قصائد في سلامة ولي العهد سلطان
 

الطائر المهاجر
[RAMS]http://www.fatahilah.com/up/Sult6anM.mp3[/RAMS]

[poem=font=",6,white,bold,normal" bkcolor="green" bkimage="" border="none,4," type=2 line=0 align=center use=ex num="0,black""]
نحمد المعبود رجعتك بسلامه= ياحبيب الشعب ياالليث الجسور
يا سليل المجد يا رمز الشهامه= جعل ما جالك طهورٍ في طهور
من شمال المملكه لاقصى تهامه= شرقها في غربها لله شكور
كلنا نفديك يا موفي ذمامه = ونسأل المولى يجنبك الشرور
يابو خالد وانت تحتل الزعامه = في قلوب رجالنا وذات الخدور
يا بشوش الوجه في طيب ابتسامه= في تواضع شهم مايعرف غرور
كم وكم انقذت من بالقهر ضامه= المرض والفقر واصبح في حبور
وكم كفلتوا من يتيم بالكرامه= وكم مديونٍ دعمت بلا قصور
وكم مشاريعٍ جلت ليل العتامه= بصمتك يالليث ترويها العصور
يكفي ان الجيش اعليتوا سنامه= قوةٍ تضرب وتدعمها النسور
مفخره للعرب من طنجا لمنامه= باحدث التجهيز في بر وبحور
والمدينه بدعمكم فوق العلامه= مركز خيري وفي العالم حضور
طب او تأهيل وافي في تمامه= مد للمحتاج خدماته جسور
ولو اعدد فعل من يسبق كلامه= جفت الأقلام ما تنهي السطور
كلها تشهد لمن طال الغمامه= ابو خالد بلسمٍ يشفي الصدور
مثلكم ينحب ياعالي مقامه= لاتلوم الشعب في مثلك فخور
كثر الله الف خيرك في ختامه= ذكركم باقي على مر الدهور
يحفظك ويمد عمرك بالسلامه= ويسعدك ماشفت في يومٍ شرور[/poem]

سلطان العطاوي
[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

الحزن ما فارق صدور الطواريـق=اللي بكته مـن الظـروف وبكآهـا

ولا تجلت حالة الحـزن والضيـق=وابكت عيون القلب وانهـل ماهـا

الا بعـد مـا وثقتهـا المواثـيـق=النشره اللي مـن دعاهـا دعاهـا

من عقبها وادموع عيني مغاريـق=لحظة فرح يسعد لـي الله مساهـا

قالوا حدث والعلم ما فيـه تعليـق=أهـل الأمانـي حقـق الله مناهـا

عاد الفرح والشوق من عودة طويق=وسلامتـه أكبـر هديـه جنـاهـا

شعب السعوديه جمـوع وتفاريـق=لا فرّق الله شمل مـن هـو بناهـا

سلطان سلطان السعد لا نشف ريق=يبلهـا مـا كـن ربــي بـلاهـا

سلامتك يا سيدي عـد مـا سيـق=من مال في بر النفـوس وغنآهـا

وسلامتك يا ابو النجوم المشاريـق=وسلامتك يـا نورهـا يـا سناهـا

وسلامتك يا أبو الضعوف المفاويق=وسلامتك يا سترهـا يـا حجاهـا

الممكله واللـي سكنهـا مشاويـق=لمصافحك في جيتـك يـا هناهـا

الله وردّك للقلـوب المحـاريـق=اللي غسلت كبودهـا مـن شقاهـا

الله ورد طويق ويعانق طويـق=يا طويقها يا سترهـا يـا حجاهـا [/poem]

