرده ما يردون واللي يقول عندي مكالمة وما يرد وانا ركزت شوي وياها وجلست موطي راسي واشخبط في الدفتر لجل ما تشوفني سرحان وتسئلني هههههههه
وبعد ما انتهى الكلاس رديت البيت ريحت وتفرجت شوي من فلم محروس بتاع الوزير لعادل امام ومليت طلعت للمقهى وكاني وياكم

كان معكم

ماجد المهدي

طش امطش

مصر :D

رد على: نشرة أخبار الاعضاء اليومية
 

وانا منذ الساعه الواحده والربع وانا مشغول بمطالعة مباريات
تصفيات آسيا

رد على: نشرة أخبار الاعضاء اليومية
 

ما شاء الله ثقافتك رياضية يا الطائر المهاجر

رد على: نشرة أخبار الاعضاء اليومية
 

[COLOR="DarkOrchid"]مـآجد الله يعينـكـ خيوو

..

انـآ يومي كله تعـب بتعـب يمكن لانه مو نايمه عدل

صحيت الساعه 8 تفطرت وقعدت اقرا جرايد عالتسـع بدلت ملابسي ورحت لنادي الغوص الكويتي امم قعدت لي ال 11 رديت البيت بطلت النت دشيت الفطاحـله وطبعا عطيت المسنجر طاف ! شوي ولا داق علي المسؤل عن المركز الثقافي انتي وينج يا استبرق هالاسبوع في شغل وايد لأنه عندنا معرض ! رحت لهم ولا آزال بالمركز ومعـاي الاب معطتهم طاف واتفرج عليكم لوول

يـوم مليق الله يخلصه على خير

وهذا يومـي !!


&
thanks alot mr Majed [/COLOR]

رد على: نشرة أخبار الاعضاء اليومية
 

تسلمين Mrs:Estabraq

وامين للجميع

رد على: نشرة أخبار الاعضاء اليومية
 

[SIZE="4"][COLOR="DarkOrchid"][SIZE="5"]مسا الفل
انا يومى بدا من الساعة خمس الا ربع صباحا طبعا صلاة الفجر مسجات ممن الصباح متفرغه هههههه عليه حاكم ليلنا نهار ونهاهم ليل:eek: :eek: :eek:
وجلست بعد ما سويت القهوة واخذت التمر وفطرت على الفطاحلةلحد الساعة السابعة وصل العمال البيت عندى ورشة عمل فى البيت قبل ما يجى الزلمة اسوى الى ابى من تعليق تلفزيونات تغير انارة وتغير ديكور وحالة تصدقوا هم شغالين ازعاج وانا على المنتدى وعلى الماسنجر مع ام زياد اسالوها هههههههههه لين طفت ونامت هههههههههههههههههههه المهم طبخنا اليوم ملوخية والعيال سبحت واستحمت ما صارت الساعه وحده الا وانا مطفية وينك يا سرير صحيت من ساعتين لكن كلمت الوالدة وتطمنت خبركم ساعة بس طق حنك واسحب يا عدادههههههه وكلمت الباشا وابن الباشا باقى على ورشة الدهان طبعا هذا متعه لى الليلة اشتغل على راحتى هههههههههه اذا احتجت مساعده اجيكم بس كل شوى زوجى يدق على انت شو تسوى اقول ابد ريلاكس ؟؟ بس هو يعرفنى ما اعرف اجلس ؟؟؟ صار له شهر ونص غايب هههههههههههههههههه وخربنا الميزانية بس عادى ولا يهمنى بعد المغرب عندى زيارة لصديقتى بمر السوق شوى تامرون على شى

والجو حررررررررررررررررررررررررررررر وصدينا يا حمد صدينا
قال بيركب تكيف فى الشوارع وما سوى للحين



اشوفكم ليتر:D :D :D :D :D :D :D [/SIZE][/COLOR][/SIZE]

رد على: نشرة أخبار الاعضاء اليومية
 

ههههههههههههه عاد في الشوارع مكيف ههههههههه

الله يعينك يا صعوبة يومك ورش وازعاج انا اصدع بسرعة احب الهدوء والجو الرومنسي هههههههه

رد على: نشرة أخبار الاعضاء اليومية
 

[SIZE="5"][COLOR="DarkOrchid"]بكرة تتزوج ان شاء الله ويصير عندك بيت وقتها ابقه قابلنى يا حلو اذا ما صادك صداع يا رومانسىههههههههههههههه بكرة ورشة دهان

