ونتي ونة كسير(ن) يشتكي هم الجباره=صار له شهرين يشكي من قويات الجباير
يزعج الونه وهم(ن) في ضميره بانتظاره=صار همه في ضميره يشتعل مثل السعاير
والسبايب من نظرته عصر في وسط العماره=حي مزحوم(ن) وشفت الزين في وسط العماير
شفتها يوم الربوع اللي مضى خلف الستاره=ليتها ياخوك ماتطوي جديدات الستاير
ناظرتني بالعيون وصار حالي في دماره=واعذابي كان حدتني على شرب الزقاير
اغمزة بالعين غمزه ضيعت كل الشطاره=صار قلبي يرتجف والعين هلتها عباير
قلت يابنت العرب ارجوك رجوا باختصاره=اطلقيني فالفضاء لاتكسرين اجناح طاير
قلب خالد ياغناته تشتعل فيه الحراره=ذاب قلبه من عيونك ماقدر كتم السراير
قالت اللي مبتدي ماهوب حاسب فالخساره=وانت توك في طريقك في مسارات الخساير
الهوى ذباح مافاده طبيب الاستشاره=والسهر اول علاماته يجيك الليل زاير
والمريض اليوم يفرح في مقاديم الزياره=والهوى عكس اللذي قلته يخل الدم فاير
قلت مادامه كذا ياقرب وقت الانتحاره=احسن ارجع مع طريقي قبل تعذيب الضماير
مالي ومال الهوى لن كان مافيه انتصاره=ماحصل منكم كفايه والرجاء صك الستاير