[ضاامية الود]

المشاركة الأصلية كتبت بواسطة المشرف العام

الا يا طير يمهاجر رفض ذل الزمان وطار = الا بالله تاخذني حياة الذل ما آبيها
تعبت وتاهت افكاري بوقتٍ يقهر الأحرار= مدام البوم والحصني تعلت في مبانيها
ابي حريتي طيرٍ يهاجر ماحسب لاخطار= ولا فكّر بها الدنيا مدام إنّه مخلّيها
اخذت من الزمن حلوه وسقاني المر والأكدار= وعلمني اكون إنسان افكر في تواليها
عرفت ان الجهل نعمه بوقت يقتل الأفكار= ولا يبغى سوى ظلٍ تخلى عن مباديها
ونا مقدر اساير لو اعيش العمر في امرار= مبادي الجدّ في دمّي بنبضاتي اراعيها
رفيع الراس ما يخضع لغير الواحد القهار= اعيش بعزتي مهما الزمن حاول يجافيها
فلا يمكن يحقق مايبي عن طيب وإلاّ اجبار = غسلت ايدي ولا ابي منه في يوم يحييها
تركته دونما آسف ولا فكرت باللي صار= حياة الحر ما تسوى اذا نفسه يوطيها
كثير من الملا يفخر بأنه حر كالأطيار = وهو مسجون سجن الذات داله في غناويها
يذل النفس لاجل الجاه فكره دوم في الدولار= يبي ياصل مثل غيره ولو بالذل يشريها
وينسى انه غدا خادم وصار العبد عن اصرار= يعيش ابلا كرامه لو وصل لأعلا مراسيها
ونا اقسمت ما غيّر مبادي ترثة الأخيار= لأني عارف الدنيا ابرحل يوم واخليها

اخوي ومشرفنا ابو عبدالله


وقفه هنا مع الابداع

واثبات لتواجدى بهذا المتصفح

والشهاده فيك تبقى مجروووووحه

ما مهما قلت وقلت لن اصل الى ما اريد

قوله فقد يخون التعبير ولا اريد ان اخدش

هذه الباذخه بكلمات اقل من حجمها

صح السانك وسلم بنانك

ولاهنت