يدك معنا يا بطل هههههههههههههههههههه[/COLOR][/SIZE]

رد على: نشرة أخبار الاعضاء اليومية
 

نشرة اخباري لليومين التي فاتت

جاااااااااااااااااااامعة حل واجبيني تكوين ايميلات وبرقرافات في الماضي

نووووووووووووووووم ارهاق تعب وشوق شوق للمنتدى طبعان تعب زكمة كحة ولوز ارهاق من كل شيء حر دراسة والنفس غير متقبله للدراسة في وقت الصيف والناس مأجزين للاسف

امين يا صعوبة ربي يسمع منك

رد على: نشرة أخبار الاعضاء اليومية
 

اخباري طب علي اخووووووووي الكبير مصر توه

وجاي جنب البيت وانا في كوفي شوب وجلست وياه وانا مفجوع واقول ويش جابه في داخلي واقوله حياك ههههههههههه بس الحمد لله والله فرحت بجيته عاد بيجيب لي في رمضان سيارة هع هع هع

ودخل البيت يقول بيتك بيت عرسان يعني يبيلك مرة ههههههههههه قلت صدقت قال اقول اخرم لا اردك السعودية عند امك ههههههههههه قلت طيب وجلس شوي وحرك راح قراند حياة وقال بيقابلني بالليل ههههههههه كيف هذي نشرة الاخبار ولا بلاش

رد على: نشرة أخبار الاعضاء اليومية
 

افا قال بيقابلني في الليل ، وراح قراند حياة
هذي عائلة امريكية ...
وهذا السبب في شعورك بالضيق والوحده ... ما كان عشمك

رد على: نشرة أخبار الاعضاء اليومية
 

اليوم قمت الساعة 12 الظهر ههههههه خذيت شور وخلصت خذيت لي دانيت وشغلت الكمبيوتر وقعد ادخل من منتدى لمنتدى والملل يلعب دوووور جلست لييييييييييييييييييييييييين السااااعة 4 رحت صليت وبعدين رديت مرة ثانية عالكمبيوتر في احد المنتديات يتني رساالة من وحدة من البنات وانا ارسل وهيه ترسل وبعدين دخلت الفطاحلة وقعدنا انسولف وبعدين انقطعت الكهربة وانا عاد خلاص ميته من الملل اول ما رجعت الكهربة شغلت الكمبيوتر ودخلت نفس المنتديات وانزل مواضيع وجي وبعدين رحت اصلي وبعد ما خلصت صلاه رجعت يلست ع الكمبيوتر
والحين انا عندكم .

وكل يوم ع نفس الموااااال

وهذي حياتي اليومية

رد على: نشرة أخبار الاعضاء اليومية
 

[quote=الطائر المهاجر]افا قال بيقابلني في الليل ، وراح قراند حياة
هذي عائلة امريكية ...
وهذا السبب في شعورك بالضيق والوحده ... ما كان عشمك[/quote]

انا اول ما جيت مصر سكنت في قراند

واحلى ايام عشتها هناك

لالا هو حسني بالوناسة ويبيني احضر وياه سنيما بس انا قلت يصير خير وبكرة نتفاهم

اما سبب الوحدة احساس راودني مدري ويش اسبابه

تسلم والله يا الطائر دايم حاسس فينا

رد على: نشرة أخبار الاعضاء اليومية
 

احساس الوحدة هي جيته ، ثم تذكيرك بالوالده وبقية الإخوان ، ويوم راح عنك زاد الإحساس قوة
فكأني بك تقول وليش انا هنا ...
حبيبي الطير إذا ريش يفل الجنحان ولا عاد يسأل عنه احد لازم يتعود يطير وإلا تاكله الزواحف
وبعدين بالله فيه واحد يحس بالوحدة وهو في المحروسة ، اعد ترتيب اوراقك ، وتمتع بحياتك

رد على: نشرة أخبار الاعضاء اليومية
 

تسلم وهي شهر ونص وانا عندهم للعيد واحلى رده وانا مستانس في مصر ويا ربعي ولله الحمد منسيين الوحدة تماما

رد على: نشرة أخبار الاعضاء اليومية
 

[SIZE="4"][COLOR="DarkOrchid"]لك وحده ايه الا انت جاى تقول عليها
انت فى ام الدنيا؟؟
شكلك مشتاق بس شكلنا لما تجلس معنا تفقد الاهل ويجيك الاحساس انا نذكرك باهلك
ما تخاف احنا معك اى وقت تحب ريحة الاهل ترى تلقانا


