السلام عليكم ورحمة الله وبركاته
بدايه .. اتمني ان تستمر
واشكر الشاعر ماجد الهيري علي الدعوه
مدير مستشفاها مسيك بالخير=ثم اسمع العله وعطني دواها
علي الرسبشن ظبي يكتب تقارير=يكتب تقارير(ن) ولاحدن قراها
قَريتها واصبحت من صيدت اعصير=مدري انا بالارض ولا بسماها
ضحكت وقالت خير وش فيك ياطير=ماتدري ان الطير روح بداها
قمت اتفلسف ورطن بليز كم هير=كم هير مدري وشو اللي تلاها
لكن ضرسي وده اليوم تخدير=وكنه تخدر بعد ضحكت شفاها
لاجيت ابوصفها تحير التفاكير=لن الحلا ياخذ حلا من حلاها
زينه طبيعي دون فزعة كوافير=وتوت مبسمها ولاحدن كلاها
والجسم مقسملك علي اربع دواوير=ثنتين تركزها والاخري تعلاها
والخصر منحوتن مع شوي تحدير=غصب يتحدر وركايز وراها
متفرده مامثلها بالغنادير=وزين يتبعها ويتبع خطاها
تسكن وسط خيبر وانا بجده الغير=وشلون ابا روح وقلبي هواها
انا اشهدن الوضع يحتاج تشمير=أبا تعشاها وظني غداها
وانا اشهد اني غاطس بجمت البير=وانا اشهدن الموت حزت لقاها
بكتب مكاتيبي وبرسل مع الطير=لعل يدري بحالتي من قراها
××××××××× منوعات من القصائد القدامه ××××××××××
فديت هاك الردف لامنه اهتز=يهتز منهو ساكنن وسط جده
أمضمره ونهد واقف ومرتز=والشمس حمراء غايبه فوق خده
؛؛؛؛؛؛؛؛؛؛؛؛
زينت له نيه وزين محابيل=ومن شب ناره يذهن يطيح فيها
ياردك علمي والقوافي مهاطيل=وان سيلت ماكل جرف يحديها
؛؛؛؛؛؛؛؛؛؛؛
وسج في بحر الشعر وبين الخافي وبين=واهل الشعر وان طال صمت الوقت يبين سدها
قاصايدن وموثقه ماهي بطلبه ولا دين=محدودتن ومحدده وتحد محدن حدها
ودمتم بود
ماجد الزقم