تخالف هواجيس الضماير علي اشفات = كما تختلف شفت العساكرعلى النوبه
وتحن الضماير حنة العايدي بالذات = بعد صدرته ودريوله نار مشبوبه
يصايد به السواق سندا مع لفات = محاويل موراتٍ بطلعات مهيوبه
حنيني حنينه من زمانٍ لفى ثم فات = تعاود به الذكرى علي نوبه ونوبه
الامن ذكرته يافهد جبت لي زفرات = خطير على غيري يشقق بها ثوبه
سبب من براني اللي عديم من الزينات = ملهوفة حشى والناس ماتذكر عيوبه
نسى مامضى من وقتنا وخابت الهقوات = وهدم مابنينا طوبة فوقها روبه
الا وين ذاك الصوت والحزن والعبرات = الا طاف موعدنا صباحٍ والا غروبه
نساها وهو طبعٍ قديم مع الخفرات = نسّاية جميل ومثلهم جعله الكوبه
ترى البيض ماتومن وذا مجمل القالات = يفوز البخيص بحبهم لاقبلن صوبه