صعبة[/COLOR][/SIZE]

رد على: نشرة أخبار الاعضاء اليومية
 

تسلمين يا صعوبة عاد ريحة البيت والاهل ناشبة فيك نشبة قوية واللي يشوفك يذكر جدته ههههههههههه ربي يسعدك دوم

رد على: نشرة أخبار الاعضاء اليومية
 

اليوم قمت الساعة 11 خذيت شور وخلصت خذيت لي دانيت وشغلت الكمبيوتر وقعد ادخل من منتدى لمنتدى كنت ابي افتح الفطاحلة مب راضي يفتح عندي تخبلت تميت ساعة كاملة وانا احاااول وياه والملل يلعب دوووور جلست لييييييييييييييييييييييييين السااااعة 4 رحت صليت وبعدين رديت مرة ثانية عالكمبيوتر وبعدين دخلت الفطاحلة
وكل يوم ع نفس الموااااال

وهذي حياتي اليومية

رد على: نشرة أخبار الاعضاء اليومية
 

الله يسعد ايامك يا حورو

رد على: نشرة أخبار الاعضاء اليومية
 

اليميع ان شاء الله

رد على: نشرة أخبار الاعضاء اليومية
 

[COLOR="DarkOrchid"]يـومـ عـآدي

مالي خلق احد انعديت من زكام الي بالي

قعـدت آجابل المنتدى واخربط بالتصاميم

ومنقهره ودي اروح الشالية بس ما اقدر اشوف البحر واسكت

ووو

بـس [/COLOR]

رد على: نشرة أخبار الاعضاء اليومية
 

عاد انا اليوم محتار اتصل في اخوي ولا لا اخاف ينشب فيني ويبيني اتمشى وياه وانا مالي خلق سنيمات ههههههههه بس ابي منه الجوال هع هع هع الاخ طماع ههههههههههههه

لا وبعد منزل قصيدة كلها حش شكلي بنضرب اليوم هههههههههه

رد على: نشرة أخبار الاعضاء اليومية
 

[COLOR="DarkOrchid"]وحققت الي بالي

حاليا استبرق جدام البحر شابكـه وبيدها فرابتشينوا

وتطالع الفطاحــلـه ..

منظر يصلح لخاطره لوول [/COLOR]

رد على: نشرة أخبار الاعضاء اليومية
 

ههههههههههههههه على البحر وطالعينا هههههههههه ياحليلك

رد على: نشرة أخبار الاعضاء اليومية
 

توني راجعة من برع وعلى طول ع الفطاحلة

مشكلتي احبكم

رد على: نشرة أخبار الاعضاء اليومية
 

يسلموا فكره حلوه بس انا اليوم بدي اشكر صاحب الفكره تسلم وبكره ابتدي معاكم

رد على: نشرة أخبار الاعضاء اليومية
 

اليوم قمت الساعة 11 خذيت شور وخلصت خذيت لي دانيت وشغلت الكمبيوتر وقعد ادخل من منتدى لمنتدى كنت ابي افتح الفطاحلة مب راضي يفتح عندي تخبلت تميت ساعة كاملة وانا احاااول وياه والملل يلعب دوووور ، قمت الساعة 3 تغديت ،سلمت على اختي وعيالها الساعة 4 لأنهم كانوا برجعون بوظبي وبشتااق لهم الصرااحة والبيت هادي الحين ، الساعة 6 عيال اختي الثانية يو والبيت استوى حشرة وانا راسي صدعة شغلت الكمبيوتر شوي تميت لين الساعة 8 أخترب الماوس عندي تيننت أنا رحت انا وأختي نشتري ماوس يديد ما خلينا محل مارحنا ليه يمكن ثلاث محلات عسبت ماوس بس بعدين رحنا التنتاكي طلبنا لنا وصلنا البيت الكمبيوتر ما يشتغل جلست اعابل فيه لين ما استوى <<<< المرأه الحديدية ، وبعدين دخلت كل المنتديات والحين انا وياكم وهذي يومياتي لليوم .

