فلاااان.....؟
 

[font="comic sans ms"][size="6"][color="seagreen"]بسم الله الرحمن الرحيم





(( المشكله لا صرت مفلس وطفران ))
وكل رصيدك ما يساوي ريالين

وشايفٍ روحك .. (شقردي ) وبطران
كفك خليه وعادتك تطلب الدين

بالوهم عايش تحسب الناس عميان
(فكرك)ما تدري ان مَدته كود شبرين

نفسك رديه دايم الدوم جوعان
مايسد جوعك غير حفنه من الطين

تبي السعاده وانت (عاصي) وهيمان
ورجلك تسوقك للفُحش بالميادين

تظن ربي .. ما خلق غيرك انسان
غرتك نفسك تحسب ان لك جناحين

واصبحت تمشي بين الاجناس طربان
هذا تسبه .. وذاك في خاطرك شين

خذها نصيحه مني اليوم .. يافلان
ترى الشرف والعز يبغى سلاطين

احفظ لسانك لا يجي منه نقصان
تلقى السعاده مادة لك ذراعين [/color][/size][/font]


[font="comic sans ms"][size="5"][color="sienna"]مَدته = طول / مسافه[/color][/size][/font]

رد: فلاااان.....؟
 

جيده وطيبة
(فكرك)ما تدري ان مَدته كود شبرين (فيه زياده : ان)
صح لسانك
تحياتي

رد: فلاااان.....؟
 

يعطيك العافيه ابو عبدالله

وصح بدنك .. شاكر ومقدر



تحياتي العطره

رد: فلاااان.....؟
 

السلام عليكم لي عليها ملاحظات بس يروق البال يوم او يومين تحياتي

رد: فلاااان.....؟
 

عليكم السلام

هلا بك يامحمد الله يجبر مصيبتك .. ولا تشوف مكروه

وملاحظاتك على راسي


وهذي الابيات وعليها تعديل خفيف


[font="comic sans ms"][size="5"][color="seagreen"](( المشكله لا صرت مفلس وطفران ))
وكل .. رصيدك مايساوي ريالين

وشايفٍ روحك .. (شقردي ) وبطران
وكفك خليه .. عادتك تطلب الدين

بالوهم عايش تحسب الناس عميان
وفكرك ترى ياكود (مَدته) شبرين

نفسك رديه دايم الدوم جوعان
مايسد جوعك غير حفنه من الطين

تبي السعاده وانت عاصي وهيمان
ورجلك تسوقك للفُحش بالميادين

تظن ربي .. ما خلق غيرك انسان
غرتك نفسك حاسبٍ لك جناحين

وشورك تظنه حتى لو كنت غلطان
فلته ؟ وغيرك ناقص العقل والدين

واصبحت تمشي بين الاجناس طربان
هذا تسبه .. وذاك في خاطرك شين ؟

خذها نصيحه مني اليوم .. يافلان
ترى الشرف والعز اهله سلاطين

احفظ لسانك لا يجي منه نقصان
تلقى السعاده مادة لك ذراعين [/color][/size][/font]

رد: فلاااان.....؟
 

[font="comic sans ms"][size="5"][color="seagreen"][color="gray"]اخي الكريم الشاعر محمد بن عمار ...هذا تعقيب احد الشعراء على الابيات .. ارجو ابداء وجهه نظركم اتجاهها حتى تعم الفائده للجميع .. مع وافي الشكر والتقدير [/color]
7
7

اتوقع فيه لبس بالموضوع والسبب كله من (( واو العطف )) و جواز أن تُحوّل /*/* إلى //* في بداية البيت

بحر القصيدة المسحوب = ( مستفعلن مستفعلن فاعلاتن )

مستفعلن = مستفعلن = فاعلاتن
/*/*//* = /*/* //* = /*//*/*
المشكله = لا صرت مفـ = ـلس وطفران


لكن لو نظرنا للشطر الثاني (وكل .. رصيدك مايساوي ريالين )

نلاحظ مشكلة في بداية التفعيلة ؟

مستفعلن = مستفعلن = فاعلاتن
/*/*//* = /*/* //* = /*//*/*
؟و كلْ رصيـ = ـدك مايسا = وي ريالين

لكن ممكن تمشي عروضيا ً إذا قلنا إن الواو تنطق ساكنه
والعرب لا تبدأ بساكن إذا لو حاولنا نطقها ساكنه راح تصير ( أُو ) بضم الهمزة

مستفعلن = مستفعلن = فاعلاتن
/*/*//* = /*/* //* = /*//*/*
أو كلْ رصيـ = ـدك مايسا = وي ريالين

إذا نطقنا الواو متحركة راح تكون

وكلْ رصيـ = ـدك مايسا = وي ريالين
//* //* = /* /* //* = /*//*/*

راح تكون صحيحة أيضا لأن تحويل بداية البيت من( سبب خفيف+ سبب خفيف إلى وتد مجموع ) جائز

السبب الخفيف ( /* ) أي متحرك ساكن
والوتد المجموع ( //* ) أي متحرك متحرك ساكن


أيضا بعض الشعراء لا يعتد بوجود الواو العاطفه إذا جاءت زائدة على التفعيلة

مثال ( وكفك خليه .. عادتك تطلب الدين )
وأيضا ( وفكرك ترى ياكود (مَدته) شبرين )
وأيضا ( ورجلك تسوقك للفُحش بالميادين )

في الأشطر السابقة لو حذفنا الواو او أبقيناها لا تؤثر في وزن القصيدة مع ان وجودها يعتبر زايد في التقطيع !!



الخلاصة القصيدة موزونه

ويلزم تخفيف الهاء في ( هذا تسب[color="red"]ه[/color] .. وذاك في خاطرك شين ؟)

إذا القصيدة على البحر المسحوب



دمتم بكل خير[/color][/size][/font]

شكرا لك
وبارك الله فيك
تحياتي

بارك الله فيك
على ما تقوم به
احترامي

شكرا لك
على الجهد الطيب
تحياتي

جزاك الله خيراً
على ما افدتنا به
ودي واحترامي