نتائج مسابقة الشعر النبطي..
 

في منتديات الفطاحلة تعودنا ان تنطلق قرارات الإدارة من ما يتفق عليه الأعضاء
فما دورنا سوى التنسيق ، وانتم من يوجه بالقرار ، وبالتالي فهذه مسابقتكم وانتم
من يقرر نتائجها ، فإليكم المشاركات كما وردتنا مرتبة حسب تاريخ وصولها
والمطلوب من جميع [mark=FFFF00]الشعراء والشاعرات [/mark][mark=FFFF00]فقط المختصين بالشعر النبطي [/mark]سواءً اشتركوا في المسابقة ام لم يشتركوا قراءة كل قصيدة بتمعن واعطائها الدرجة المناسبة وبطريقة موضوعية ودقيقة وعادله وطبقا لما يلي:

غير مقبوله= صفر
مقبوله = 1
جيده = 2
جيده جدا = 3
ممتازه = 4

ويرسل التقييم لي مباشرة [mark=FFFF00]وخلال مدة لاتتجاوز 3 ايام [/mark]، برقم الشاعر ورقم القصيدة والنتيجة في رسالة خاصة عن طريق الرسائل بالمنتدى ، من خلال تعبيئة الفراغ التالي:

الشاعررقم (...)
القصيدة رقم (...) النتيجة = (0) (1) (2) (3) (4)
القصيدة رقم (...) النتيجة =(0) (1) (2) (3) (4)
القصيدة رقم(....) النتيجة =(0) (1) (2) (3) (4)

التقييم الموضوعي الدقيق والعادل ولجميع القصائد [mark=FFFF00]بدون استثناء [/mark]، يعني شجاعتك في الحق ، وفيه فائدة لزملائك ، وفائدة لنا في الخروج بنتيجة موضوعية دقيقه وعادلة ترضي الجميع ، [mark=FFFF00]وأي تقييم لايغطي جميع القصائد لن ينظر له[/mark] ، فكلنا افراد اسرة واحدة ، شعارنا العدالة والمساواة.


[poem=font="Simplified Arabic,5,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
الشاعر (1)
القصيدة(1) للشاعر(1)

ليلة(ن) مـرت عساهـا ماتعـوّد تذهلـي=ليلة(ن) ياشين ليلـه ليلـة(ن) فيهـا بـلا
من هموم(ن) سامرتني اشهد انـه تهولـي=ساهر(ن) والكوع مركا لين ما النور اعتـلا
من هواجـس لعنبوهـا زلزلتنـي زلزلـي=هاجس(ن) صادر وهاجس وارد(ن) بالمشكلا
قلت ياقافي نخيتـك خابـر انـك دوم إلـي=سامرن يالعنبوك وهات شي(ن) بـه سـلا
خابر انـك ماتخيّـب شاعـرك ولا تخذلـي=عارف اللي لي يلـوق وفاهمـه ماتجهـلا
دام انا وانتا وبـس بهالفـراش المخملـي=سامرن تكفى نخيتك وسلنـي انـت السـلا
قال يا مدوّر سلاك اشفيـك كنـك تجهلـي=مابقى فيها سعاده بعد مـن امـس ارحـلا
عنق ريم القفـر الاتلـع بالجمـال مكملـي=عرف واخلاق وموده ذوق مغمـوس بحـلا
ناعس الطرف الكحيل ليا نظر لك يخجلـي=يغظي بنظرات عينه من هـلا بـك ياهـلا
ابو خديـن(ن) نواعـم والجبيـن يهوّلـي=والشفايف كان بانت مثل جمـر(ن) يشعـلا
ويل حالك يابو ضاري من فراقـه وعزلـي=خاف تجبرني لغيره حالـف(ن) مـا امثـلا
قلت انا اشهد ويل حالي من فراقه ول ولـي=كيف ابصبر واتصبر وكيف للزيـن اصـلا
دام انا مدري رحيله هو جنوب او اشملـي=سار غصب بلا طواعه سيره مـن لـه ولا
طالبـك يالله طلبـه لا تطـول بـه علـي=رد من روحي وروحه ثنين في واحد مثـلا

القصيدة(2) للشاعر(1)

طاف بحـرم مكـه طوافـه وانـا اطـوف=
بخطـى حـلا مـدري دلـع بـه رهوفـه
واللي جعل دينه علـى الغيـر بـه نـوف=وانـزل كتـاب(ن) محكمـات(ن) حروفـه
لو هـو بغيـر البيـت لا عينـك تشـوف=اشيـاء تصـيـر بمشيـتـه او وقـوفـه
الكـل يطلـب خالقـه بحـالـه يــروف=وانـا بعـد مـن الله رجـيـت المـروفـه
لاشك غصـب العيـن يمـه بـه حـذوف=وعـن غيرهـا موقـي غـدا بـه حذوفـه
وشلون لوهـو باحـد الاسـواق مشيـوف=واعـزتـي لـلـي بعيـنـه يـشـوفـه
يقضـي نهـاره بيـن جلسـات ووقـوف=تبقـى حيـاتـه كلـهـا لــه كسـوفـه
يوم(ن) مشى مشيه علـى لحـن معـزوف=الحـان الاطـرش بـس ماهـي معزوفـه
معها اختلـط نـاي وبعـد عـود ودفـوف=مشيـه تقـول مطابـقـاً مــع دفـوفـه
ذكـرت ربـي ثـم سميـت مـن خــوف=احـد(ن) ليـا ناظـر لـحـد مايطـوفـه
فزيـت واهتـزيـت بالحـيـل ملـهـوف=ويقـول قلبـي خـف هــذي معـروفـه
قلـت انثبـر ياشيـن تــراك ملـقـوف=خــل المـولـع لا تقـطـع حـروفــه
لاشـك مابـه طـب حضـرت بـحـروف=وابيات شعري غصـب(ن) افتـح زروفـه

