ما كل ما يعرف عن الوضع ينقال
 

[poem=font=",6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ما كل ما يعرف عن الوضع ينقال = كم هرجةٍ ودت حياض المنيه
في غابة فيها الحصاني لها القال = والذيب بعد الفرس اصبح ضحيه
والبوم سوقه قام في وقت الانذال= والحر يشكي من ظروفٍ عصيه
اصبح يتيم لا عمام ولا اخوال = يمشي يباري الساس خوف الوشيه
والخلق صارت تعشق الذل للمال= وصاروا عبيد للنفوس الرديه
ومن بعد مالعربان مضرب للامثال = عزه وكرامه مامشوا بالدنيه
تغيروا مابين خاين ودلال = وعميل للعادي بجهر وخفيه
يرضيه لو يسطّر على الوجه بنعال= ولو باع دينه والوطن بالسويه
من اجل دنيا مابقت يوم في حال= تضحك بوجهه يوم وآخر زريه
وكنز جمع مايوم أخر للاجال = وذكراه ما تغفر لجرم واذيه
لا ياعرب منتم مثل سالف اجيال= سم الحضاره صابكم في الهويه
حتى غديتوا مطمع لكل حيال= ومهما سرق منكم تقولوا هديه
ما يامن النشال ياكود نشال= همه بنفسه لو سرق للرعيه
بلدانكم راحت بتشريد وقتال = وابليس فيكم صاح صبح وعشيه
وانتم تفرقتوا ولا فيه عقّال = وصرتوا ضحايا نعرة المذهبيه
وهذي النتيجه ضعف في ضعف وخبال= ورمز التخلف بين كل البريه
متى على الله ينكشف غيم الاذلال= وتصحى بعد غفوه عقولٍ غبيه[/poem]

رد: ما كل ما يعرف عن الوضع ينقال
 

اجدت واصبت
من أروع الابيات وفي الصميم يادكتور
تحياتي لكم

رد: ما كل ما يعرف عن الوضع ينقال
 

كما قال منيع : من أروع الأبيات ، فلا فض فوك وصح لسانك حكيمنا .

رد: ما كل ما يعرف عن الوضع ينقال
 

الله الله ..

صح لساانك و صح فكرك و طاب حالك

قصيده جزله بكل معانيها

لاهنت يا عود و صح لسانك مدد

رد: ما كل ما يعرف عن الوضع ينقال
 

صح لسانك
مدد بلا عدد
لاهنت يالغالي
تحياتي واجلالي

رد: ما كل ما يعرف عن الوضع ينقال
 

الله عليك ياشيخ

كلام في الصميم من شاعر حكيم

لاهنت يا دكتوووور ـ وصح لسانك

ودي قبل ردي

رد: ما كل ما يعرف عن الوضع ينقال
 

صح لسانك يادكتور

صدقت

ولاهنت

رد: ما كل ما يعرف عن الوضع ينقال
 

صح السانك دكتور
دايم مبدع لافض فوك
شكرا لك

رد: ما كل ما يعرف عن الوضع ينقال
 

عسى الله يصلح الحال

صح لسانك ابوعبدالله

مبدع كعادتك

تقبل مروري

رد: ما كل ما يعرف عن الوضع ينقال
 

صح لسانك يادكتور

لا هنت على هالابداع