محاورات عبدالله العير
 

التعريف بالشاعر :
عبدالله عبيد العضيلة المطيري المعروف بعبدالله العير
من مواليد 10/9/1384هـ ونشأ في عنيزه وتوفي في شهر صفر 1426 اثر حادث سيارة

محاورة بين نواف العازمى وعبدالله العير(رحمه الله)

نواف العــازمي

[poem=font="Simplified Arabic,4,royalblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
سلام رديّه تذر الكحل بعيون الحسد=تلفي مجال اللي يحاولها ولاهو حولها
السبت قدام الاحد واللي ورى السبت الاحد=اقولها واللي معه فكرٍ سليم يقولها[/poem]
عبدالله العير المطيري

[poem=font="Simplified Arabic,4,teal,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يامرحبا ياسعود يوم انك تغني مع سعد=اهل العقول البيض مدري وش دخل بعقولها
تراك يانواف ابن منور غريب (إ)عن البلد=والمقفليّه عند رجالٍ يحفظ قفولها[/poem]
نواف العــازمي

[poem=font="Simplified Arabic,4,royalblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
دام البقاء بسعود خيّال الجهام المعتمد=ما اقولها لأهل الطبول اللي تدق طبولها
استغفر الله يوم قلت ام الولد جابت ولد=يوم انها قامت تشيل الجمر وسط حثولها[/poem]
عبدالله العير المطيري

[poem=font="Simplified Arabic,4,teal,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
إليا قنب سرحان في الظلماء ورد والا شرد=والصايحه تنخى وكل الناس مالدولها
عين المهلهل عقب اخوه كليب والفها الرمد=والناس قامت يم .... حروثها تعن خيولها[/poem]
نواف العــازمي

[poem=font="Simplified Arabic,4,royalblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
انا ادري انك علةٍ صرمى ولاادري وش بعد=المشكله حلياك حلياها وزولك زولها
ترعد وتبرق سالفتكم جعل مافيها برد=يالله عساها المزنه اللي ماتسيل سيولها[/poem]
عبدالله العير المطيري

[poem=font="Simplified Arabic,4,teal,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ابن الحلال اللي حرث عنها تورط وانقرد=انته تحاليها وانا حملتها بحمولها
الله واكبر يالعوازم ياقويين الجهد=ان كان فيكم خير سربتنا الصباح اقفوا لها[/poem]

نواف العــازمي

[poem=font="Simplified Arabic,4,royalblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ان جيت مازاد العدد وان رحت ماتنقص عدد=تبغى الصحيح اضحك على ناسٍ خفاف عقولها
عزالله انك فارسٍ قطاع لو ماترتعد=والا العوازم خابرين فعولكم وفعولها[/poem]

عبدالله العير المطيري

[poem=font="Simplified Arabic,4,teal,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
انا ليا جيت اخزي الشيطان والواقف قعد=والا انت ابو جره مايعروف ثومها من فولها
فعلت لك فعله ولاحصلّت منها الا النكد=يوم العرب هجت وكبت قشها ونعولها[/poem]

هذه محاوره بين ملفي المورقي والعير
 

هذه محاوره بين ملفي المورقي والعير رحمه الله

عبدالله العير المطيري

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
والذي فضل المطران في كل حزّه= ماغدى لي ورى العتبان لو كيس مزّه
عاين العير قدمك ناطحه لاتقزّه=جعل في الامر خير وجعل في الامر خيره
حنّا هل الردات في يوم الاخير=قومٍ توطى مايجي قدامها
مفالي الصمّان من فلى بها=واللي عقد روس الحبال يحلها[/poem]


ملفي المورقي العتيبي

[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
انت حطيت ربعك في محل الصحابه=مير هوّن ترى ربك شديدٍ عقابه
وارجع الذاكره واذكر فعايل عتابه=جعل في الامر خير وجعل في الامر خيره

