همي ثقيل ..
 

[font="comic sans ms"][size="5"][color="sienna"]السلام عليكم ورحمه الله وبركاته


صباح / مساء الخير


مشاركه اتمنى ان تجد لها القبول لذائقتكم




اضحك مع الناس ولا نيب سالي
لكن .. اضحك ما ابي الناس يدرون

همي ثقيل .. ارتكي له لحالي
وبداخلي من الحزن ونات وشجون

حالي مثل مجنون ليلى .. الهلالي
شجاع .. لكن سببها صرت مجنون

الجادل الي غيرها ..ما صفالي
من حسنها كل العذارى يغارون

صورتها دايم ما تفارق خيالي
من وين ما وجهت انا ووين ما كون

لو انها سم .. شربته قلت حالي
ياما حلا السم لو انه مثلها يكون

بكتب على كف القدر ما جرالي
وادون من ابياتي اهازيج ولحون

حبن ملكـ قلبي من اول .. وتالي
اشوفه اصبح بين الاضلاع مسجون


وسلامتك



اتقبل ردودكم وملاحظاتكم وانتقاداتكم بصدر رحب .. فلا تبخلو علينا [/color][/size][/font]

رد: همي ثقيل ..
 

(عط الحر فرصه)

رد: همي ثقيل ..
 

[quote=الطائر المهاجر;961157](عط الحر فرصه)[/quote]



هلا بك يالغالي ... بس ما فهمت وش المقصد ؟؟

رد: همي ثقيل ..
 

السلام عليكم / اخوي محمد اولا / نقول لك الحمد لله على السلامه ، ثانيا / لو قرأت المكتوب في توقيع الدكتور المشرف العام لعرفت القصد والأهم من هذا وذاك لابد ان تعرف بأن وجود ثلاثة ابيات فما فوق ركيكة المبنى او بمعنى أوضح مكسورة تحال الى هذا القسم ويتم مناقشة مكمن الخلل مع صاحبها واقتراحات التعديل المناسبة ، تحياتي

رد: همي ثقيل ..
 

عليكم السلام ورحمه الله

هلا بك اخوي محمد يامرحبا .. لا هنت الله يسلمك يالغالي .. قرأت المكتوب وبان لي القصد واعتذر
لعدم المشاركه وان شاء الله يكون لنا تواجد دائم ومشاركات عديده مع الاخوان
اما بخصوص الابيات والله اني ما طرحتها عبر هذا المنتدى الشامخ الا كلي ثقه بنقدكم
واقتراحاتكم التي تنير الطريق امامي .. وجمايلكم مثل ما يقولون ما يحتاج انتو راعين الاوله
ولا غنى لواحد مثلي عن ارائكم ونقدكم الهادف كل الشكر لمداخلتك ولطفك

دمت بود ،،

رد: همي ثقيل ..
 

هذا البيت على المسحوب وسليم ، بعد تعديل طفيف في الشطر الثاني
حالي مثل مجنون ليلى .. الهلالي= شجاع .. لكن سبّها صار مجنون
وهذا البيت مسحوب وسليم
الجادل الي غيرها ..ما صفالي=من حسنها كل العذارى يغارون

وهذا بعد التعديل مسحوب وسليم
شجاع .. لكن سبّها صات مجنون
وهذا ايضا
لكنّي .. اضحك ما ابي الناس يدرون

ارجو مراجعة القصيدة وضبطها على نفس لحن البيتين السليمين
تحياتي

رد: همي ثقيل ..
 

يعطيك العافيه يادكتور
ماقصرت الله لا يهينك

لو اني قلت في البيت الاول

الناس تضحك لي ولانيب سالي
لكني اضحك ماابي الناس يدرون

همي ثقيل وماتشيله .. الجبالي
وبداخلي ونات واهات وشجون

حالي مثل مجنون ليلى .. الهلالي
شجاع لكن سبها صار مجنون

الجادل الي غيرها ما صفالي
من حسنها كل العذارى يغارون



مره اخرى كل الشكر لمتابعتك واهتمامك

تحياتي لشخصك الكريم

رد: همي ثقيل ..
 

الناس تضحك لي ولانيب سالي
لكني اضحك ماابي الناس يدرون

همي ثقيل وماتشيله .. الجبالي
وبداخلي ونات واهات وشجون

حالي مثل مجنون ليلى .. الهلالي
شجاع لكن سبها صار مجنون

الجادل الي غيرها ما صفالي
من حسنها كل العذارى يغارون

سليم 100%
ما عدا
همي ثقيل وماتشيله .. الجبالي
همي ثقيل وما تشيله جبالي ( او جمالي)

صح لسانك

تحياتي

رد: همي ثقيل ..
 

هلا اخوي محمد الحقيقة أشيد بمستوى فكرك الراقي ومرونة تقبلك للنقد فهذا هو المسار الصحيح الذي سوف يأخذ بيدك الى طريق الإبداع باذن الله دمت بحفظ الخالق

رد: همي ثقيل ..
 

صح بدنك يادكتور عثمان

والله يعطيك العافيه على متابعتك وتشجيعك

بارك الله فيك

رد: همي ثقيل ..
 

[quote=محمد بن عمار;961463]هلا اخوي محمد الحقيقة أشيد بمستوى فكرك الراقي ومرونة تقبلك للنقد فهذا هو المسار الصحيح الذي سوف يأخذ بيدك الى طريق الإبداع باذن الله دمت بحفظ الخالق[/quote]



هلا بك اخوي محمد .. لا هنت لا هنت هذا من طيب راسك يالغالي

كلام جميل من شاعر جميل الله يوفقك .. ونا لم اتواجد هنا الا للفائده وانتم الخير والبركه

تحياتي لشخصك الكريم

رد: همي ثقيل ..
 

اذا سمحتو لي .. هذي الابيات بعد التعديل وان شاء الله اكون وفقت بكتابتها بالشكل الصحيح



الناس تضحك لي ولانيب سالي
لكني .. اضحك ما ابي الناس يدرون

همي ثقيل ما تشيله .. جبالي
وبداخلي ونات .. واهات ..وشجون

حالي مثل مجنون ليلى .. الهلالي
شجاع.. لكن سبها صار مجنون

الجادل الي غيرها ما صفالي
من حسنها كل العذارى يغارون

صورتها قدامي .. ودايم قبالي
من وين ما وجهت وجهتها لي تكون

لو انها سمٍ .. شربته زلالي
ياماحلاه السم لو مثلها يكون

بكتب على كف القدر ما جرالي
وادون ابياتي اهازيج ولحون

حبن ملك قلبي من اول وتالي
اليوم اصبح بين الاضلاع مسجون


وسلامتكم

وفقك الله
وسلمت اناملك
تحياتي وتقديري

مشكور
على هذا الجهد
تحياتي

وفقك الله
وسلمت اناملك
تحياتي وتقديري

الف شكر
على ماجاد به قلمك
تحياتي الطيبه