صـادوف ياشيطـان الأشعـار صــادوف=حتـى وانـا محـرم تجـي بـلا كلـوفـه
معـه ليامـا مـن الحـرم شـد بنكـوف=وهـو يـدري انـي مدّهـر فـي وصوفـه
قالـت تـراي ادري بمـا قلـت معـروف=واحسـاس قلبـك وسـط قلبـي اشـوفـه
خذ ما تبي اعـزف علـى لحـن معـزوف=شريـان قلبـي لـك وتـر خـذ بـروفـه
بس انتبـه تـر مقطـع الحـزن محـذوف=ارزف أخبـر السامـري لــك عـزوفـه
ابيـك تطلـع بمطلـع اغليـه بشـغـوف=روحـي بحايـل صـرت فيهـا شغـوفـه
مابـي حـزن مابـي تناهيـت مـع أوف=خـل الألــم لاعــاد تـذكـر ظـروفـه

القصيدة(3) للشاعر(1)

مـن غيبتـك يازيـن صابتنـي هـمـوم=غـدى بـي التفكيـر شــوش بـراسـي
غديـت مثـل اللـي قلـب راسـه الحـوم=واصبح كما المنجوم فـي ضـرف قاسـي
عليـك ياللـي مادمـر وجهـك وشــوم=مـن غيـر زينـك كـل زيـنٍ يـداسـي
بفـر قـاك لـو لا خايـفٍ يلحـقً لــوم=هليـت دمعـي عنـد ربـعـي و نـاسـي
واصيح باعلى الصـوت يانـاس مسمـوم=جيبـوا وليـف الـروح يـزول بـاسـي
عليـه قلبـي لـه حنـيـن ولــه رزوم=غـدى بصنـدوق الضمـايـر محـاسـي
ياجـى سـواد الليـل غـدى بـه غيـوم=واظلـم بعينـي برقهـا بــا نعكـاسـي
كني صغير ومـن حلـى العطـف محـروم=امـه توفـت و الأبــو حـيـل قـاسـي
الله ياكـثـر السـهـر وقـلـة الـنــوم=والله مــن فـرقـاك يـاعـز نـاســي
مـا ينخلـط يانـاس هيلـه مـع الـثـوم=ولا ينلـبـس ثــوبٍ بلـيـا مقـاسـي
ولايـروي العطشـان شـم الـهـواء دوم=والفـرق يعـرف بالـذهـب والنحـاسـي
يـا لولـو يامرجـان ياعـقـد منـضـوم=يـادر يــا يـاقـوت يـاتـاج راســي
ياعـود ياعنبـر مـن الطيـب مقـسـوم=يـاريـح مـسـك ماقـنـوه الخسـاسـي
لا ياقمـر بيـن وحـيـت بــه نـجـوم=ياشمـس بانـت عـقـب ذاك الدمـاسـي
غيـرك فـلا والله لــي فـيـه مـلـزوم=ومـن غيـركـم والله مـالـي مـواسـي
اسمك غـدى فـي داخـل القلـب مختـوم=ومن دونـه اغلـق بـاب قفلـه نحاسـي
لا ياسمـي الـنـور صابتـنـي هـمـوم=عقـب الرجـاء لا تحـط يازيـن يـاسـي
ليتـك تجـي ماضـن تلحـق ولا يــوم=جـب لـي كفـن يازيـن عنـدك مقاسـي
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

الشاعر(2)
القصيدة(1) للشاعر(2)

ياشركة الجوال أخذيه مابيه =لأنه يذكرني بزين الطباعي
لأنه يذكرني بصوته وطاريه=من بعد فرقانا تزايد اوجاعي
كل مابغيت أنساه اجي وأتصل فيه=ضعفت له والضعف ماهوطباعي
أخذيه يمكن ينشرح صدر راعيه=وأتزين له دنياه بعد الضياعي
قلبي تعلق به وأنا ميتن فيه=بس القدر حكم علينا الوداعي
يادمعتن حمرا بعيني تناديه=خلاص ماضنيت للصوت داعي
خليه في حاله وربي يهنيه=خليني أثبت مره إني شجاعي
القلب عزاني وأنا فيه أعزيه=الله يعين اللي بها الحب ضاعي
حكم علي الحب إني أخليه=واليوم حكم الحب لازم يطاعي
ياشركة الجوال أخذيه مابيه=يمكن أشوف الشمس بعد الشعاعي
ــــــــــــــــــــــــــــــــــــــــــــــــــــــــــــــــــــــــــــــــــــــــــــ

الشاعر(3)
القصيدة(1) للشاعر(3)

الليل بيّـح خافـي(ن) كـان مستـور=ماسـج فيـنـي صافحـنـه يديـنـه
ابديت لـه مالـوّع الخافـق شهـور=غـرو ٍتربـع فـي حشـاي وظنينـه
أدعج عيون(ن) مكرمات(ن) عن النور=ملهـوب خـد(ن) ماكونـه سنيـنـه
خشف(ن) جفول(ن) فاتن القد مضمور=واليـا تخطـى حـاز قلبـي رهينـه
لافـاد بـه كـي(ن) ولافـاد دكتـور=علـة محـب(ن) طِبهـا فـي يمينـه
شفّه مرامـي واشتياقـي لـه بحـور=مـن طبهـا لابـد ينـشـد كنيـنـه
هذا بشر والا مـن الحـور مشطـور=ردّو عـلـي الـقـول ياسامعيـنـه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

الشاعر(4)
القصيدة(1) للشاعر(4)