اخذ المخده وانسدح فوق السرير=ترى الجزيره دونها حكامها
لاتلمس الجمره ولامشهابها=واللي عقد روس الحبال يحلها[/poem]

عبدالله العير المطيري

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الله اللي مفضلنا عزيز الجلالي=حطنا فوق روس العالم اول وتالي
الله انه يسهل دربكم ياخوالي=جعل في الامر خير وجعل في الامر خيره
حكومة السودان دهورها البشير=يومين يبغضها ويوم يرامها
في تالي الايام وش سوى بها=ومسيلمه كذاب ومحمد نبي[/poem]

ملفي المورقي العتيبي

[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
انت في المدح ماشاء الله رسام لوحه=مير يوم ان جالك فيه جيّه وروحه
ويش قال المثل قلي بمدّاح روحه=جعل في الامر خير وجعل في الامر خيره
عيرٍ طويل ورافقه عيرٍ قصير=اسبيع فيهم نعنبوا من لامها
لكن شب النار ياشبابها=ومسيلمه كذاب ومحمد نبي[/poem]

عبدالله العير المطيري

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يالله انك توفقنا طريق السلامه=لين نآصل بلدنا مالحقنا ملامه
نازل القصر ماينزل خراب الهدامه=جعل في الامر خير وجعل في الامر خيره
لابنشر التاير مشينا بالسبير=تبا تجملنا على صدامها
والله ماتقعد وانا ركابها=ومسيلمه كذاب ومحمد نبي[/poem]

محاورة بين عبدالله العير مع سعيد بن علي الفهري
 

محاورة بين عبدالله العير مع سعيد بن علي الفهري
سعيد الفهري
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
سلام في حفلة أبن مشيط ورجال يام=وجه محلف عزوتً ما طاحة اعلامها
العبدلي لو دعاء المولى بحسن الختام=ويسلم(الدتسن) اللي طاح صدامها[/poem]

عبدالله العير
[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يا مرحبا بالنيابة عن رجال كرام=ترحيبة طيبه والخير قدامها
العبدلي مؤمن لله وصلى وصام=يومً بعض الرجال اتبدل اسلامها[/poem]

سعيد الفهري
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
العام الاول وقسمك من علو السنام=واليوم تاكل عشى أم عبيد وايتامها
المؤمن اللي دخل مكه ولبس الحرام=ما هو بعابد وجيه الصرب واصنامها[/poem]
عبدالله العير
[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الخشر في تالي الاوقات ما هو حرام=تاكل وتشرب واخوك امجود اخطامها
ترى حلال الدهر مايشبع من الثمام=باتت ليال الربيع وزلت ايامها[/poem]

سعيد الفهري
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ان كان وزن السبايك مثل ريش النعام=والله ما اطمع بدنيا كثرت انعامها
ان كان نامت عيونك واهتنت بالمنام=(امطير) في ذمتك وتحقق احلامها[/poem]

عبدالله العير
[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
حنا وزنا السبايك مير ماهي تمام=والعامل اللي وزنها ضايع ارقامها
امطير في ذمت المعبود منشي الغمام=اللي يجيب الشيوخ ايجمع اختامها[/poem]

سعيد الفهري
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
وش عرفك بذهب وانته في سوق الحمام=دامك شريطي حمام وتعرف احجامها
ما بقي الا قليل وجاك شهر الصيام=كم واحد يفطر ايامه ولا صامها[/poem]

عبدالله العير
[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
تبى الحقيقه ترى الدنيا عليها السلام=لنار قومً تحطك دايم ايمامها[/poem]

رشيد الزلامي وعبدالله العير
 

هذه محاوره للشاعرين : رشيد الزلامي وعبدالله العير
عبدالله العير :

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
سلام يا اصحابنا اللي جيتهم بالوعد=وانا لياجتني الدعوات لبيتها
اصفى سما نجد لابارق ولامن رعد=وانا لمحت المزن ورعودها اوحيتها[/poem]

رشيد الزلامي :

