الا يا طير يمهاجر رفض ذل الزمان وطـار
الا بالله تاخذنـي حيـاة الـذل مـا آبيهـا
تعبت وتاهت افكاري بوقتٍ يقهـر الأحـرار
مدام البوم والحصني تعلـت فـي مبانيهـا
ابي حريتي طيرٍ يهاجر ماحسـب لاخطـار
ولا فكّر بهـا الدنيـا مـدام إنّـه مخلّيهـا
اخذت من الزمن حلوه وسقاني المر والأكدار
وعلمني اكون إنسان افكـر فـي تواليهـا
عرفت ان الجهل نعمه بوقت يقتـل الأفكـار
ولا يبغى سوى ظلٍ تخلـى عـن مباديهـا
ونا مقدر اساير لو اعيش العمر في امـرار
مبادي الجدّ في دمّـي بنبضاتـي اراعيهـا
رفيع الراس ما يخضع لغير الواحد القهـار
اعيش بعزتي مهما الزمن حـاول يجافيهـا
فلا يمكن يحقق مايبي عن طيب وإلاّ اجبـار
غسلت ايدي ولا ابي منه في يـوم يحييهـا
تركته دونما آسف ولا فكرت باللـي صـار
حياة الحر ما تسـوى اذا نفسـه يوطيهـا
كثير من الملا يفخر بأنـه حـر كالأطيـار
وهو مسجون سجن الذات داله في غناويها
يذل النفس لاجل الجاه فكره دوم في الدولار
يبي ياصل مثل غيره ولـو بالـذل يشريهـا
وينسى انه غدا خادم وصار العبد عن اصرار
يعيش ابلا كرامه لو وصل لأعلا مراسيهـا
ونا اقسمت ما غيّر مبادي ترثـة الأخيـار
لأني عارف الدنيـا ابرحـل يـوم واخليهـا


المشرف العام ..

د. عثمان العبدالله ..

الله يطوّل بعمرك على طاعة الله ..

صح السانك ولاهنت ..

تحيتي لك / مشاعر حالمه