باح حسنك سـره بقلبـي وذاب=لاتجاذبنـا انـا وانتـي النظـر
رغم بوحك سال في قلبي العذاب=مثل ماسال الندى فـوق الزهـر
يوم اشرتي وفي كفـك خضـاب=شفت روحي وسط كفك تحتضر
شاب قلب الحب في عمر الشباب=ويوم شافك صارت اوراقه خضر
كن شوفك بلسم وكنـك سحـاب=وكن قلبي ارض وعيونك مطـر
كيف تهديني سؤال بـل جـواب=وبجمالك مارئـت عينـي بشـر
بسمتك لا شافها مجروح طـاب=ولا نظرتي لروح مظلوم انتصر
رقتـك عطف,وتناهيـدك عتـاب=لاتنهدتـي امـوت مـن القهـر
همستك تربك موازين الخطـاب=لاحـوت كـل البلاغـه والنثـر
عاطفيه فوق مايحسـب حسـاب=ولا لمستي الصلد لك لان الحجر
اكبر اغلاطك بإنـك عالصـواب=ولاخطيتي تنثر دموعـك طهـر
انتي انتي ايش من شيئٍ عجاب؟=ماتركتي شي فـي الدنيـا نـدر؟
نادره بالحسن ولادستي التـراب=اصبح ترابك تبـر بعـد الاثـر
في غيابك تلفظ انفاسـي الغيـاب=وبحضورك كل غالي هو حضر
آه من همٍ طفح بيـن الصحـاب=لاطروا اسمك على وجهي ظهر
قال قلبي ويش جاب لويش جاب؟=هذا بوحك كيف لو كان الجهـر

القصيدة(2) للشاعر(4)

من وين مالاحـت عيونـي تلاقيـك=مثل النظر تسكـن بداخـل عيونـي
ان كنت انته الشوف في عيون غاليك=وشلون احوي دنيتـي ونـت كونـي
جيتك ونا من لاضي الشوق ضاميـك=اتبع سرابك عـل تصـدق ظنونـي
لاجيت ابشرب قلت حسبك ويكفيـك=وشرب النقص ياخوك ينقص سكوني
طبع الحياء يمنـع فـؤادي يحاكيـك=(وسؤ ظنك) خوف يشغـل شجونـي
لوكنت واثـق اننـي كنـت طاريـك=لاجيك مثل الغيـث يهطـل مزونـي
وارويك من وارف ظلالي واحويـك=مابين عطفي وبين جفنـي ونونـي
ماهو تغّلـي يالغـلا اننـي اجفيـك=لاوالـذي خـلاك روعـة جنـونـي
لكن طبيعـه فـي اذا قمـت باجيـك=يرتـد طرفـي, ربمـا مايبـونـي؟
الـود ودي بكـل حالـي اخـاويـك=وشلون وانتم لونكـم نفـس لونـي
اعرفك شامخ معتلـي بكـل مافيـك=واطهر من الطهر العزيز المصونـي
من اجل هذا قـام وجـدي يناجيـك=والحـر تشغفـه الطـوال المتونـي
لولاك مابعـزف بشعـري اغانيـك=ولاصرت لي بالشعر اجمـل لحونـي
لـولاك ماباحـت بسـري الاتاريـك=لهمـس الليالـي بعدمـا وقضونـي
مانمت لحظه فيـك ولاكنـت ناسيـك=لاغض جفني قـام يوقـض عيونـي
دايم دوام وخالـص العهـد يوفيـك=ياليت بس توفـي بغمضـة جفونـي
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

الشاعر(5) مشاركاته منشورة بهمس القوافي لذا فهي مخالفة للشرط رقم عشر
لذلك لم تقبل المشاركات
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

الشاعر(6)
القصيدة(1) للشاعر(6)

اقبلي مثل صبحاً فـي ضيـاه الفـرح=مثل وردً تفتـح مـن عبيـره يفـوح
واسكني قلب عاشق من هواك انجرح=وارحلي في خيالي فوق كل الجـروح
صاحب الحسن حسنك من رأه انشرح=ومن وقع في شباكك كيف يقدر يروح
انتظرتك وعمري في غيابـك سـرح=واعتلا الشيب راسي دون وصلك يلوح
ياعيونـاً لقينـا فـي لقاهـا المـرح=ويا دموعاً كتبنا حبنـا فـي وضـوح
اسمحي لي أحبك كـان قلبـك سمـح=ادري انك تحبـي وان قلبـك سمـوح
اين بالقى حنانك فاض صبـري طفـح=اعذريني احبك حـب روحـاً لـروح
ذاع صيتي بحبك من ضميري نضـح=يعرفيني العوالـي يعرفينـي السفـوح

القصيدة(2) للشاعر(6)

ياجمال اجمل من اوصاف الجمال = حطنـي اخـر مسافـات الجـنـون
والله انك تضعـف اجـواد الرجـال = بالعيون السود انا فـدو العيـون
كـم دفـع لـك لجـل يسكنـك الـدلال = ليت انا من ضمن سكان المتون
ليت لي مثـل الدلـع عنـدك مجـال = في سجون الحسن يانعم السجون
ياشموس الحسن ماتعـرف زوال = مملكة من فن تحرسها الفنـون
انـت مالـي جعـل فـدوك كـل مـال = انت مال المال والكنز المصون
وأن يكون العيش في قربك محال = المحال العيش في بعـدك يكـون
لاتعيشـنـي عـلـى ذنــب احتـمـال = انت اية صـدق ماتقبـل ضنـون
انـت مجمـوع الأجابـه والـسـؤال = وانت أجمل شي عنه يسئُلـون
لادنــا فنـجـال حسـنـك والـــدلال = جيت ادلـي كاستـي اول زبـون
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

الشاعر(7)
القصيدة(1) للشاعر(7)

جرعتنـي مـراً قضـى فينـي ليالـي بالـيـه=توعد عيونـي بالوفـاء بالنظـره اللـي ساليـه
وابطت مراسيل الهوى ما جاتني فـي موعـدي=ان ما لفـت بالاولـه مانيـب راعـي التاليـه
بشوم عن ذكر الولـع ووقـد مقابيـس الحـزن=وارجي العوض عن ما جرى من هالسنين الخاليه
واترك بقايا هالورق واشعار مـا فيهـا رجـاء=لعـل شوقـاً منفطـر تلقـاه فرصـه سانـيـه
ببحر واجـاري لوعتـي وامدهـا مـد البصـر=واشرح معاناتي هنا في جنـب ذيـك الساريـه
لين اوصل لاخر مدى مـن هالخيـال وسجتـه=بلخبط اوراق الهـوى واطفـي لهيـب الصاليـه
قلبي نسى طعم الفـرح وازداد بـه ذاك الوجـع=شكـواي لله السبـب ذيـك الظـروف القاسيـه
كل الدروب الموصله مـا تفـرق بحاجـه ابـد=يمـا كـذا والا كـذا هـي كلـهـا متسـاويـه
ما عاد ينفعني النوى والوان طيفـك يـا الهـوى=العالـيـه فالسافـلـه والسافـلـه فالعـالـيـه
حزني شلع مني الفرح والليل سلطـان الظـلام=والهم صاحـب للونـا والنفـس فينـي عانيـه
اقصت يديها خافقـي واسترسلـت فينـي هـدر=وارست هموماً بالحشا من عام ماهـي راسيـه
ابترك اجموع الهوى وارحـل واداري خاطـري=واخفي عباير محجري لو كـان ماهـي خافيـه
الاوله تلـت عـروق القلـب واسـرت واهجـه=اببتعـد اببتعـد مـا ظنـي اقــوى الثانـيـه