[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الله يحييك ترحيبٍ بليا عدد=قدمك رجالٍ ترحبك ليا جيتها
بس المصيبه تجيهم وانت مامعك احد=قامت بك الارض واشتغلت عفاريتها[/poem]

عبدالله العير:

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
البارحه يارشيد وليت الاول بعد=وشلون حال الجماعه يوم مريتها
حنّا طراقي ولاحنّا من اهل البلد=لكن دعوتك هذي تعرف بويتها[/poem]
رشيد الزلامي :

[poem=font="Simplified Arabic,4,firebrick,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ان كان تنشد جماعتنا بحال السعد=ومطير ماهي على الدرب وتعديتها
وش رايكم في عجوز بليس جابت ولد=واليا اسر الله ضحكتك وبكيتها[/poem]
عبدالله العير :

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الله ولا النشده اللي تاليتها نكد=وشلون موجتك للمطران فريتها
اللي عطتك البريره وانت وسط المهد=قالوا لي انك بعد شيّبت جازيتها[/poem]

رشيد الزلامي :

[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الله يعلم رشيد وقصده اللي قصد=مطير من قبل جيراني وحبيتها
لاتحفر المقبره يطبق عليك اللحد=واللي عطتني البريره جيت وارضيتها[/poem]
عبدالله العير:

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الليله انته بعيرٍ تنتظم وتهبد=ماتنتثنّى يدينك مير ثنيتها
اللي عطتك البريره حظها منقرد=عرضتها لاهب الكنّه وخليتها[/poem]
رشيد الزلامي :

[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الموج اشوفه طفح والبحر جاله زبد=لكنّ ذيك البضاعه وين وديتها
فزعتك عشرين واللي طاح واللي قعد=وخمخمتها في ظلام الليل واخطيتها[/poem]

عبدالله العير :

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
حطيتها في بيوتٍ جودت بالعمد=وانته تباها لكنّك ماتحليتها
الله يعذبك كيف اشغلتني بالنشد=عن حرجةٍ تطلب الميته وذكيتها[/poem]رشيد الزلامي :

[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
اقول سبحانك الخلاق فردٍ صمد=عيون فتحتها وعيونٍ اعميتها
يالعير دم الخواجه ماع مدري جمد=وارد عراوي دخل ماها على زيتها[/poem]

عبدالله العير :

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الله ليا راد له حاجه بليا جهد=حرّم عليك الزقاره وانت كنيتها
ماعاد عند الخواجه دم كله نفد=اتعبت رجلك على دربه وعنيتها[/poem]
الزلامي :

[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
وش رايك اعطيك بالغليون لين تهجد=تصبح وساعتك ضايعةٍ تواقيتها[/poem]

رد: محاورات عبدالله العير
 

مع ناصر مرسال الرشيدي

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
=ناصر مرسال
يامرحبا في محل محققيـن الطمـوح=العزوة اللي مثل شمس الضحى صيتها
من خلقت الله لبونا أدم وحواء ونوح=ناطاء على الأرض لو ظاقت عفاريتها.

= عبدالله العير المطيري:

الله يبارك بناسٍ يكسبون المـدوح=اللي دعتني على الحفلـة ولبيتهـا
اليا تحيزمت بمحزام ماانت بشحوح=ان ماتغدتـك ياناصـر تغديتـهـا

=نـاصـر مـرسـال:

جعل البقاء ياالنشامى من ضمير نصوح=وانته علومك تخـش الأذن واوحيتهـا
المزن خيٌل من المنشاء وبرقـه يلـوح=اسلم وسلم على اهل المهـد لاجيتهـا

=عـبـدالله الـعـيـر:

سيفٍ ماهو سيف عنترة لاتعـده ذبـوح=وانته تبـي ذبحـت المسلـم وغريتهـا
ويش انت لاقي مع اهل المهد حتى تروح=أبلشـت الأجـواد ياناصـر وبذيتـهـا

=ناصـر مـرسـال:

مالك عن السيف الأجرد لو طلعت الصطوح=في ليلتن لونهـا اسـود والقمـر ليتهـا
انته تريـد الخبـر مـن جـد ولامـزوح=لاتلومني لـو عليـك اسـراري اخفيتهـا

=عـبـدالله العـيـر:

الليلة انته من الأمثال صـدرك يفـوح=لاكـن لاشفـت لـك حيـة تمثنيتهـا
لو أن كشف السراير منه تبراء الجروح=ابديت الأسـرار بالشاشـة وغنيتهـا

=نـاصـر مـرسـال:

البحر مالح لاكنك ماتذوق الملوح=ياللي حبالك بوسط البحر مديتها
ماودنا يالمطيري بالسراير نبوح=ون كان حديتني بالاسم سميتها

=عـبـدالله الـعـيـر:

لاوالله الابـلاك الله بعيـرٍ رمـوح=قـدام خشمـك ليامنـك تحريتهـا
ماني بغابطك ياناصر بديس المسوح=أنـا تمنحتهـا قدامـك وفكيتـهـا

=نـاصـر مـرسـال:

لابارك الله في رجل الحصـان الجمـوح=يالله وبالله بالمـشـعـاب صديـتـهـا
أثريك عايش مع أهل القات وأهل اللحوح=يامجاور العنكبوت اللـي بنـت بيتهـا

= عـبـدالله العـيـر:

ماكل راسٍٍ طلع له قرن يصبح نطوح=وانته بغت تطلع اقرونـك وثنيتهـا
ماني بذيب ليا قوطر يهاب السروح=إن ماتعشيـت راعيهـا تعشيتـهـا


=نـاصـر مـرسـال:

جدتك ماتت شهيدة وانت مالك قـروح=والميتة لـو تلـم امطيـر محييتهـا
مانته محصل غابوق ولامحصل صبوح=مافي يدك غيـر صبرتهـا وحلتيتهـا

=عـبـدالله الـعـيـر:

ماني مقابل قبور العجزا صيٌح وانوح=ان كان ماهي على دربـي تعديتهـا [/poem]

رد: محاورات عبدالله العير
 

مع عبدالله بن شايق
يالعير لا تخطي على مبارك
[rams]http://www.alnadawi.org/realaudio/binsayeqnew.rm[/rams]

رد: محاورات عبدالله العير
 

[align=center]مع عبدالله الذيابي (العمي)[/align]

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
=الـــــــعـــــــمـــــــى

مرحبا فالحفله اللي طيبها من طيب اهلها=والمثل يقول راع الطيبـه يبغـى بدلهـا
والحقيقه ماينخوّخ للحمـول ألآ جملهـا=والنصيب ايصيب والدنيا تجيب اللي تجيبه
((اللـيـل يــا شـاعـر امـطـيـر = قـابــل لـشـاعـر عـتـيـبـه))

=الـــــــعـــــــمـــــــى

الخفيفـه بالخفيفـه والثقيلـه بالثقيـلـه=يا المطيري قدمك السفره ترى الليله طويله
جمل الله جمل الله من يبا علـم الجميلـه=والنصيب ايصيب والدنيا تجيب اللي تجيبـه
((لا شـفــت عـبــدالله الـعـيــر =ابـــشـــره بـالـغـلـيـبــه))

=الـــــــعـــــــيــــــــر

البقا يا اللي ترحب وانت لك عشرين نيّه=تدحمك نيّتك لا هي لا ربـاع ولا ثنيّـه
مار يا عبدالله ابن اسنان رد العين فيّـه=والنصيب ايصيب والدنيا تجيب اللي تجيبه
((الـيـا اجتمعـنـا عـلـى خـيــر = كــــل ٍ يــــدوّر نـصـيـبـه))

