منتديات الفطاحله - نتائج طلبات الزواج

الأن وبعد أن تأكدت الجميعة من اسماء اصحاب الطلبات وطلباتهم
1- القعقاع :" اهم شرط انها تعرف تطبخ اكل ما يسمن "
2- المرقب العالي : "شرهن على الزينه ، وبنت حموله"
3- ذيب السنافي : -بنت نجديه ، عزيزة نفس ، بنت رجال بكل ماتعنيه الكلمه ، من قبيلة تعرفها يابوعبدالله(مانيب ذاكرها علشان مايقولون عنصري) ، لين تزينت تملى العين ، لطيفه بس عربجيه ، مرجوجه بس عاقله،
متجدده يعني كل يوم لها طلعه مدري وش تبي علشان الحياة تصير متجدده موب ميته روتينيه
-لها رأي موب تابعه لي في رأيها ياتقنعني يا أقنعها يانوصل لرأي وسط بين رأيي ورأيها
-تدلع بعض الأحيان دلع يخليني أجي على وجهي
-توقف معي وقفة شنب ولا تسمع لأحد ولا تسمح لأحد يدخل في حياتنا مشاكلنا بينا مهما كبرت
-تحب البساطه ولين زعلتها بأقرب مركى في وجهي طبعاً أكيد برد عليها بوساده على خشتها
-رومنسيه محبه للشعر والأدب والثقافه لا وترادني بالقصيد مكسر أنا وياها متأكد أنا أنه بيجي مكسر من خبالي

4- دلع ماله سنع : حنووووووووووووووووووووووووووووووووووووووون
اهم شي ، عنده خبره بالحياة ، اقدراعتمد عليه لطيف خفيف ظل ،

5- غريب الآه : ابيها بيضا، طويله ماتكون قصيره اذا مشينا جمب بعض كننا رقم 10
ابو عبدالله اهم شي بعد تكون نحيفه وانيقه وموظفه عشان اذا جيت من العمل ماتغثني ودني وجبني
الطبخ مو مشكله اعلمها لاتشيل هم ،تكون من الرياض او من الشرقية يعني تكون بنت ناس
العمر بين الـ 30 الى 32 ،اهم شي وهو الاهم تكون ذو عقليه متفتحه وتكون هادئه يعني ماهي راعيه هواش وصريخ يعني تلجاء للحوار وتخاف الله فيني ،،،، لاني يتيم مو تتشطر على

6- صياف : تكون متعلمه ولاهيب راعية حنه يعني تنق على راسي لان اي واحد ينق على راسي لو يبي ثيابي عطيته اياها وفكيت عمري احب الهدووووووووووء
<<<<<<<يعز ه
فوق كل شي تكون متلعمه وتعرف للكمبيوتر علشان نتناقش سوية ومهبوله زيي في بعض الاحيان وراكده في بعض الاحيان وبدون ملح في بعض الاحيان ( لابأس بالطماطم )
واهم شي اذا هي متوظفه يكون غدانا في البيت يعني بيتوتي مهوب من البخاري (حبه شوايه مع الرز)
ملينا منه والاكل يكون صحي صراحه .، وبس وعمرها يكون مساوي لعمري او اصغر مني سنه او سنتين

7- عهود : عاد انا اقول المواصفات:
يكون مايل للسمار ، طويل مابيه يكون قصير ثم ينادونه مرتك اطول منك
له عضلات بس مو مره عاد لان جمال الرجال في عضلاته والمره في خصرها ((يعني مو بس الريجيل اللي يتشرطون))
اهم شيء شعره ولادي مو طويل زي بعض شباب اليوم الله لاتبلانا ((ولو على الصفر يكون افضل خخخخ))
مملوح مو معفن شكله ، يعني مابيه زين مره المهم يكون شكله مقبول
مابيه يمزح مزح دفش بكلامه لاني على طول ازعل مزح ولا مامزح
يكون مثقف راكد إذا قال كلمه الكل يسمعها وفي نفس الوقت خفيف دم.

اعلنت النتائج التالية :
إذاً عندنا 7 طلبات فقط ....
5 طلبات يبحثون عن خطيبه
2 يبحثن عن خطيب

طلب القعقاع : هذي وحده ما تخلي زوجها يسمن أبد ، ومع الصورة البرهان زوجها اللي ناوية تتركه على شانك
[url]http://images.google.com.sa/images?q=tbn:XkUTTFursKClAM:www.geocities.com/zooropalovechild2/brucenme.jpg[/url]

طلب المرقب العالي : يبي ثنتين زينة وبنت حمله ، وهذا طلبه :
[url]http://images.google.com.sa/images?q=tbn:dOPs-kpGmvxLoM:www.bakerlite.co.uk/pics/Wales/South%2520Wales/Border%2520Vale/bullock-1.jpg[/url]

طلب ذيب السنافي : ومعه رجاحه :
[IMG]http://alnadawi.com/mz/mz1.jpg[/IMG]

دلع ماله سنع :
[url]http://images.google.com.sa/images?q=tbn:FbqMCTHh0R96bM:www.islamonline.net/iol-arabic/dowalia/alhadath2000-april-24/gif/pic5.jpg[/url]

طلب غريب الآه : طب واختر
[url]http://images.google.com.sa/images?q=tbn:W3vDXZ9CWkNeBM:www.matlaalshams.com/gallery/data/media/17/cat_6.jpg[/url]

طلب صياف
[url]http://images.google.com.sa/images?q=tbn:rtlZpH1x6uxj4M:www.hamvatansalam.com/images/news/Dolphinsefid.jpg[/url]

طلب عهود
[url]http://images.google.com.sa/images?q=tbn:VD7FXbUTPo8Z3M:dndon.com/modules/xcgal/albums/userpics/12699/normal_2003%2520%2520CANNONDALE%2520%2520Limited%2520Edition%2520Cannibal.jpg[/url]

الف مبروك بالرفاه والبنين وعقبال البقية ..