القصيدة(2) للشاعر(7)

من عشانه جيـت احـارب هالليالـي=مـن عشانـه شاهـراٌ سيفـي فـداه
ليش تسأل يا الغضي وش هو جرى لي=ما عرفتـي جـرح قلبـي مـن بـداه
ما رحمتـي قلبـي الدامـي وحالـي=من رحلتـي صابـه الوقـت وحـداه
ما دريتـي يـا بعـد كـل الغوالـي=ان قلبـي مـد لـك حــب بـيـداه
جيت اعاتب واذكر اللي منـك جالـي=عقلك اللـي مـا عرفتـه مـن مـداه
اقهرتنـي كلمتـك يــوم السـؤالـي=يوم قلتـي مـن عشانـه لـك عـداه
لعنبوكـي اشغـل التفكـيـر بـالـي=ارحمينـي اظـهـر الخـافـي رداه
اكتبك ورسمـك مـن نسـج الخيالـي=جاك صوتي ونتكـس يحمـل صـداه
قـال هـذي قلبهـا مـا هـو يبالـي=اترك المعشـوق وصفـح عـن نـداه
قلت والله لـو قعـد هالكـون خالـي=لنتظـر زولــه لـعـل الله هــداه
وفالاخير تقول من شانـه يـا غالـي=مـن عشانـه واقـف بوجـه العـداه

القصيدة(3) للشاعر(7)

مات الفؤاد اللي شكـا لوعـه اليـاس= فـارق خليلـه ثـم فـارق حيـاتـه
واصبح روايه خوفها موت الاحسـاس= بيـد الزمـان اللـي فقدنـا حـلاتـه
ليش المحبه بـروس الاقـدام تنـداس= ويطغى عليهـا حـب الانسـان ذاتـه
هذا سؤالي يا عـرب حيـر الـراس= وصبح جوابـه فـي حياتـي مماتـه
عقب الخليل اللي رقى فـوق هالنـاس =وداخل خيالـي مـا تفـارق صفاتـه
ويلاه من شكوى القلم فـوق قرطـاس =بيـح ضميـراً تايهـاً فـي سـراتـه
امسي على رجوى امـل دوم منحـاس= واصبـح اداري مـا بقـى بمنيـاتـه
تهت بمشاعر حايـره بيـن الاقـواس =قوس الزمـان وقـوس سبـب اساتـه
وصرت الجريح اللي بداء دق الاجراس =يعلـن حـداد الـروح قلبـي وفاتـه
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

الشاعر(8)

القصيدة(1) للشاعر(8) تم استبعادها لمخالفتها للشرط رقم 10
حيث انها منشورة بهمس القوافي

القصيدة(2) للشاعر(8)

فَدِيْت اللِّي إذَا مَا جِيت أنَـا أسْألْـه عَـن حَالَـه=يِبَان الشُّوق فِي عيْنِه ويِسْألْنِي وِشْ اللِّي فِيْـكْ
وَإذَا مَا جَاء عَلَى بَالِي أكِيْـد إنِّـي عَلَـى بَالَـه=وإذَا مَا جِيْتَني تِسْأَلْ أنَا اللِّـي ارْتَمِـي وأجِيـكْ
زِعِلْ مرَّه وحَرَّمْنِـي وأنَـا المُشْتَـاق لِوِصَالَـه=سِهِرْت بِلِيْلَة الفُرْقَه وكِنّي مِـنَ الوَلَـه أشْكِيـكْ
يِرُوح اللِّيْـل ويِتْرِكْنِـي ويِفْعَـل فِيْنِـي أفْعَالَـه=وأنَا فِي دِفْتَري حَايِر أدَوّر كِيـف أنَـا أرْضِيـكْ
هَجِير الشُّوق والخَاطِر يِسَاءِلْنِـي عَـنْ أحْوَالَـه=أنَا وشْ حِيْلِتِي يَاللّي غَرَامِـي مَـا يِأَثِـرْ فِيـكْ
أخَاف الحِيْن اشْرَحْ لَكْ عَـذَاب اللِّيـل وَأهْوَالَـه=ويِصِير الهَم فِي قَلْبَـك عُيُونِـي يَالغَـلا تِفْدِيـكْ
لَو انَّك فَـارِس العُشَّـاق وكُـل الكُـون خَيّالـه=أنَا دَرْب اللِّيَالِي اللِّـي إذَا مَـا جِيْتِنِـي أطْوِيـكْ
أنَا ذَاك الغَرَام اللِّي عَظِيم الشُّـوق هُـو خَالَـه=وفِيْك الخُوف لَو يِطْرِي أنَا يَـا مُنْيَتِـي أعطِيـكْ
سَكَنْت الـرُّوح والخَافِـقْ غَدِيْتِـي دَارَه ومَالَـه=ولِك فِي غِيْبِتِك طَاري يِنَازِعْنِي عَلَـى طَارِيـكْ
دَخَلْتِي دنْيَتِـي لمَّـا نَسِيْـت القَهْـر وأظْلالَـه=مَلَكْتِي مُهْجَتِي والرُّوح كُلْ مَـا تِطْلُبِـي تِعْطِيـكْ
يِبَان الشُّوق فِيْ عِيْنِي وأنَا أسْألْـه عَـنْ حَالَـه=وخُوف الكُون يِمْلِكْنِي قَبْل يِسْأَل (وِشْ اللِّي فِيكْ)؟

