مـنـو القـال ليـك ؟؟
 

[size=7][color=#008000][font=Simplified Arabic]

[frame="1 10"]منـو القال ليك إنـو الشعب لمن واجه العدوان
أكـان قـاصـد يـدافع عن حكم
سميتوهو يوم جبتـوه بـالإنقــاذ ؟
منـو الغـشاك يـوم قـال ليـك
إنـو النصـر كـان .. لـو كــان
بفضـل قـواتـك الأفـزاز ؟
منـو الصـور لك الأحـداث في أم درمـان
مع الأيـام كمـان في سـالف الأزمـان
بتحسب ليك زي إنجــاز؟
يخـلي النـاس تصـوت ليك ..تعيدك لي سـرايا الحكـم
تبايعك ليها زي سلطــان
منو القال ليك إنـو الشعب من يوم داك
بيحلف بيك ..ويحلم بيك .. يهاتي بيك
يأمل فيك .. تعيدلو كرامة الإنسان ؟
منـو الأصلاً بهنـدس ليك ..يحلل ليك
في كل لحظة بيخادع فيك
وإنت غشيم بتسمع فيهو ..تخضع ليهو
زي ما تكـون مخـدر تب
او شايلك حمار النـوم ومـا دريان
ولاك عارف في كم مليون
صيامن ديمه .. ما شرطاً يهل رمضان
لكين الفقر غلاب ..بخلي الكل شقي وجيعان
وما بيقدر يقرب تب .. من سوقاً صبح غولاً .. نهم سعران
وكيف يقدر يواجه الغـول زولاً صار ضعيف نحلان
تشوفو تقول شبح زولاً صبح كملان
وكيف يا زول .. تصدق زول .. يقول لك قول
ويعيد القول
في ناس عشقت رجال الثورة .. ريحة الثورة .. إسم الثورة
رسم الثورة .. حكم الثورة .. جيش الثورة
ديمه كمان .. تحب الثورة .. تفدي الثورة بالأرواح
ودمـاً جــاري في الشريــان
هي يـا مغشوش ويا مخـدوع ويا مربوش
يمين بالله بحلف ليك حليفة حق
واكرر أغلظ الأيمان
الحـا يكـون وكـل الكــان
حصل .. شان ما بنرضى البلد تتهان
وما فيش اصلو فـد إنسان بيبزل روحو دون عنوان
وما بننزف عشان خاطرك قطيرة دم
وإنت ونحنا ما بنتلم
وما حارنو فيك عشم
واصلاً ما بنقولا نعـم
وأنا واخواني ديمة عليك وليد العم
وكان جاء دخيل بندحرو ليك
ونطردو ليك ما شان إنت تتنعم
لكين بس .. فداء السودان[/frame]

[/size][/color][/font]
الخـرطـوم
الجمعة 27 / 6 /2008م

رد: مـنـو القـال ليـك ؟؟
 

الله عليك ياابو سمعين

مقطوعه ولا اروع

لك خالص تقديرى

رد: مـنـو القـال ليـك ؟؟
 

منور يا زغبي .. سعدت بالمرور والتعليق .. لا عدمناك

لك الحب والتقدير

رد: مـنـو القـال ليـك ؟؟
 

أخى الفاضل / محمد الرفاعى

ان الوطن عزيزا على كل مواطن يغار على

وطنه من العدوان سواء كان

عدوان خارجى أو عدوان داخلى

شكرا لك أخى

كلماتك

ودمت بحب

رد: مـنـو القـال ليـك ؟؟
 

[glow=660000][size=7][color=#FFFFFF]محمد اسماعيل الرفاعي[/color][/size][/glow]

[size=5][color=#008080]تقبل أخى تحياتى و تقديرى و إعجابى
بما و جدت بين سطورك الراقيه الصمت أبلغ من أية كلمات قد لا توفيك حقك

دمت و سلمت و غنمت[/color][/size]

رد: مـنـو القـال ليـك ؟؟
 

الأستاذين ( ولدا عبد الحميد ) تزدان مشاركاتي وتزدهي القاً بمروركما وكلماتكما الأنيقة الرقيقة .. جعلني الله على قدر حسن الظن بي .. لكما الود والتقدير

رد: مـنـو القـال ليـك ؟؟
 

السيد محمد اسماعيل الرفاعي

ومدرسة احمد فؤاد نجم

رائع يا عزيزي ... شعرك يسير على الدرب بقوة

ولا غرو طالما انه ينبع من عاطفة ومشاعر صادقة

اجمل تحياتي وكل الاحترام

ابو رائد

رد: مـنـو القـال ليـك ؟؟
 

[quote=أبو رائد;436114]السيد محمد اسماعيل الرفاعي

ومدرسة احمد فؤاد نجم

رائع يا عزيزي ... شعرك يسير على الدرب بقوة

ولا غرو طالما انه ينبع من عاطفة ومشاعر صادقة

اجمل تحياتي وكل الاحترام

ابو رائد[/quote]

أُ ستاذي ابا رائد

لك التجلة والإحترام
لك الجلوس لك القيام
الحب وكل الإحترام
ظللت كلما اشارك بعمل من اعمالي أنتظر مرورك على احر من الجمر واكون على حال لا يعلم بها إلا علام الغيوب ولا اهدأ إلا حين اطالع ما تجود به القريحة لأروي ظمأي من معين علمك الفياض ... لك تقديري

رد: مـنـو القـال ليـك ؟؟
 

منو القال ليك ياسيد تلك الكلمات بأننا أكتفينا
فلازلنا نطمح بان يكون زولك مجاور لنا
ويكون بوحك في ربوعنا دائم
أخي الكريم ..
سرنا ما قرأنا لك ونتمنى أن لاتبخل علينا بكل جديد لديك
حفظك الله

بارك الله فيك
جميل ما اطلعت عليه
تحياتي