يا مشرف اين موضوعي
 

اتساءل في كثير من المشاركات لي تختفي واخرها امس تحت عنوان [blink]وش ذالحتسيه[/blink] هل تم حذفه او نقله و ما هو السبب فني او شخصي ارجو الرد

بلا والله لأن دركسونك مايل كل موضوع ما يحط في مكانه الصحيح... رح لبوابة القصر ومنها تعرف وش اختصاص كل قسم
وموضوعك حتسي كتبت لك في قسم الرسائل وش صار عليه .. فهو في قسم المساجلات والمسابقات الشعبية

[COLOR="Purple"]و هل انا موضف عندك في الصادر والوارد كل شوي موديني لقسم
انا مشرف المال والاعمال ترى والله لاخليك تحت بساط الفقر[/COLOR]

أقول أبو طله

شف أنت وياه هو ماسك الدركسون وأنت متكي بجنبه

وحنا وراكم

يعني تفاهموا بدون طقاق

[quote]انا مشرف المال والاعمال ترى والله لاخليك تحت بساط الفقر[/quote]

ترى إذا حطيته على بساط الفقر صدقني فيه كم واحد بيتكي بجبه ويجيب الزمزمية فاضيه

ترانا نتابعك معه يعني روقنا يا ولد

عاد تصور مشرف ولا يعرف وش مهمة كل قسم .... والله فضيحة الفطاحلة ..
موظف الصادر والوارد على الأقل ما يشتغل ناسخ عارف شغله .. وإلا ا،ت شايفني عندك فراش
كل شوي اودي معاملة لقسم !!

والله عاد الشغله قناعات وانا طويل عمر اذا بغيت احط الشي حطيته في اللي انا ابي وانتم يالاوخيا تصرفوا
وانصحك يا كماند تطلع انت وياه اية عصريه تدرون لكم مشراق زين وعليكم بزمزمية (يالله قدرت اكتبها ) يابانيه

فكوهم يالربع لا يدخل الوزير وهم يتهاوشون
ثم مصيبة المدير العام والمدير المالي يتهاوشون
وش خلوا للباقين

انا اقول يابو زياد نشيل موضوعهم
ليّاه يدخل وهم يتناقرون

ونا اقول بعض مواضيعك ، التي قد تتخطى الخطوط الحمراء ، رايح انطلها كلية ..
فالمنتدى معروف باعتداله ، وفيه بنات اكثر من الرجال..

يوم جا وقت نومنا انت وياه فضيتوا يا ابو زياد انت ونسناس القايله
تمسوا على خير