القصيدة(3) للشاعر(8)

على كثر الدروب الي مشاها خاطري الحسـاس=اشوفك يالغـلا للحيـن مـا تدريـن باحساسـي
وعلى كل الغناوي اللي يردّدهـا جميـع النـاس=اشوفك عايـش بحالـك وكنّـك يالغـلا ناسـي
منو يقدر يعيش وما يبي فـي روحـه الانفـاس=ومنو غيرك حبيبي كان يروي شـوق انفاسـي
هذاك الّي مضى اول وانا فـي دنيتـك عسّـاس=ولو حتى مضى عمري وغزاني الشيب في راسي
كذا طبعك تدوّر وين بـا تلقـى بريـق المـاس=وتنسى من عطاك الروح لاجلك وانت يالقاسـي
صحيح انه يسمّونك على عرش الهـوى دوّاس=وانا غلطة زماني اني عطيتك ارضـي وفاسـي
وقلت ازرع من الازهار وكل الكون لـه حـراس=اشوفك ترمـي امالـي وتـزرع للعنـا ياسـي
حسافه ما توهقتـك حبيبـي تجهـل الاحسـاس=ولا ظنّيت فـي لحظـه فـؤادك يالغـلا قاسـي
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

الشاعر(9)
القصيدة(1) للشاعر(9)

جتني تبادلنـي غـرام و مشاعـر=جتني تبادلني احاسيـس وشعـور
جتني قصيده شاقها نضـم شاعـر=جتني سفينه شاقها شاطي ابحـور
جتنني صحاري شاقها رش ماطر=جتني سجينه شاقها شوفت النـور
من شوقها ضلت بعينـي اتناظـر=من شوقها ما كنها غير مسحـور
ضميتها في حضني و قلت خابـر=كل الكلام الـي تقوليـن مخبـور
يا غاليـه يـا ساكنـه فالمحاجـر=يلي غلاك في داخل القلب محجور
مشتاقلـك شـوق القلـم لدفاتـر=من كثر شوقي ما يشيلنه اسطـور
ودي ابين بس مـا اضـن قـادر=انتي غلاك ابداخل القلب محفـور
وانا على فرقـاك مانـي بصابـر=ماصبر علي فرقاك وعيونك الحور
في شوفت اعيونك تسر الخواطـر=ويضل بالي دايم الـدوم مسـرور
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

الشاعر(10)
القصيدة(1) للشاعر(10)

دفنت حلمي في عذاب الكتابه =وأخفيت عن كل البشر وجه الأحزان
ياوجد حالي ياعناه وعذابه=في هيكل الحرمان مذبوح قربان
ماتقدر ايدينة تخلص شبابه =عليه سلسال الذهـب صار سجان
ظامي شفايا ماهتنا في شرابه=يورد قراح البير ويرد عطشان
ان لاح له برقٍ تمنى سحابه=وإن وصلتة تمطر لواهيب نيران
لاشاف عز ولا تعزوى قرابه=ردالصدى صوته يقول:أنت غلطان
من يوم شفت العمر يطرد سرابه=نثرت حلمي في بحر حبر الأجفان
دمعى مدادي والأنامل جوابه=ترسم على صبح الورق غدر الإنسان
الليل طول في عيوني ضبابه=والشمس ماتشرق من ضلوع بركان
دليل خوفه حيرته واضطرابه=وأزهار صدره حدها سور بستان
ذبلت نواويره وزاد التهابه=مات الهنا في موج الأيام غرقان
دور على مرفى لقا شوك غابه=خالى من الشيمه كما رأس شيطان
لوبه رفيق يلتجى في جنابه=ماهلت مزونه هماليل وجدان
مير البلاء كلٍ رحل عن هضابه=صوت يبي الفزعه ولا به(كحيلان)
الخيل ماتت عقب عصر الصحابه=باقي دبش ترعى هزيلات وسمان
وحتاه ينسى عاش وهم الكتابه=يخفي عن وجيه الملا بدر الأحزان

القصيدة(2) للشاعر(10)

عبث سافرت في بحورك ,عبث خذني معك تفكير=أدور فيك غواص , يصارع غبة أبحاره
ينادم في غــــــــــــزير اليم (دانه) عشقها تطوير=وتملك داخله, قلب غريرٍ, تفهم أسراره
ولكن ضاعت آمال , ترجى رحــــــــــمة التعبير=تناضل لجل مايطفي فنار , شعت أنواره
هوى(الحلم القديم),وماسمــــعنا ضجت التكبير=تسلل كل منا في هدوء ,وتاهت أخباره
وهذي سنة الدنيا, مواقـــــــــــــف تعجز التدبير=ولو كنت الذكي ,الألمعي , وصاحب الشاره
أذاكر درس أيامي , ولاأفهم درســـــــــها تذكير=وتذاكرني همومِ فايضة , وأشتاق تذكاره
يلوح الحزن في قلبي,ويشطرني الألم تشــــطير=ويستعصي على فكر الحكيم ويخلف أفكاره
ويبقى الخوف في ضفاف الحياة, مسطر تسطير=يعاند كل معنى للجمال ..ويكتب أقداره ..

