اقتباس:
المشاركة الأصلية كتبت بواسطة الطائر المهاجر
لا صرت ما تبخص طبوع الرجاجيل= فليا تعجّل وامتهن للركاده
ولا تنخدع بالإسم او ما عنه قيل = ولا تنخدع بالشكل لو به زياده
كبر العلابي من سمات الدرافيل= وكبر الكروش مولده للبلاده
حاذر من اللي خذ من الذيب تمثيل= نحيل وامعط عارفٍ وش مراده
وحاذر من اللي شبر ماهوب برميل= نحيل غير العقل يقدح زناده
وحاذر من اللي كلمته ما بها ميل= قليل هرج وما يبين سداده
ومهما يكن مركزك يعطيك تبجيل= ياسرع ما تلحقك بعض السواده
لاتقول انا مسنود محمي من السيل= كم من عروقٍ شالها كالكتاده
فلاق الرجال ببسمةٍ دون تقليل= تكسب جميل وما تخسر الوفاده
فذكر حسن يبقيك جيلٍ بعد جيل= ينفع عيالك في زمان النكاده
انا خوي مقدرين الرجاجيل= اللي يلاقوا ف التواضع سعاده
لا قلت ياربعي طيورٍ ابابيل = من جاك جاه الله بكل القراده
ولا ني خوي مقربين المعاميل= اللي لهم ف الكاس جلسه وعاده
كلٍ يدربي الراس ماشاله الحيل= فكره بكاف وكاف تكسر شداده
لا من تهرج قلت فارس وحلحيل = ولا من دعى الداعي لقيته جراده
بخص الرجال اكبر خطر للمشاكيل= فليا تعجّل ف الحكم والإفاده
|
الله الله يالطائر
الحقيقه ومن دون مجامله
هنا قرأت شعرا له وزن في المعني والمبني
قل نظيره
تبارك الله صياغه ومفردات وتألق
لله درك ولنا دررك
مودتي واعجابي