قمت أنادي ياثمينه ياثمينه .. !
 

بسم الله الرحمن الرحيم


السلام عليكم ورحمة الله وبركاته

أسعد الله أوقاتكم بالخير .. اعزائي اعضاء وزوار منتديات الفطاحله الأجمل ..

كـأول مشاركه لي بالمنتدى .. حبيت انها تكون ابيات شعر من كتابتي .. وأرجوا انها تعجبكم وتصل إلى ذائقتكم ..

تقول الابيات :


والصّباح اللي علي يُومِي حنينه ..
ليت نوره يقتله ذاك الغروب ..
وأرجع أسهر ليل مبتوره يدينه !
بين أتوب من الشقا أو هو يتوب ..
الفراق يشع بؤسه في المدينه
والهموم تصيح في كل الدّروب
بأحتفظ بي عن مثيرين الضغينه !
وعن كلامٍ شوهه وعد الكذوب
قمت أنادي ياثمينه ، ياثمينه
كيف يرخص قلب بايع لك قلوب ؟
كان قلبك طاوعك .. بينك وبينه ..
وش جزاة اللي لبس للـ هم ثوب !
جادِلي ، وإن جاد لك غيري بزينه
جدت بسنيني وأنا صدري رحوب ..
سولفينا فراق .. أو اشياء حزينه
وأذكريني ظل أو مفرق دروب
والخفوق اللي عليك .. الله يعينه !
يجمد من الهجر ، ولا بك يذوب !!


وسلامتكم ..

رد: قمت أنادي ياثمينه ياثمينه .. !
 

هلا بك اخي الكريم نايف
في محلك وبين اخوانك واخواتك
شكرا لإنضمامك للفطاحله
سعدنا بتواجدك
مصافحة رائعة من شاعر رائع
ارجو مراجعة هذين الموضوعين لتتعرف علينا ولنتعرف عليك ولتتعرف على التعليمات
[url]http://www.ftahilah.com/showthread.php?t=40154[/url]
[url]http://www.ftahilah.com/showthread.php?t=40155[/url]
مع أطيب تحياتي

رد: قمت أنادي ياثمينه ياثمينه .. !
 

مدد صح لسانك
قصيده عذبه وابدعت
لافض فوك

رد: قمت أنادي ياثمينه ياثمينه .. !
 

نايف
صح السانك
مصافحة اولى طيبة ورائعة
لاهنت

رد: قمت أنادي ياثمينه ياثمينه .. !
 

رائع ومميز
شكرا لك ولحضورك الراقي
تحياتي

رد: قمت أنادي ياثمينه ياثمينه .. !
 

صح السـانك الجزل الوف الملايين
رائع شعرا و حضورا
دمت بِكُلِ مَوَدَةٍ

رد: قمت أنادي ياثمينه ياثمينه .. !
 

هلا بك يالبناوي

سعدنا بانضمامك و مصافحتك الجزله
نتمنى استمرار ابداعك يالشاعر

وصح لسانك مدد

ولاهنت

رد: قمت أنادي ياثمينه ياثمينه .. !
 

صح لسانك يالقرم
ابدعت واجزلت
لاهنت
تقبل اطيب التحيه

رد: قمت أنادي ياثمينه ياثمينه .. !
 

[الطائر المهاجر]
السعاده لي بتواجدي بينكم ..
وان شاء الله الِم اكثر بالتعليمات والتزم بهـا ..
شآكر لك مرورك ..


[حي الضمير]
صح بدنك ، لا عدمت تواجدك في صفحاتي


[الطامي]
صح بدنك ، ولا تهون .. شرفني مرورك


[منيع]
كلي شرف بوجودي بينكم ..
لا عدمتك


[الراقي]
صح بدنك ..
دمت بصحه


[الهجران]
صح بدنك .. وشرفني مرورك

رد: قمت أنادي ياثمينه ياثمينه .. !
 

صح لسانك ملايين

جزله من شاعر متمكن

سلمت ولاهنت