القصيدة(3) للشاعر(10)

تفاصيل الوجع غطت شمـوس حسنها مكسوف=تهل أمطارها في الروح عبرااات رمادية
وتسألني:عيونك ليه داااااااايم جّوها عاااااصوف؟=وماليه القلق صدرك,وبه زفراااات نارية
أنا قطرة ندى ضاعت في صحراء قد ملاها الخوف=أنا ياقلبي المتعب رماااااااااد أحلام منسية
أنا سرالوجود الرااااااااعش الظمآآآآآن والملهوف=يدور له على مرفأ ولحظة حـــــب مخفية
تناهشني الجفاف ويهزم أحلامي زحاااااااام كتوف=أنا للغربة العمياء نذرت أجوااااء سحرية
أنا يا(ساااااادن الأحزاااان)في عمري أمل مكتوف=تعااااال أطلق عصافيره ولو لحظة ربيعية
تعاااااااااال وبدد غيوم الزمن عن قلبي المشغوف=تعال احضن جنوني خلني أرتاااااح فجرية
ترااااااتيل الألم خلت حيااااااااتي وجدها ملهوف=تنز جروح من روحي وساوس ليل ذهنية
رهاب الحلم خلاني سجنت أحلى المنى في كهوف=الملمها وتطلع تعلن العصياااااااان رسمية
متى ياوجدي المغمور نبدي للحراااااااب سيوف؟=متى ناخذ مع أوقات الفرح ساعة سديمية؟
متى نطوي شراااااع الرحلة اللي وردتنا حتوف؟=متى تنهل دمعاااات الفرح من عين شرقية؟
ومتى تركض عيوني في الربيع وتهتني بالشوف؟=ومتى تظهر تباشير السرور شفاه وردية؟
ومتى يهدأ الحنين اللي تعذب منه الســــــرجوف؟=ومتى الساعات في عمري تدق أجراس حنية
سؤااااالات تطول وتمنع الترحاااال عنها ظروف=وتبقى في رحيق الروح نبضاااااات شقاوية
لعل اللـيل عنااااااااا ينجلي في لحظة المعــروف=ولعل إن القدر يبسط لنا كف سمااااااااااوية
تعبت من النضال ومن تهاويل الزمن في الجوف=وتعبت من القلوب ولونها المليان صخرية
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

الشاعر(11)
القصيدة(1) للشاعر(11)

جتني بيوت(ن) لامستنـي وغنيـت=بابيات من فيـض الخواطـر ملايـا
باجمل تعابيـر الوفـا لـك وحنيـت=للماضـي اللـي راح يومـك معايـا
بامثال اصورهـا علـى ماتوحيـت=للي حوى بالوصـف كـل السجايـا
ورسمت لك صورةخيال(ن)بها اشقيت=نفس(ن)هواهـا مرهفـات الثنـايـا
ياعذبه من الهم انـا مثلـك ازريـت=وصبرت صبر(ن) ماانقطع به رجايا
ومن بعدكم ياعذبة الـروح عانيـت=وعروق دمي مـن فراقـك ظمايـا
ومن ونتك يامهجـة القلـب ونيـتلجت ضلوعـي واستثـارت حشايـا
وبيحت لك مكنون قلبـي وماخفيـت=وسويت لك قصر(ن) رفيع الحجايـا
وغنيت انا من بالغ الشوق وابديـت=ابيات في رمـز الغـلا مـن عنايـا
وعلاقتي باخـت الرجـال العناتيـت=مدموجة(ن) مثـل اندمـاج الخلايـا
ماهيب مثل الما ء مع نقطة الزيـت=ولاهـي مصالـح فاسديـن النوايـا
ابيض من الثلجه على راس حفيـت=يشهـد علـى ماقلـت رب البرايـا
وانا على وعـدي ولا عنـه رديـت=انـي بوقـت النايبـه لـك ذرايــا
وانااطلب الله كل مااصبحت وامسيت=الواحـد المعبـود جـزل العطـايـا
انـه يثبـت قلبـك اليـوم تثبـيـت=وايضا يفكـك مـن سهـوم المنايـا

القصيدة(2) للشاعر(11)

أناقلبـي بشوفـك ياغـلاي تـزيـد دقـاتـه=هـلا يامرحبابـك يامـلاك القلـب ياغـالـي
حبيب الروح يانـوره وشـوق القلـب ومناتـه=لك الله ياحياتـي دايـمٍ تطـري علـى بالـي
بعطر الورد والجوري ونـور الوجـه بسماتـه=تمن وشوفتـك هـي غايتـي ياطيـب الفالـي
كتبـت الشعـر بحروفـي بداياتـه نهايـاتـه=حرام تخلي المغـرم ينـادي بالخـلا الخالـي
يصيد ان صوّب بعينه علـى قلبـي بنظراتـه=بهرني بالجمـال وفـي مسيـره قـام يختالـي
احبـه هـو نظـر عينـي تسلينـي حكاياتـه=يمون ويامر وينهـى واطيـع بكـل الاحوالـي
واقول اليوم ياخلـي عـذاب الحـب لوعاتـه=نظر عيني بنينا لـه بوسـط القلـب منزالـي
دوا قلبي حبيـب الـروح اذا يسمـح بشوفاتـه=يطيب الخاطر ان كان الغضي يلطف على حالي

القصيدة(3) للشاعر(11)

ياللي جفيت اللـي يحبـك ويغليـك=حتـى اتصالـه ماتـرد اتصـالـه
انت الوحيد اللي من النـاس يبغييـك=صعب(ن)علي القى خوي (ن)بدالـه
شمعة غلاك منـوره عنـد طاريـك=لولاالمعـزه كـان مالـي ومـالـه
تبيع رجل(ن)بالغـلا كـان شاريـك=من دم قلبـه كاتب(ن)لـك رسالـه
هدمت في لحظـه قواعـد مبانيـك=واناالـذي بالحـب يبغـى وصالـه
رغم الذي سويـت مانيـب ناسيـك=وقلبي من اللوعـه يزيـد اشتعالـه
صاحبك وضح كل ماكـان خافيـك=من ضيقتـه يمنـاه تصفـق شمالـه
يرتاح قلبي يـوم اناكنـت اشاكيـك=واليوم مالي صاحـب (ن)ينشكالـه
ان كان انا مزعلك قل لي واناارضيك=مطلبك تـم ولـو يكـون استحالـه
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

الشاعر(12)
القصيدة(1) للشاعر(12)

