منتديات الفطاحله - لاجل عينك ،،

[color=#FF8C00]السلام عليكم ورحمة الله و بركاته ،،[/color]

[poem=font="Simplified Arabic,4,orangered,normal,normal" bkcolor="transparent" bkimage="backgrounds/12.gif" border="double,4,orange" type=1 line=0 align=center use=ex num="0,black"]
قلت وش تخشى عليه ؟ قال من نظرة فلان=قلت فدوت عيونك كل طبل(ن) امعه
قال له نظره خبيثه كلها شرن جبان=كلها سم(ن) يخالط لون عيونه وادمعه
كل ما شفته اقول ابليس شيد به مكان=للحسد والشر كله جعل ربي يقلعه !
قلت له حبك وصل بي آخر حدود الامان=بعد ربي ما تخاف وخل شره ينفعه
ملهمني اعذب معاني الحب في سحر البيان=فيك يا طلق المحيا كل حرف استمتعه
في متاهات الزمان الصعب اتعبت الجنان=بالثبات وكل ريح(ن)جهدها تستجمعه
جيت لك ادور في دفا صدرك مكان=وانت في وسط الضلوع العوج بيدك تزرعه
تزرعه حب وتضمه عطف وتسقيه الحنان=يرتوي من نبض صافي نبض قلبك منبعه
لاجل عينك تفتديك العين اطلقت العنان=لاجمل احساس(ن) وارق شعور قلبي يتبعه
قال تغريدك كفاني عن تغاريد الحسان=شمس روحي مع قمرها والنجوم مجمعه
ادري العمر واحد في زماني له اوان=ولو عطيتك كل عمري ما عطيتك في سعه
ما وفيتك قدر لحظة عشق فيني استكان=وكل لحظة حب تسوى عمر كامل باجمعه [/poem]

[color=#FF8C00]غيث العامري ،،[/color]