<< قــــوم بــــطــــات >>
 

[CENTER][B]الــســلام علـــيــــكم




تقبلوها كما هي :rolleyes:

.

.


.[/B][/CENTER]




[poem=font="Times New Roman,5,teal,bold,normal" bkcolor="burlywood" bkimage="" border="double,6,black" type=2 line=0 align=center use=ex num="0,black"]

عطله فراغ.. وقلت : بتعلم أكلات=وهذا "كتاب الطبخ عندي بجزئين"

أبي يحَطْ إسمي مع اسم(المجيدات)=لأني زهقت إسمي ضمن قوم (حلوين)

لأن الذكا دايم ملازم لـ( سحتات )=والا الغبا؟! أبرز صفات ( المزايين)

قلت أجمع الثنتين في شخص" ونات "=جيد وحلا.. نادر تجي بنت بأثنين

سويت شكشوكة وحمسه.. سهالات=لكن: كسرت قلاص..وخمسة مواعين

مره أزيد الملح..ومر البهارات=ومره تعافه عين..وتعافه إيدين

ومرت ثلاث شهور وجت الدوامات=وطبخي أكلته زين والا مهو بـزين

ويومي وعيت أسمي ضمن قوم (بطات)=وملاحظة ( رفلة ) ومن تحت خطين[/poem]

[CENTER]تحاياي العطرة[/CENTER]

الاخت الشاعره/ ونات
تسلمين ولاتندمين
وهكذا الرفلات
والا فلا

هههههههههههههههههههههههه

صح السانك يا اخت ونات..

بالنسبه للتكسير يا كثر الرفل مثلك هههههههههههه

ولكن ما عليه اسواق ابو ريالين يا كثرها بعد..

الله يوفقك ...ابيات مسليه وهادفه بنفس الوقت

دمتي بخير

الفاضله ونات..............
نص فكاهي جميل ومحكم
ونقد هادف
سعدت بقراءته وانتظر ما بعده
لك تحيتي وشكري

سويـت شكشـوكـة وحمـسـه.. سـهـالات
لكـن: كسـرت قلاص..وخمسـة مواعيـن

مـــره أزيـــد الـمـلـح..ومـر الـبـهــارات
ومـــره تـعـافـه عيـن..وتـعـافـه إيــديــن


هههههههههههههههههههه حلوووووه صح لسانك
والله ابيات حلوه وتوسع الصدر

تحياتي لك:)

صح لسانك اختي ونات
الله يوسع صدرك
رائعه بروعة وجودك
تحياتي

[COLOR="RoyalBlue"]اضحك الله سنك

اخت ونات

انا اشهد انكم قوم بطات:)[/COLOR]

[quote=منيع]الاخت الشاعره/ ونات
تسلمين ولاتندمين
وهكذا الرفلات
والا فلا[/quote]



هههههههههههههههههههه


هلا بك ياخوي منيع


شرني مروورك ..


تحياتي لك

ونات


صح لسانك على هذه القصيده والطبخه

هههههههههههههه
خخخخخخخخخخخ

ونات الله يعينك

ماحد بيتزوجك

ههههههههههه
خذي دورات مكثفه بالطبخ
والا بتعنسين ماحد سأل ؟؟؟؟؟؟؟

صح لسانك وفكرك

تحياتي
وصادق الود

هههههههههه
حلوه
واسمحيلي ببعض التعليقات على ما ورد في الابيات :

أبـي يحَـطْ إسمـي مــع اسم(المجـيـدات)
لأني زهقت إسمي ضمن قـوم (حلويـن)

لا تصيرين طماعة .

لأن الـذكـا دايــم مــلازم ل( سـحـتـات )
والا الغبـا؟! أبـرز صفـات ( المزايـيـن)

ألزم ما هنا المزايين .


سويـت شكشوكـة وحمـسـه.. سـهـالات
لكن: كسـرت قلاص..وخمسـة مواعيـن

الشكشوكة ما يبيلها الا تاوة ، وش خمسة مواعين الظاهر طلعتي المطبخ كله
انكسر الشر
لكن كل هالصجه واللجه وكتاب طبخ جزئين وفي النهاية شكشوكة !!!!

مـــره أزيـــد المـلـح..ومـر الـبـهــارات
ومـــره تـعـافـه عين..وتـعـافـه إيـديــن

الشكشوكة ما يبيلها بهارات وانا اخوك
تبين اعطيك المقادير >>>>>>بيّن اللي دايم ياكلها في الرقع ويقعد يمطرس .:d


ومـرت ثـلاث شهـور وجـت الـدوامـات
وطبخـي أكلتـه زيــن والا مـهـو بـزيـن

أكيد ما ماكله الا انتي .
بس شكلك ضعفتي في هالثلاث شهور :d


وملاحظـة ( رفلـة ) ومـن تحـت خطيـن

لاحووووووووول ... رفلة بين قوسين وتحتها خطين بعد ، ما لك علاج . لا عاد تطبخين ابد .

تسلمين على هالابيات الفكاهية بلا طبخ بلا خرابيط ، ييزي هالساعة الصدر

بارك الله فيك وجهودك المميزه
تحياتي

بارك الله فيك
كتبت فقرأت فاستفدنا
تحياتي واحترامي

بارك الله فيك
كتبت فحق لنا ان نقرأ
تحياتي

استمتعت بالقراءة
شكرا جزيلاً
تحياتي الطيبه

وفقك الله
وسلمت اناملك
تحياتي وتقديري