نمر العتيبي
[poem=font="arabic transparent,7,blue,bold,italic" bkcolor="white" bkimage="" border="double,8,purple" type=2 line=1 align=center use=ex num="0,black"]
سلمت ياسلطان والرب يحماك=وجعـل الالم لاجاك اجروعوافي
ياشيخ يلي تغرس الخير يمناك=وتقطف ثمار الجود وانت السنافي
ياشيخ كلِ في الوطن لك ويفداك=ونفرح اليا من جيت وانت متشافي
يامير يلي كلمة امير تزهاك=وتفرح بذكرك يالامير القوافي
فيك التواضع من عظايم سجاياك=يابو اليتامى ياسند للضعافي
سلطان يلي كلمة الحق مبداك= لبست ثوب المجد والعز ضافي
انته يابو خالد كثيره مزاياك=ومكانتك في عيون شعبك تشافي
متلهفين لشوفتك ثم لقياك=وتشوف منهم صادق الود صافي
ياراعي العوجى ترى المجد ينخاك=ينخاك وانته للمواجيب تافي
واخوان نوره مجدهم فوق الافلاك=مجدا سطع نوره ولاهوب خافي
يشهد لهم راعي البصيره والادراك=والي سجد وادى الفريضه وطافي
تاريخهم مكتوب في بيض الابواك=حكامنا ال سعود والعهد وافي
في عهدهم زال الجهل وايضى الاشراك=وعم الرخا بعد السنين العجافي[/poem]

مبروك بن ماضي
[poem=font=",6,green,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]


لـك غـــردت يـاســــيـّـدي كـل الاطـيار = وتـفـتّـحـت بـرجـوعـك أورود وزهــور

الأرض غـنت لـك ورقـصـت لـك الـدار = والـشـعـب فـردٍ فـردْ0بالحـيـل مـسـرور

في غـيـبـتـك عـشـنـا جمـيـعا عـلـى نـار = وبـفـضــل ربي جـات نــــورٍ عـلى نــور

الله يجـــنــبـكـم صــــــواديـف الأقــــدار = والحـمـــدلـله عـالـســــلامـه ومـاجــور

حتى المرض من حـكـمة الـرب يخــتار0000=طـيّـب / مـثـوبـه لـك مـن الله وطُـهـور

لوشفت حال الـناس في غـيـبـتـك صار = ظـلـمه تـغــشــتـهـم قـــدر عـدة شـهور

والحـمـد لـله عُــدتّْ يـانـســل الاحــرار = نــورك سـطع يـامــيـر عـالـدار والـدور

سلـطـان لـك بـقـلـوبـنا حــب وآثـــار = مابـه خــفـوق إلا بـطــيــبــتـك مـعــمـور

كـلن تـعّـــلم0مِـــنـّك00صْـغـار وكـبـار = كـيـف الـمحـبـه تـبـني جـسـور وجسور

يالـلي الـتـواضـع والـتسـامح لـكْ شْعار = عالـبـاب ماحـطـيـت حـاجـب ولا ســور

لانـك احـتلـيـت الخــوافق والابـصـار = ناظــر مـحــبــيـنـك لـلـقـيـاك طــابــور

طـالـع يـمــيـنـك شـوفـهم وانظـر يسار = محدٍ جـبرهم عالـوفاء جو لك حضـور

الـلـه يـديـمـك لأمــتك عـــز وفخــار = و يـجـعـل سمـوك دايـم الدوم منصـور

ريف الـضعـيف ومكرم الضيف والـجار = بالـجـود والـمعـروف والـطـيـب مشهور

ياكبر حـب الـنـاس لــك ســر وجـهـار = ان مـاقـدرت أو صــفِـْهْ مـعـذور معـذور

حيـث إنـك أكـبـر من قـصيدي والاشعار = هــذا تــرى مــثـقـال ذره مـن شـعـور
[/poem]

