طري العــ 1430 ــود
 

[size=5][color=#008080]لملامسة مشاعركم المحلقة
في سماء الابداع واستهلالية العام الهجري الجديد
هنا مشاركة للولوج الى ردهات افكاركم الواعدة ...
=========[/color][/size]

[size=6] [color=#FF0000] ((( طـــري الـعـــود )))[/color][/size]

[poem=font="Simplified Arabic,6,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
هلا ًبالريم يوم أقبل .. يسابق ظله بممشاه = تخثعّ بالخطى خايف . وهوفي منطقة مرماي
هلا والشوق له حيّاه من مسراه إلى ملفاه = مثل شوق الزروع اللي شكت من غيبة السّقاي
عيونه ترمش المعنى . وقلبي بلحظها يقراه = إلى جت عينه بعيني تترجم قصدي ومعناي
طري العود رعبوب ٍ جماله والحسن أطغاه = وسهم الموت في النظرة متى ماطالعت بأغضاي
متى ما ابحرت بعيونه أغوص بعمقها والقاه = بعيد ٍ ما يوصّلني قرارة . هاجسي ومناي
تموت البسمة ويعجز لساني وصفها بشفاه = وتخون الذاكرة فكري وأحمّل غلطتي دنياي
وترى الأيام حبلى و الليالي تنولد أشباه = تصاريف الدهر والوقت حدّ تني على أقصاي
على صفحة جبينه ينعكس نورالقمر بضياه = ينوّر لي ظلام الفكر... لحظة يبتدي مسراي
سريت بهاجسي لأجله توغّلت بمحيط حماه = أروّض مهرة أفكاره تعود لموطني وحماي
اسافرمع خيال الشوق سابح في بحور رضاه = أجدّف بالغلاء والحب يستقبلني بمرساي
إذا خذت القلم كل القوافي من يدي تخشاه = تقول السمع والطاعة وفيما قلت هـذا امضاي
أعسف القاف والمعنى بكيفي آمره وأنهاه = أطوّع نايفات القيل . وهذا في الشعـرمبداي
وانا مالي مرام ٍ كان فكره مبعـد بمغـزاه = ولالي في الهجاء إلا ّ ان تبلا ّني سفيه الراي
عرفت الرجل بأفعاله تدسّم شاربه يمناه = ودرب ٍالعيب و المنقود عن مشيه تشوم خطاي
وعرضي ماتدنّس يوم كل ٍ هاجسه أغواه = حفظت النفس عن عوج الدروب بفعلي بيمناي
كماعد ٍ قراح ٍ ماورد ماه ! الدلو . ورشاه = متى ما فاض جمّي ترتوي شهب القفار بمـاي
ورثته عن رجال ٍ درّسوني العلم من مبداه = وطابت سيرتي من طيب أبوي وجدي ومجناي
ومن يشري رضاي بدين . نقد ٍ إشتريت رضاه = فداه اللآش دامه ماتغالا في العمر مشراي
عزيز ٍما اصاحب غير من مثلي عزيز الجاه = يثمّن طاعة الله والردى ماهوب . به مشّاي [/poem]

[size=6][color=#FF0000]محمد بن عمار[/color][/size]

رد: طري العــ 1430 ــود
 

[quote]أطوّع نايفـات القيـل . وهـذا فـي الشعرمبـداي[/quote]

وانت كذالك
قول وفعل ياابن عمار
كم انت رائع
كل الود والتقدير
تحياتي

رد: طري العــ 1430 ــود
 

[center][glow=003333][size=6][font=comic sans ms][color=#ffffff][color="deepskyblue"]
[color=#00CCFF][size=7]محمد بن عمااار

مبدع ومتمكن وجزل

قصيده راائعه جدااااا

تدل على شااعريه فذه

لا يمتلكها الكثير

لله درررررررك

ولا هنت

موج القصيد[/size][/color]
[/color] [/color][/font][/size][/glow][/center]

رد: طري العــ 1430 ــود
 

الله الله

الله عليك يابن عمار


صح لسانك يامبدع

انت تعزف على الحروف بدقه لتصل كاصوات البلابل الى القلوب

شهادتي فيك مجروحه يا محمد

ولست هنا الا لاسجل اعجابي

لاهنت


تقبل مروري

وودي

رد: طري العــ 1430 ــود
 

الاخ محمد بن عمار

ما شاء الله عليك..بحر يتلاطم صح السانك وعلا شأنك.

نص راقي وسلس وجزل يا الجزل.

دمت بخير ولا هنت يا الغالي

رد: طري العــ 1430 ــود
 

شاعر مُبدع
شاعر متألق
كنت متأكد من روعتها حتى قبل دخولي وقرائتها
أعتدنا منك الإبداع وليست بجديده عليك
صح لسانك مليوون ولا يكفوون
وعساك تعود السنه وانت بصحه وسلامه
كل الوُد لشخصك الكريم

رد: طري العــ 1430 ــود
 

صح لسانك أخي / محمد نص وافي وعوايدك الجزال يالغالي

مودتي ,,,,,,,,

رد: طري العــ 1430 ــود
 

[COLOR="Navy"][B][I]
كفو كفو يا بن عمار

صح لسانك و إعتلا شانك يا عالي الشان

إبداع رائع و تصوير جميل

صح لسانك مع التحية

،،،،،،،،،[/I][/B][/COLOR]

رد: طري العــ 1430 ــود
 

صح لسانك يابن عمار
ولله درك على هذه الرائعه
ولاهنت

تحياتي

رد: طري العــ 1430 ــود
 

طري العود رعبوب ٍ جماله والحسـن أطغـاه
وسهم الموت في النظرة متى ماطالعت بأغضاي
متى ما ابحرت بعيونه أغوص بعمقها والقـاه
بعيد ٍ ما يوصّلني قـرارة . هاجسـي ومنـاي
تموت البسمة ويعجز لساني وصفهـا بشفـاه
وتخون الذاكرة فكري وأحمّل غلطتـي دنيـاي


الله الله

وش خليت يابن عمار


صح لسانك ملايين

تنهل من نبع صافى عذب

لله درك