بدت الحرب
 

عندما اعلنت جنين الحرب.. وعندما استعدت الفطحولات للهجوم..بدأت بتجهيز العده والعتاد ..
وأخذت معي كتابي فلاش >>من الشطاره :D

وجوالي المنتف ..ومخدتي

واخذت معي بعد >>وش خليتي
المهم اني تجهزت بكل قواي وهانحن يالفطحولات نبدأ الحرب ونتقدم وجيش العدو امامنا راجين وطالبين النصر>>متحمسه

فنبدأ حربنا ونقول بعض فضايحكم ايه الشباب فهذه حربنا (خسارة التجهيز احسب بروح احارب بمسدس >>تسمع بالمسدس بس ماقد جربته مين يبيني اجرب فيه )
ونبدأ بالحديث عنكم من قبل ظهوركم للدنيا

اول شيء مايطلع إلا بمشاكل نبي ولد نبي ولد ومايدرون وش بيجي من ورى ذا الولد
ماجابت زوجته الاولى ولد يتزوج عليه وتزوج مبروك مرته حامل ويوم كشفوا على الجنين إلا هو ولد
أجل لاتشتغلين ولاتسوين شيء >>جاته الذرابه

وبعد ماتولدين وتجيبين الولد بكيفك لو تقتلين عمرك محد بقايل لك شيء >>خربها

الأم تحمل الولد 9 شهور (شفتوا قد ايش الحريم متحملين غثتكم )
ومن بعد الشهر 3 مدري 6 المهم وقت مايتحرك الجنين يبدأ ابن الحلال يرفس في بطن امه يحسب نفسه في ملعب كوره >>لاتلومونه حلمه لاعب كرة قدم واخرتها يفشلونا ومايخذون كاس العالم

وبعد الولاده ماعليه شوي مؤدب بس يعلك بالبكاء >>مدلع

وفي سن 10 شهور يبدأ يحبي ويطفق وأي شيء قدامه يحطه بفمه يحب الاكل (صدق من قال الجال قلبه بمعدته )وإذا اخذوا منه شيء بدأ يبكي ويصارخ كأنه صفارات انذار (ينفع في وقت الحريق :p )ويزعج الجيران وبعد ماترجع له الشيء اللي يبي يرميه (عناد ودلع زايد واجب الاولاد اللي من ذي الشاكله كف على وجهه>>عصبت:mad: )
وبعدما يبدأ يمشي تكمن المشكله وبدال مايكون متسلط على جزء من البيت يصير متسلط على البيت كله فيدخل كل غرفه ويكسر ويخرب ويلعب بالمويه ويكب ويوصخ ويضرب يعني في وقت ماتكونين جالسه في امان الله ماتدرين الا الضربه على ظهرك وبأي شيء معه
والتلفزيون يطفيه يبي الناس تطالعه ماتطلع التلفزيون والتليفون يفصله وقت ماتكلم يعني انواع الازعاج والماساه
وعندما يبلغ السن 3 من عمره يدخلونه الروضه يبونه يتعلم وهو يحوس ابو التعليم كله ويحسب اهله مودينه ملاهي ..البنات مؤدبات يمشون مع معلمتهم ويدخلون الفصل ووقت اللعب يلعبون بسم الله عليهن :D

أما الاولاد يضيع الوقت وينتهي الدوام وهم يركضون وراهم علشان يدخلونهم الفصل وإذا دخلوا الولد هذا طلع الولد الثاني (شموخ انصحك إذا بتدرسين في روضه درسي البنات)
وإلى وقت مايدخل المدرسه ويتخرج من الابتدائي مع انواع المشاكل والمطاق ويدخل المرحله المتوسطه ويسقط فيها ومايطلع منها إلا بصعوبه ويبي البزر يكبر عمره ويصلح نفسه رجال وشلون يشرب دخان وإذا شربه خلاص رجال ومع ذي الحاله لين يدخل الثانوي ويطلع بمشكله جديده ويبي سياره ..وإذا قالوا ليش حنا نوديك ونجيبك ماتحتاج سياره ..يقول لاوالله تبون تفشلوني كل خوياي يجون بسياراتهم ماعدا انا اللي يشوفني يقول نونو امه وابوه
واشتروا له سياره العله غثهم ولو مااشتروا له سياره بيسوي مصيبه ولا بيسقط
ومبروك على السياره وابدأ التفحيط في الشوارع وحجز ومشاكل مالها اول وتالي
ولاتنسون المغازل وامشي بالسياره اللي صدم فيها تسعميه وتسعه وتسعين مره (صيغة مبالغه التسعات ) وارفع الموسيقى على اعلى شيء يبي الناس تطرب معه بالغصب
وبعدين يبدأ يفيق لنفسه شوي مب كثير

ويبي يتزوج ..ويدوروله على بنت الحلال ومن اول ليله مطاق وسوي ولاتسوين
ويبدأ الحكايه من جديد ابي ولد ماجبتيه بتزوج عليك ويعيش اللي عاشه ابوه معه وامكن مايدري عن ولده من الاساس ويكون لاهي في جمعاته وسهراته وسفراته وشغله


وترى ماقلت فضايحكم كله رحمه ورائفه مني :D :p

هههههههههههههههههههههههههههههههههه

اي والله انك صااادقه

الله يسترررر منهم

تحيااااتي لك

ابتداء المشوار
يعني نبداء وماراح ينفع معكم اي قمة للمصالحه
لاكوفي عنان والا مليحة الفودري

عصبت تراني وجايب لكم الفضايح

========> من جد معصب :)

هاهي هوها توكم ماشفتوا شيء :p

[QUOTE]عصبت تراني وجايب لكم الفضايح
[/QUOTE]

اصلا متى تكونون رايقين >>ناويه قنابل مع الحرب

أعمار المرأة السبعة:

طفلة، فتاة، شابة، شابة، شابة، شابة، شابة

هههههههههههههههههههههه

والله انك رهيبه وسجليني معاك...............معاك ياقلبي لاخر المشوار وراح يخرجون بهزيمة نكراء

>>>>>>>>>>>>>تراي عصبت

[quote]أعمار المرأة السبعة:

طفلة، فتاة، شابة، شابة، شابة، شابة، شابة

[/quote]

واعمار الرجال

طفل .شاب .شايب .شايب .شايب .نونو

______________________

[quote]هههههههههههههههههههههه

والله انك رهيبه وسجليني معاك...............معاك ياقلبي لاخر المشوار وراح يخرجون بهزيمة نكراء

>>>>>>>>>>>>>تراي عصبت

[/quote]

هلا والله

ولايهمك يااختي معنا مايحتاج الحرب مفتوحه لمن يريد القتال

ومناحية هزيمته فهي بدون شك

أفا وش بك ياعهود قلبتي على الضعوف الرجاجيل صدق من قال الحريم مالهم أمان وصدق الي قال يامأمن للنسوان يامأمن للمويه في الغربال

خخخخخخخخخخخخخخخخخخخخخخخخخ

مشكورة


تحياتي ..

قاعد لهم وخروووووووووووو عني بس :eek:

[QUOTE]أفا وش بك ياعهود قلبتي على الضعوف الرجاجيل صدق من قال الحريم مالهم أمان وصدق الي قال يامأمن للنسوان يامأمن للمويه في الغربال

[/QUOTE]

أصلاً من قال ان لنا امان :p

[QUOTE]قاعد لهم وخروووووووووووو عني بس
[/QUOTE]

وخرنا وبعدين وش بتسوي