رد: قصائد في سلامة ولي العهد سلطان
 

[align=center]قصيدتي في سمو الامير سلطان[/align][poem=font=",6,seagreen,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
هاض الهجوس وطاب رسم القوافي =وهل الفرح والسعد لقدوم سلطان
ولي عهد المملكه شيخ وافي = راعي الكرم والخير في كل ميدان
الحمد للشافي الكريم المعافي = رده لنا سالم وزالنّ الاحزان
راع الايادي البيض بالاعترافي = لامن نصاه الناس مارد انسان
يبذل على المحتاج فوق الفيافي=له يد عليا ترجح بكل ميزان
حاز الشرف والطيب دايم موافي=مفتوح بيته للمواطن وضيفان
مارد محتاجٍ وبالخير ضافي = من ياصله ماعاد خايب وخسران
قلبه رحيم وبالمواقيف يافي = مايوم صعّر خد عن فعل الاحسان
يعطي جهار وله عطى بالخوافي=يجزاه رب البيت جنه وغفران
جوده كرم ماقد حسب للمكافي = الا من المولى الحكم عالي الشان
ودود ماقد صار في يوم جافي = ماشي على نهج الهدى واهل الايمان
باهي المحيّا المبتسم بالمشافي =مومن بحكم الله وراضي بما كان
الله يطول عمر شيخِ سنافي = له في قلوب الشعب منزل وبرهان
مهما كتبت وقلت به غير كافي = تقصر قوافي الشعر في وصف سلطان
شيخٌ على بيٍض الخصال الصوافي=عضيد عبدالله شرف فوق الاوطان
يادار هل السعْد والجو صافي = والورق غنى من فرح فوق الاغصان[/poem]

رد: قصائد في سلامة ولي العهد سلطان
 

فرحكم فرحنا وفرح كل عربي اصيل
ولكم المتواضع مني



سلطان خير ٍ
[poem=font=",6,blue,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
سمعة الجود ِ تاصل إمْواْصيل الكرام = في بلاد العروبه والسفينه تسير
من شمال وجنوبه فالجزيره حمام = ابيض الريش ناصع للمِعين المطير
ما نِزيّف علومن يا فلاح الوئام = دام قلبه خضار ن من صفاء الغدير
فالدروب المهاجر ما عرف له خصام = لين طيبه جميل ن من حرار الحرير
والهنا ما يساوم من يزيل الوهام = لين درب الدريبه تسبقه بالخبير
والوصايل رحيمه لهل داره رحام = قالوا سلطان ِ خير ٍ والعطايا كثير
ليت يهنا بْهناها والمطايب سلام = منّ ِ لابو الأميري تالِ زينه مطير
الف رحبِ وْهلابه في ديار السلام = من رحاب آل شيبي للعيون البصير[/poem]

رد: قصائد في سلامة ولي العهد سلطان
 

صح لساااااانك مليوووووووووون

و صح بدنك

بووووووح رائع

تحيتي

رد: قصائد في سلامة ولي العهد سلطان
 

صح لسانك
جزله من راس جزل
لاهنت
ودي واحترامي

رد: قصائد في سلامة ولي العهد سلطان
 

لاهنت يابوعبدالله على هذا المجهود وابوخالد يستاهل الله يطول في عمره وصح الله السنت شعارنا....تحياتي

رد: قصائد في سلامة ولي العهد سلطان
 

الطائر
صح الاسنك ملايين
انت تقول وسلطان الخير يستاهل اكثر
شكرا لك

رد: قصائد في سلامة ولي العهد سلطان
 

[font=arial black][size=4][color=slategray]صح السانك.. ولاهنت[/color][/size][/font]
[font=arial black][size=4][color=slategray][/color][/size][/font]
[font=arial black][size=4][color=slategray]وابارك للجميع بعودته معافا لأرض الوطن[/color][/size][/font]
[font=arial black][size=4][color=slategray][/color][/size][/font]
[font=arial black][size=4][color=slategray]وسلم راسك.. تحيتى..[/color][/size][/font]

رد: قصائد في سلامة ولي العهد سلطان
 

حفظ الله سلطان الخير وأدامه بثوب الصحة والعافية
شكراً جزيلاً يادكتور هلى جهدك الطيب وجمع هذة المشاعر
في صفحة واحدة ليتسنى للجميع الإطلاع عليها وقراءتها
والإستمتاع بماحملت من معاني سامية تجاه هذة الشخصية العالمية
ومهما قلنا فلن نفي سلطان الخير حقه
تفضل بقبول تحياتي وتقديري ،

رد: قصائد في سلامة ولي العهد سلطان
 

[font=century gothic][size=5]صحت السنتكم[/size][/font]
[font=century gothic][size=5][/size][/font]
[font=century gothic][size=5]وبيض الله وجيهكم[/size][/font]
[font=century gothic][size=5][/size][/font]
[font=century gothic][size=5][/size][/font]
[font=century gothic][size=5]والحمدلله على سلامة ولي العهد[/size][/font]