الله يـردّ المسافـر طـوّل الغيبـه
لو هي اسابيع عندي عدّة اعوامـي
له وحشـةٍ زادت بقلبـي لواهيبـه
من حرها اوجس النيـران بعظامـي
البدر لا غاب ماللكـون مـن هيبـه
مهما النجوم كثرن باعداد وارقامـي
يطـول ليلـي تناوشنـي مخاليبـه
خوفٍ وهوجاس والكابوس باحلامي
لا سافر اللي تحبّـه اكبـر مصيبـه
يبحر بك الهم في وسواس واوهامي
ما تامن الوقت فالأقدار تجـري بـه
ولا تدري اللي تخبي سود الايامـي
واللي مسافر ترى يسلى عن صحيبه
المشكل اللي على جمر الغضى نامي
ولو كل منهم يعيش الوقت تغريبـه
احدٍ بكيفه واحد في الغربه الزامـي
لا كلمّه من يحبه ما وضـح عيبـه
يقول مبسوط يخفي جرحه الدامـي
فالقلب عند السفر تكشف عذاريبـه
ولو هو قويٍّ تحوّل كومـة حطامـي
وأنا بغربه وحالي صـارت صعيبـه
يمضي بي الوقت مثلي مثل الايتامي
والاّ كسير يجرّ الصـوت ويجيبـه
محدٍ سأل عنه من صدقان واقوامـي
ينطر حبيبه لعلّ بيـوم يـدري بـه
يفهم مشاعره ما يحتـاج لافهامـي
مسيت بالحب نبع الحـب والطيبـه
صبحت بالخير مصدر كل الالهامـي
اتعبني القيـد ليـت القيـد تركيبـه
ان كان افكّـه ولا حسّيـت بالآمـي
ارجع الـيّ تـرى طوّلـت بالغيبـه
ارجع اليّ قبل مـا تكسـب آثامـي
يالله ترد المسافـر بالـف ترحيبـه
افرح بلقياه ينعـش قلبـي الظامـي




______________________


مشرفنا الغالي



صح لساااااااااااااااااااااااااااا انك


ولاااااااااااااااااااااااااااا اهنت


ودمت بخير



عين المها