عاتبيني لو جرحتك عاتبيني=واجرحيني جرح ما ظني يطيب
عذبيني لو قدرتي عذبيني=وأتركي دمعي على خدي يذيب
عاوديني ابحنانك وارحميني=أزرعي البسمة بدى راسي يشيب
حاوريني ناقشيني جادليني=بس لا تقسي على قلبي الأديب
سامريني آنسيني عانقيني=دثريني دفئ حضنك ذا عجيب
واعشقيني بالقصايد غازليني=لجل أنسى دمعت القلب الكئيب
سامحيني إن خطيتك سامحيني=صرت عايش في ديارٍ كالغريب
اطلبيني لو تريدي آمريني=ما لي غيرك في حياتي يا الرهيب
ردي لا لا تهجريني تهجريني=قلبي ما يقدر على هجر الحبيب

القصيدة(2) للشاعر(12)

قلت أحبك وابخجـل والله أحبِـك=ليتنـي فـدوى عيونـك العجيبـه
لونها يسحر سكنت اليـوم قربِـك=يومهـا قلبـي تلايـن واغريـبـه
ضعت في حبك وصار الدرب دربِك=ما هقيت إني خفيِّف يـا الشبيبـه
كل ما ناظره أقول يا لبـى قلبِـك=ساحره كلك على بعضك رهيبـه
في فؤادي موضعك والرُحب رُحبِك=إنت كلي يا الحبيبـه يـا الحبيبـه
أعشقك ما ذقت شيٍ (ن) في غيابِك=صاير(ن) مجنون لو غابـت طبيبـه
صابر(ن) في دنيتك محلى عذابِـك=ويش أسوي هذا عمري له نصيبـه
لو تبينـي أشّـري وآنـا كتابِـك=شخمطيني بـس لا تمحـي أديبـه
سطّري أسمك على عنـوان بابِـك=قبّلي حرفك ومـا أحلـى عذيبـه
لو ذبحت النفس إنت الذنب ذنبِـك=أرحمي عشق(ن) تجلى لـك لهيبـه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

الشاعر(13)
القصيدة(1) للشاعر(13)

الهوى لارِِِحْم أبـو طاريه..وآبـو جَـدّه=مثل مـا ودّا قديميـن العـرب ودّانـي
والله انّي مبطيٍ مـن كيّتـه لـي مِـدّه=العلاج أبطى على جرحي وأنا مرضانـي
وأنت يااللّي تاه عقلي في وصوفِـك رُدّه=خاف من ربّك..ولا ترضى عذاب انساني
عينك السودا..بها سهـمٍ قتلنـي حـدَّه=ناشني بين الضلوع..وطبّ في وِجدانـي
النّجوم تموت..ما تقـوا لبـارق خـدَّه=والقمر يخجل على نوره من الأوجانـي
كـلّ طـبٍ للبلـى قصّر..ولمْسـة يـدَّه=برْيَت أوجاعي بها..وأشْويت ممّا جانـي
آه..يازين الكفـوف النّاعمـات مخـدّه=يوم يدْفي حِسّها فـي ليلـي البردانـي
الحلى والزِّين..يخسـى مايجـاوِز حـدّه=حِشمةٍ لِك..تاخذ الاوَّل..ويبقـى الثانـي
يكفي اِنِّك غير..وأنتي غير به يا جِـدّة=والبَحَر ما ضمّ غير اللُّـول والمرجانـي
لونسيتي كيف من سهم العيـون بشِـدّة=تقتليني..وانذَبٍح مـن طرْفٍـك الفتّانـي
مانسيـت أرُدّ ثاري..وأبشـري ذا ردّه=يقتُلٍك سيف القصيد..وطعنتـه بلْسانـي
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الشاعر(14)
القصيدة(1) للشاعر(14)

مرحبا باللي علـى صـدره وشاح= ابيض باهي جمال بلاحـدود
يوم اقبل فزله قلبـي وصاح= وكل عيـن ماتبـي فزينه شهـود
كنت اظنه بالنظر يغري الرياح= واثري انه بالنظر يغري الرعود
من حلاته بالحلى اشقى الصباح= والعيون الناعسة تشقي الوجـود
بين خديه الشفايف منها فاح= عطرها اللـي ريحته تزهـي الورود
وفي عيونه شفت اناموت الجراح= شفت انا موتي على حمرالخدود
القمـر مامل من عيـنه وراح= يحسـب الليل بعيـونه فيـه زود
والفضا لـو شفت برق فـيه لاح= اشهـدانه فـي السما عنه يذود
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

الشاعر(15)
القصيدة(1) للشاعر(15)

ويــش اخـذنـا مـنـك يـالـحـب الألـيــم=غـــيـــر ونــــــات ٍ وألام ٍ جـــســـام
لامـــوده تـسـكــن الـقـلــب الـرحـيــم=ولا تـفـهــم للـمـشـاعـر .. والــكـــلام
كيف من حبيت يصبـح لـك غريـم ؟؟=عـلـمـيـهــم يـاعـنـاقــيــد الـــظــــلام
كيف يصير الحب في لحظه جحيم ؟؟=كـيـف يـمـوت الـــود قـلــي يـالـغـرام
الـسـؤال يـغـيـب فـــي لـيــل العـتـيـم=مع غيـاب الشمـس فـي حضـن الغمـام
لــك سـلامــي عـــد مـاهــب النـسـيـم=يــافــؤاد ٍ غـربـلــه شــــوق وهــيــام
ماقصـدت ارمـيـك فــي نــار الهشـيـم=أنـت تـدري .. مـا عـلـى خـلـك مــلام
انـــت ولـعــت الفتـيـلـه مـــن قـديــم=ولا بـقـالـك غـيــر تجـمـيـع الـحـطـام
ياعيـون الصـبـر أنــا حمـلـي عظـيـم=شايـلـه يـاشـوق مــن عشـريـن عـــام
مـن بلغـت العـشـر مــن سـنـي حكـيـم=أتـفـكـر فــــي حـيـاتــي .. والـخـتــام
عـزتـي لـمـن طــاح بيـديـن الغـشـيـم=أو طبيـب ٍ مـا عــرف جـبـر العـظـام
ودي أطـلـع مــن لـظـى نــارك سلـيـم=واتـــفـــرغ لــلــصــلاة ولـلـصــيــام
فــي عيـونـي والله أن قــدرك حشـيـم=لـو زعـلـت ولــو تصنـعـت الخـصـام
مـانــي بـخـايــن ولا طـبـعــي لـئـيــم=الخيـانـه مـاهـي مــن طـبــع الـكــرام
أتـضـح لــي لـلأسـف فـكــرك عـقـيـم=حـاولـت اعــدل فـيـك مـافـاد الـكــلام
رح فـمــان الله دربـــك فـــي نـعـيــم=لو قطعنا الوصل يبقى الاحتـرام ...!!
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