الساعة

رد على: نشرة أخبار الاعضاء اليومية
 

[quote=أميرة الليل]يسلموا فكره حلوه بس انا اليوم بدي اشكر صاحب الفكره تسلم وبكره ابتدي معاكم[/quote]

ربي يسلمك وحنا في انتظارك يا اميرة الليل :)

رد على: نشرة أخبار الاعضاء اليومية
 

"وقعد ادخل من منتدى لمنتدى كنت ابي افتح الفطاحلة مب راضي يفتح عندي تخبلت تميت ساعة كاملة"
لأنه اثناء مرورك بمنتديات اخرى لقط جهازك سباي ويرز ، وهذا السبب ، فدائما لما ادخل مواقع ثانية لازم
انظف جهازي بالمنظف اللي ذكرته في قسم الحاسب
[url]http://www.fatahilah.com/showthread.php?t=11478[/url]
فالموقع لدينا حساس للسبايويرات والفيروسات

رد على: نشرة أخبار الاعضاء اليومية
 

طبعا ماجد ما تكلم عن ما صار له فقد وردتنا اخبار مؤكدة
انه البارحه انشغل بزواج مسيار ، ويادوبك انهى المهمة ودخل الفطاحلة

رد على: نشرة أخبار الاعضاء اليومية
 

اخبار امس للحين طبعاً

طلبني اخوي انزل له سميرة ميس طلع مغير فندقه قلت اوكي لبست زين ونزلت له اكلنا في ماك وسواليف وبعدين دخلنا السنيما الفلم هو تيمور وشفيقه وتفرجنا وروحنا الفندق قال انا بطلع انت روح بيتك في سته اكتوبر لاني بكرة بسافر قلت لا انت روح اتمشى ويا ربعك انا بجلس بروحي في الفندق واطلاله على النيل وعلى مصر ولا في مثلها المهم صحيت لقيته نايم جنبي تونست وياه وقلت ابي اجوال قال اقول ولي من قدامي امس مشتريه ب5000 ريال قلت يعني تغلى علي ابي اكشخ قال مب لازم قلت طيب وسكتت ههههههههههه عاد راضاني ب1000 جنية وبعد بكرة مصروفي يوصلني ويوم ارد السعودية بطق واحد مثله من القهر هههههههههه وها انا الحين بين يدكم

توته توته خلصت الحتوته

رد على: نشرة أخبار الاعضاء اليومية
 

على مين ياهامان
سواليفك وواصلتني من البارح

رد على: نشرة أخبار الاعضاء اليومية
 

هههههههههههههههههههههههههههه

اقول يا الطائر مشغل علي جواسيس هاه لا يكونون بدقارداتي ههههههههههه بدى الولد يصورخ

رد على: نشرة أخبار الاعضاء اليومية
 

أنا من يوم الخميس وأنا رايبحة رادة السوق وكلة عجزت أحدد مقاس جزمتي الله يكرمكم
مرة أخذ 37ومرة 38 000000038 واسعة000و37أحسها صغيرة مع إنها مقاسي بالتمام شو أسوي وصراحة
الجزمة من النوع المريح لدرجة إني ماخذة لبسين من هالنوعية تطلح للطلعات السريعة والمشي مسافات طويلة
عطوني حل خخخخخخخخخخخخخ

رد على: نشرة أخبار الاعضاء اليومية
 

الاوسع يكون احسن :)

رد على: نشرة أخبار الاعضاء اليومية
 

تطبع أصابع رجولك برى الجزمة لأنها مفتوحة من الأمام
هههههههههههه وتصير تحك في الأرض خخخخخخخخخخخخخخ
ولا جالسة أكلمكم الحين وهي في رجولي والله يا إني أعاني من قياس الجزم خاصة إنو أنا أوقات إذا أكلت طماطم وصلصات ولحوم تنتفخ رجولي هههههههههههههههه

رد على: نشرة أخبار الاعضاء اليومية
 

هههههههههههههههه

بس كمان احسن من الضيق ..

بعد ينفخ الصبوع ههههههههههههه

رد على: نشرة أخبار الاعضاء اليومية
 

ههههههههههههههههه وانتي الصادقة تسلخ جلد الأقدام من الجوانب
ولا الأصابع الجزمة مفتوحة من قدام ومن ورى ماخذين راحتهم مرررررة خخخخخخخخخخ

رد على: نشرة أخبار الاعضاء اليومية
 

ههههههههههههههه

و الله مدري

انا ما احب الصيق

رد على: نشرة أخبار الاعضاء اليومية
 

بسيطه روحي لتونس تراهم في ذاك يفصلون على الرجل بالملي