منتديات الفطاحله - صدى صوت خلف المهيلان

[CENTER]الاخوان والاخوات الكرام
اعضاء منتديات الفطاحله
هذه القصيده اسندت الي من الاخ الشاعر الكبير
خلف المهيلان[/CENTER]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
مادمت حروحربوحي بمسباق=ماله فضاء كودالظلوع المحيطه
خلوني ابمفردصدى الصوت وخناق=ضيق النفس بهمومي الي خليطه
مال الصدرغيرالشعركل ماضاق=وماب الزمن هذا وناسه غبيطه
ماعادلي قلب ٍإلى ابعدت يشتاق=احترت يانجدبجهات الخريطه
وقفت أبوجه الوقت لين اتعب الساق=وسلك الامل تقطع اليوم خيطه
ودعت أناجمع التحساس بفراق=تعبت من وقتي وأناارجع شريطه
ضاقت بحرالبوح ياهوالا فاق=وإلى بغيت امشي تضيق البسيطه
تجرح احساسي وجرحت خفاق=قولولشبه اغليص يتبع امقيطه
وش في يدين الي به الفكرمنعاق=وجرح الزمن صبري عجزلا يخيطه
قم يانديبي فوق من يبرق ابراق=يطرب أسماعي بدوست فحيطه
إلى ابرق اجميحه ورى العج بشعاق=تقول جمر ٍمع هبوبن قريطه
وسط الدجالاجامع الطلعه اواق=يعجبك مع طول المسافه مغيطه
نصه لبن منشارحسين الاخلاق=وقل الزمن هذابغمضه بقيطه
قل يافلاح الصبرماعادينطاق=وشعري ابحرك يالسنافي أنقيطه
يامسندي قوبل الايق بمالاق=وتعبت تفكري بكثراتخطيطه
والغل شفته لوخفاجاله اشناق=ورع التصنت صارعنده وسيطه
رع القفاخاوا مغلين وحماق=وتحالف الباشك علي والبطيطه
عطني سديدالراي تراي مشتاق=ورع القفاصلط علي بتصليطه
جو دون من حبه ترسخ بالاعماق=عقب التفأل مومن ٍبالقنيطه
وفوقن على مابي لفاالبارح الحاق=ماجاب طيري كودصيدالرقيطه
ماني ببن برمان مارالزمن شاق=وعقدالصبرزود زماني فريطه
ماعندي الا الحبرمع بيض الاوراق=واخوك ذيب ٍمالتفت للقطيطه
حتى لواعسروقتناالي علي شاق=وكثررع النمه بهرجه مطيطه
مازلت متحلي بصبري والاخلاق=وأهل التحسس بالتصنت مشيطه
اضحك وأناانزف ضيق من كلا الاعماق=والسريلقط من انفاسي لقيطه[/poem]
[CENTER]فكان هذا ردي [/CENTER]

[poem=font="Simplified Arabic,5,royalblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
يامرحبا بحروف فكري لها راق=من شاعرٍ يبني معاني غويطه
شاعرلجل نيل الكرامات سبّاق= نفسه على العادات دايم حويطه
ساق القوافي كنها سيل دفاق = من بحر يذهل كل سابح شخيطه
فيها الجواهر والدرر عقد منساق=صفحه من الابداع ماهي هريطه
صور بها هاجوس بالروح حراق=في وقت ماصافى لمن هو يليطه
ياصاحبي هذا الزمن للوفي عاق=مايسعد الا اهل النفوس العبيطه
هذا زمان اهل الهوى واهل الاملاق=ماينجح الا من يتابع عويطه
العز لاهل الفن واتباع بشناق=واهل الطرب والزيف والزنمبليطه
يرقى المفاتن كل فاجر ونعاق=والرخل تركب فحلها واللقيطه
الشيمه صارت بايره وسط الاسواق=والحكمه تاهت والمهازل نشيطه
والواسطه غطت على راعي الاعراق=والصادق يكذبه راعي الخريطه
يعز تلقى لك في الناس صدّاق=كلٌ توخى الكذب لاجل السقيطه
والوقت عاداته للافذاذ دقاق= يردي الكريم ويهتني به معيطه
اصحابك ان طفرنت قالوا بطقاق=لو هو رجل ماكان حالته شيطه
راحوا هل الوقفات واصحاب الاذواق=ماباقي الا الحسد واهل الغميطه
لاشك هذا ياخلف فعل الابواق=والناس خلف المال تلهث قميطه
هذي هي الدنيا ولو صابك اطراق=لثامها بالغدر دايم تميطه
انصحك لاتصاحب من الناس بواق=وراعي القفا كبه وراعي الهبيطه
اصبر عن اصحاب التصنع والاخفاق=والي يبيعك بارخص السعر نيطه
النار تاكل نفسها وقت الاحراق= والمكر ناره باهل صنعه سخيطه
من نم لك لاشك للغير لك داق=نفسه على الشينات دايم ربيطه
والي عليه احسنت فاحذر منه واق=ولا تامن الحيه ولو هي حنيطه
الصبر حكمه والقناعه بالارزاق=دنياك ماتسوى تراها حطيطه
والختم صلوا عالنبي عد الاوراق = وعداد من يقراء الحروف النقيطه[/poem]