الشاعر(16)
القصيدة(1) للشاعر(16)

عين ٍ على فرقى الحبايب ترفّي= وقلب ٍ من هموم الليالي تكـوّى
نار ٍ تشّـب بداخلـي ماتطفّـي =نار ٍ ومنها ضامـري ايتشـوّى
أشوفهـا عيّـت تمْـر وتلفّـي =وأنـا عليهـا دايـم ٍ آتحـوّى
تعال ابيـك , ومبعـد ٍ ومتقفّـي= كنـه علينـا يامطيلـق تقـوّى
عجل ٍ خطاه ودايـم ٍ مايهفّـي =ريم ٍ سباني في جمالـه تغـوّى
ياليتها تقرْب لاجيهـا امتشفّـي= لشرب من إشفاها الى ما اتروّى
ياليتـه يجينـي لشيلـه بكفّـي =لانشق من عطوره الى ما اتهوّى
ارج العيون الناعسـه لاتغفّـي =نور ٍ يشع بتالي الليـل ضـوّى
بوسه من شفاهه ترى ماتكفّـي= سبحان ربي كيف زانه وسـوّى
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

الشاعر(17)
القصيدة(1) للشاعر(17)

يا متعب القلب قلي ويش غلطاتي=ان كنت انا اقدر اعدلها .. بعدلها
لصرت تجهل عناء الدنيا .. وضيقاتي= من دون ماشرح لك اوضاعي تأملها
الوقت ضدي .. حرمني من ملذاتي = والصد بعدك ذبح روحي .. وكملها
لا .. لايغرك كثير الصمت .. وسكاتي = خل المشاعر تقول ( الآه ) وإسألها
يسكني الحب .. واضح من عباراتي = وش عاد لجلك حروفي لو أذللها !!
عذبني الشوق واسرفت بخيالاتي = روح ٍ تحبك دخيلك ليه .. تهملها !!
ياليتك إشوي تشعر في معاناتي = دنياك يمكن عليك تضيق باكملها
الحزن كنه سفيري في علاقاتي = والهم خيّم على حالي .. وطولها
اغديت دربي وتاهت فيك خطواتي = كل المواعيد مدري ليش تجلها !!
سنين احاول وضاعت كل حيلاتي = متدري اني ( حياة الذّل ) مقبلها
لجيتك أسال وادوّر فيك ضحكاتي = كنك تعمد بيديك اليوم .. تقتلها
لا تترك الظن يلعب باحتمالاتي = الكلمه اللي تحزّ بخاطرك .. قلها
تعال شفني وحس بحال لوعاتي= كن الدقايق بدونك عام مطولها
متى التباشر بقدوم ( الغلا ) تاتي = فرحة زماني بشوفك ما تخيلها
خلاص صبري تعدى كل هقواتي = اتعبت نفسي ( اعزيها .. وعللها )
ابيك تنسى وتدمح كل ( زلاتي) = بعض البشر صعب مانقدر نزعلها
والحين جيتك ابمسح كل غلطاتي = دنيا ي دونك وربي ماتحملها
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

الشاعر(18)
القصيدة(1) للشاعر(18)

يا ناعسة عيونـك مكاحيـل= الله وهبها الحسن فطـره
نفسي شغوفه صوبك تميـل= ما لي على السلوان قدره
شعرك سوده يسـدل الليـل= وجهك بدر وضاح غـره
يا مسبـل أهذابـك تسبيـل =صوبتني برموش خطـره
لأجلك أحط الشوق وأشيـل= مشعل بلب الجوف جمره
ما أدورالصفنـات والخيـل= ولاأريد من دنياك شهـره
غنيت لك شوقـي مواويـل =وأكتم عن العذال فسـره
ليت الوصل دربه تساهيـل= لوصلك لو في العمر مره
لا تقول لي عسره المناويـل= لا تشعلين القلب حسـره
منواي يا عـذب المناهيـل =أرشف زلال شفاك قطره
ــــــــــــــــــــــــــــــــــــــــــــــــــــــــــــــــــــــــــــــــــــــــ

الشاعر(19)
القصيدة(1) للشاعر(19)

لعيون محبوبي ترى الدمـع مسكـوب=ماهمني دمع(ن) علـى الخـد سكـاب
ارخص له الدمعه ليا صـرت منكـوب=لـو الزمـان يقـول حديـت الانيـاب
دام الهوى جاير علـى كـل محبـوب=الصبر واجب يافهـد لاجـل الاحبـاب
ياما صبرت وضامـري فيـه لاهـوب=وياما رقيت براس رجـم(ن) ومرقـاب
وياما زعجت الصوت والقلب مصيوب=والزين مبسوط(ن) على حرق الاعصاب
وان طولت في شي ماهـوب مرغـوب=بدري عليهـا صـدق مانيـب لعـاب
ان عاش راسي لااجعل الحب مقلـوب=واترك فوأده يسهـر الليـل منصـاب
ماله دواء ياكـود جرعـات وحبـوب=وصفة خبير(ن) فالهوى داخل اكتـاب
من شان يعرف قيمة العشـق ويتـوب=واسمي معه يبقى على فتـح الابـواب
اليا فتح باب الهوى ساعـة اغـروب=يعرف ويـدرك كـم عاشـق وكـذاب
وان مابرز ذكري علـى فـن وسلـوب=ماني عتيبي قـادر(ن) فتـل الاشنـاب
اقولها صادق علـى ضـرف مكتـوب=اكتب هواجيس الشعر وانت الاسبـاب
تاخذني الافكار من صوب فـي صـوب=ولاني براضي يالغضي حرق الاعصاب[/poem]

مشكور
على ما افدتنا به
تحياتي