=الـــــــعـــــــيــــــــر

لا وقفنا في مواقيف النشاما واحتزمنـا=لو يطيح امية ولد منا ولا يطرح علمنـا
ان نزلنا ما رحلنا وان بنينا مـا هدمنـا=والنصيب ايصيب والدنيا تجيب اللي تجيبه
((يــا الـلـي تـسـوق التبـاشـيـر =ذيـبــك نــشــب بالـجـذيـبـه))

=الـــــــعـــــــمـــــــى

القيـاده مـا تسلـم غيـر لأصحـاب القيـاده=ان شهدت ابصدق وإلآ ما طلبنـا لـك شهـاده
يا المطيري يا المطيري شف لك افراش ووساده=والنصيب ايصيب والدنيا تجيـب اللـي تجيبـه
((كـم هـيـر يــا الخـصـم كــم هـيـر = بـــرضــــاك وإلآ غـصــيــبــه))

=الـــــــعـــــــمـــــــى

لا تحدا لا تحدا نعـرف ارجـال التحـدي=امسك احدودك وحذرى لا تقرب يم حـدي
والله إنك منت واصل ملك ابوي وملك جدي=والنصيب ايصيب والدنيا تجيب اللي تجيبـه
((مـافـيـه خــــس ٍ وجـرجـيــر = حـلّــت عـلـيــك المـصـيـبـه))

=الـــــــعـــــــيــــــــر

ضربنا فيكم كما ضرب السحابه فالهشيما=قنبلتنا حوّلت في جوّكم يـا هوروشيمـا
مابقى وسطالبيوت ألآ الأرامل واليتيمـا=والنصيب ايصيب والدنيا تجيب اللي تجيبه
((بـاقــي لـكــم زود تـفـجـيـر = يــــا خـايـنـيـن الكـتـيـبـه))

=الـــــــعـــــــيــــــــر

مانسينا فعلك اللي عام الاول وانت دااري=تنقل الالغام كنـك ناقـل ٍ رز ٍ بخـاري
مادريت إنك ليا هالحين في رحمة مطاري=والنصيب ايصيب والدنيا تجيب اللي تجيبه
((نـبــا نـصـخــرك تـصـخـيـر = انـتـه ومـــن تـلـتـوي بـــه))

=الـــــــعـــــــمـــــــى

ضربنا فيكم سوات القنبله في جاكي جاكي=ابشر ابشر يا المطيري ابشر ابشر بالهلاكي
مار انا بعطيك علم ووصله للـي وراكـي=والنصيب ايصيب والدنيا تجيب اللي تجيبـه
((حــنــا نــضــد الـطـوابـيــر = مــوتــو شــبــاب ٍ وشـيـبــه))

=الـــــــعـــــــمـــــــى

ما نبا رحمه من المطران والرحمه من الله=وان همزك ابليس جبنا قلة ٍ من بعد قلّـه
لعنة فوق من يخطـي طريقـه لعنـة الله=والنصيب ايصيب والدنيا تجيب اللي تجيبـه
((انـــت ســــوات العـصـافـيـر = واحـنــا الـصـقـور الـرهـيـبـه))

=الـــــــعـــــــيــــــــر

انت عارف ضربنا يوم انتقابل فالمغـازي=يوم كبدك من مضارب شلفنا واخرك تنازي
الله اللي حطكـم قدامنـا مثـل القـزازي=والنصيب ايصيب والدنيا تجيب اللي تجيبـه
((الـيـا حـديـتـك عـــن الـنـيـر= مــاهــي عـلـيّــه غـريـبــه))

=الـــــــعـــــــيــــــــر

والله انك ماتروّح ليـن تاكلهـا قدمهـا=لو نبا نعرم خشوم اصحابنا كان انعرمها
المطاري زهب البندق وحطك عند فمهـا=والنصيب ايصيب والدنيا تجيب اللي تجيبه
((تـمـشـون وانـتــم مصـاغـيـر = والـصـفـق فـــوق الضـريـبـه))

