ليت لي قلبٍ مثل قلب الشمالي
 

[RAMS]http://up.ftahilah.com/up/uploads/Mine/LaitLeeGulb.rm [/RAMS]
[poem=font="Simplified Arabic,5,darkblue,bold,normal" bkcolor="transparent" bkimage="" border="double,4," type=0 line=0 align=center use=ex num="0,black"]
ليت لي قلبٍ مثل قلب الشمالي = ما يفكّر في تداول بالخساره
رمحه اللي ما انحنى قدام عالي= ذيب في الإقدام عن جد وجساره
يالله إنك ترزقه طيب الحلالي = وتبعد المشبوه ما ياكل ثماره
كلّمـا قـدّم نصيحه للتوالي = كسب من يسمع وبادر في قراره
ومن تراخى ما كسب حاله بحالي = غير وضعي يختلف لونٍ وشاره
انسجم ما دام في السهم انشغالي = واخذ الميسور وابعد عن قماره
راتبي المضمون يكفي عن سؤالي = والعيال رجـال كلٍ واقتداره
من تقاعد لايدوّر زود مالي = يرتضي المقسوم يكفيه ادخاره
ولا يقابل حرمته مثل الكحالي = جاهزٍ للشرّ عند ادنى شراره
ينشغل في شئ ما يجلب وبالي = ويبتدي يفهم لنفسه عن جداره
يرجع لأصله بعد زيف الجمالي = بعد عمر ضاع يطرد في غباره
يكتشف قدرات في يومٍ محالي = يكتشفها لانشغاله في مساره
ينفع الأجيـال من عذب المقالي = وفكرةٍ منّه لمن فاته قطاره
في زمانٍ كل شيٍّ صار غالي = غير ذلّ النفس في زيف الحضاره
انتهى وقت الكرامه لا جدالي = والفضيله مالها ذكر وإشاره
دام بعضٍ راكض شرق وشمالي = يطلب الدنيا ويسعى للصداره
لو يبيع النفس بدروب الضلالي = ولو سرق اوغش بانواع التجاره
ما يفكّر في حرام ولا حـلالي = المهم إنّه كسب .. ظنّه شطاره
ما حسب للشمس لحظات الزوالي= يترك الدنيا ولا هو باختياره
صاحبي جاوب إذا تفهم سؤالي = كم ثريٍّ ثروته اسباب ناره
صار عبد الفلس ..فكره بانشغالي= ودّه بلحظة سعاده من نهاره
الدراهم كالمراهم لا جدالي = لكن ان زادت غدت هم ومراره[/poem]