منتديات الفطاحله - مطعم فاهيتا أفينيو بالرياض

[FONT="Arial"][SIZE="5"]السلام عليكم ورحمة الله

[COLOR="Red"]مطعم فاهيتا أفينيو
Fajita Avenue[/COLOR]

[COLOR="Blue"]عنوان المطعم:[/COLOR]

الرياض - شارع الضباب من الشمال - بين شارع التحلية و شارع الثلاثين في السليمانية ([COLOR="Magenta"]بعد التميمي سيفوي على اليسار و أنت متجه شمال على شارع الضباب[/COLOR]).

[COLOR="Blue"]تلفون المطعم:[/COLOR]

4644999

[IMG]http://www.50005000.com/Resturants/FajitaAvenue/001.JPG[/IMG]

صوره للمطعم من الخارج ( [COLOR="Red"]واهم ما في الصوره الهوندا الحمراء[/COLOR])pb034

اليوم كان اختيار المطعم المناسب لتناول وجبة الغدا صعب شوي ، لأنه و بكل بساطة الظاهر ما بقي مطعم في الرياض ألا أنا و المعزبة مرينا عليه.

لذلك اخترنا مطعم فاهيتا افينيو رغم أن أحناء أكلنا فيه من قبل ، لكن أكلة كان حليوي و في نفس الوقت كان ودنا نضحك على الجرسون الفلبيني الموجود فيه.

[IMG]http://www.50005000.com/Resturants/FajitaAvenue/002.jpg[/IMG]

[IMG]http://www.50005000.com/Resturants/FajitaAvenue/003.jpg[/IMG]

هذي صوره للمطعم من الداخل

وصلنا للمطعم حدود الساعة أربع و نص العصر ، و الحمد لله لقينا الجرسون و حرصنا أنا أحناء نقعد في المنطقة اللي هو يخدم فيها ، رحب فينا الجرسون زى العادة بصوته اللي تقل صوت حرمة مهوب رجال و بعدين جاب لنا قوائم الطعام ، بعد ما تفحصنا القوائم مضبوط ضغطنا على الجرس و جانا الجرسون يركض ([COLOR="Magenta"]تراه يركض بمعنى الكلمة و تسمع خطواته وهو يركض[/COLOR]) ، أنا عطيته الطلبات و المعزبة جنبي مطيرة عيونها فيه ، بعد ما راح الجرسون قالت المعزبة "[COLOR="red"]اسبرانزا والله أن الجرسون هذا حرمة و متنكر في ملابس رجال[/COLOR]" ، أنا رديت عليه و قلت لها تخفض صوتها لحد يسمعنا و نتفشل ، و إن الجرسون رجال من رجاجيل الفلبين و أن كل رجاجيل الفلبين من هالنمونه.

[IMG]http://www.50005000.com/Resturants/FajitaAvenue/004.JPG[/IMG]

هذي صورة الطاولة حقتناء

[IMG]http://www.50005000.com/Resturants/FajitaAvenue/005.JPG[/IMG]

[IMG]http://www.50005000.com/Resturants/FajitaAvenue/006.jpg[/IMG]

هذي صور لقوائم الطعام.

[IMG]http://www.50005000.com/Resturants/FajitaAvenue/007.JPG[/IMG]

هذي صورة للطاولة بعد ما جاب الجرسون الخبز و المشروبات و الشوربة

[IMG]http://www.50005000.com/Resturants/FajitaAvenue/008.JPG[/IMG]

هذي شوربتي ، كريمة الربيان ، و كانت زينة

[IMG]http://www.50005000.com/Resturants/FajitaAvenue/009.JPG[/IMG]

هذي شوربة المعزبة ، حريره مغربية ، و تقول المعزبة أنها زينة

[IMG]http://www.50005000.com/Resturants/FajitaAvenue/010.JPG[/IMG]

هذي صورة الابتايزر (المقبلات) ، أجنحة الدجاج بدون عظم ، بصراحة كانت مهبولة.

المشكلة أن أحناء رحنا للمطعم و الجوع ذابحنا ، لذلك طلبنا أكل واجد ، بس المشكلة انه مع الشوربة و الابتايزر شبعنا شوي.

[IMG]http://www.50005000.com/Resturants/FajitaAvenue/011.JPG[/IMG]

هذا طلبي الرئيسي ، فاهيتا الدجاج و اللحم و الربيان ، الربيان ما كان زين أما اللحم و الدجاج فكان ممتاز.

[IMG]http://www.50005000.com/Resturants/FajitaAvenue/012.JPG[/IMG]

هذي ألازانيا حقه المعزبة ، و الحقيقة مدري هي زينة ولا لا ، لان المعزبة شبعت ولا أكلتها.([COLOR="magenta"]طريقة تقديم الطبق ما أعجبتني[/COLOR]).

[IMG]http://www.50005000.com/Resturants/FajitaAvenue/013.JPG[/IMG]

هذا ماش بتيتو ([COLOR="magenta"]مهروس البطاطس[/COLOR]) ، و أنا من محبيه ، لكن للأسف ما أكلت منه ألا شوي ، لكن بصفة عامة كان مقبول.

[IMG]http://www.50005000.com/Resturants/FajitaAvenue/014.JPG[/IMG]

هذا رز مكسيكي طلبته المعزبة و كان لاباس به ، لكن كان ممكن يزينونه أكثر من كذا.

[IMG]http://www.50005000.com/Resturants/FajitaAvenue/015.JPG[/IMG]

هذي صورة للطاولة و عليها كل الإطباق ، العلبة السوداء هي اللي فيها الخبز حق الفهيتا.

[IMG]http://www.50005000.com/Resturants/FajitaAvenue/016.jpg[/IMG]

و هذي صورة الجرسون "[COLOR="red"]الرجال[/COLOR]" الفلبيني. و تبون الصراحة هو أحسن ما في المطعم لان دمه خفيف و خدمته ممتازة ، تقل صاروخ ، ما يمدي الواحد يرن الجرس ألا و يجي يركض.pb027

[IMG]http://www.50005000.com/Resturants/FajitaAvenue/017.jpg[/IMG]

هذي صورة الفاتورة و كانت بمبلغ 193 ريال ، و السعر مقبول أذا قست عليه كمية الأكل.

[COLOR="Blue"]ملاحظات على المطعم:[/COLOR]

- الببسي بسعر 5 ريال ، و احلي ما فيه انك تشرب كثر ما تبي بدون سعر إضافي.
- ديكورات المطعم كانت زينة ، بس مشكلتها كانت في الألوان الغامقة ، من ما أعطى انطباع بظلمة المكان.
- الأكل كان مقبول بصفة عامة ، لكن يعيب عليه طريقة التقديم اللي كان ممكن تكون أفضل.

- المطعم زين للي يحب يغير و يروح لم مطعم جديد.
- الستاير اللي تفصل بين الطاولات كان لونها اسود و يضيق الصدر ، ليتهم يحطون لون فاتح شوي.

[COLOR="Red"]و لكم مني أجمل تحية[/COLOR][/SIZE][/FONT]