=الـــــــعـــــــمـــــــى

انته اللي ذقت ضربه حامي من بعد ضربه=لين خلينا المطيري ينحرف ويكـب دربـه
احد في قبره نحطه واحد يزرب وسط زربه=والنصيب ايصيب والدنيا تجيب اللي تجيبه
((مـايـنـفـعــن الـمــعــاذيــر = والـحــرب حــامــي لـهـيـبـه))

=الـــــــعـــــــمـــــــى

ويش خابر يوم من مران قفت بك ضعونك=ماتلفت يا المطيري يمنـا حتـى عيونـك
انت هارب وانت هارب والنشاما يطردونك=والنصيب ايصيب والدنيا تجيب اللي تجيبه
((يــا لـيـت لـلـحـرب تـصـويـر = حـتــى يــشــوف المـعـيـبـه))

=الـــــــعـــــــيــــــــر

والله انك منت ناسن ضربنا فالحرمليّـه=يوم رحتو كنكم خرفان بدو ٍ فالضحيّـه
روّح اتراحيب يفندكم على ظهر العبيّـه=والنصيب ايصيب والدنيا تجيب اللي تجيبه
((اقـفــو شـيــوخ المـغـاتـيـر = ثـــم اعــــذرو فالـذهـيـبـه))

=الـــــــعـــــــيــــــــر

انت تعرفنا ليا غبنا ولن سقنـا جملنـا=ما علاه ألآ هنوف ٍ تزعج الصوت وتفنّا
والمهار امجوّده بإعنانهـا منـا ومنـا=والنصيب ايصيب والدنيا تجيب اللي تجيبه
((منـكـم نـبـا نـشـبـع الـطـيـر = والـلــي يــجــاذب قـنـيـبـه))

=الـــــــعـــــــمـــــــى

كيف تنسى كيف تنسى فعلنا بإبـن بصيّـص=سعرنا غاليين وانتم سعركم سعر ٍ رخيّـص
والعشيّه عشت يوم انك شبعت امن الرصيّص=والنصيب ايصيب والدنيا تجيب اللـي تجيبـه
((رحـتـو مـثــل قـــوم كشـمـيـر = خـيـبــه وعـشـريــن خـيـبــه))

=الـــــــعـــــــمـــــــى

يا احدِدانا يا احدِدانا ما نبا معكم علاقـه=ما نبا معكم مصالح ما نبا معكم صداقه
يا عيال امطير حطو روسكم تحت الحلاقه=والنصيب ايصيب والدنيا تجيب اللي تجيبه
((مــا بـــه ريـــال ودنـانـيـر =غـيــر الـسـهـوم العـطـيـبـه))

=الـــــــعـــــــيــــــــر

عان ذبّاحه تعشينـاه فـي حيـد الرفايـع=تحسب إنك مقتدي وانته عمى واقشر وضايع
الله اللي حطكم فـي جنبنـا مثـل الودايـع=والنصيب ايصيب والدنيا تجيب اللـي تجيبـه
((فـاجـر قـعـدنـا لـــه اعـصـيـر = بــيــن الـنـحــر والـتـريـبــه)) [/poem]

رد: محاورات عبدالله العير
 

ابو عبدالله

تشكر لمجهوداتك الطيبه

فعلا مواضيع تستحق التميز والقراءه

لاهنت يادكتور

فائق الاحترام

رد: محاورات عبدالله العير
 

[align=center][size=4][color=#008080]الطائر المهاجر

(( محاورات عبدالله العير ))
و إيفاد بديع و راقى لمحاوره رائعه و متميزه
دمت أخى و سلم لنا ذوقك الرفيع[/color][/size][/align]

رد: محاورات عبدالله العير
 

[center][glow=003333][size=6][font=comic sans ms][color=#ffffff][color="deepskyblue"]
[color=#00CCFF][size=7]
[COLOR="Plum"]سلمت يمنااك يا الطاائر

محااوراات طيبه

لا هنت

موج القصيد"[/COLOR][/size][/color]

[/color] [/color][/font][/size][/glow][/center]