[عمر ال شيبي]

المشاركة الأصلية كتبت بواسطة الطائر المهاجر

كلما ضاقت توجه للكريم = سامعٍ نجواك لو تحت البحار
ياسميع ياقدير ياعليم = تفرج هموم الذي فيك استجار
ما شكى لغيرك بهالليل البهيم= ولا انتظر فزعة قريبٍ او جوار
من زمانٍ ما كسبه الا اللئيم= او حرامي كل كنزه بالدولار
وما ربح به غير فاجر او اثيم= ف الليالي الحمر اولعب القمار
وما وصل به غير بومٍ او فديم = حط خيشة باب مايملك قرار
ومن على المبدا بوقته كاليتيم= طايحٍ كرته ويشوى دون نار
عارف ان الوقت ماهو بالسليم= ولا معه حيله ويدّينه قصار
خايف ان الوقت يرجع للقديم= يومنا ما بين نهب وبين ثار
وبين من يكمن يدور له غريم = وبين عادي والجريمه له شعار
وبين خوف وجوع والأمن العديم = والمرض يفتك بنا دون انتظار
في صحاري ما بها شيٍ يقيم = ولا يعيش بها سوى ضبٍ بغار
فما جرى للغير ف الكون العميم= عبرةٍ للي يبي له اعتبار
فالفساد اليا انتشر امره وخيم= والفقر لا من كثر يشعل شرار
والبطاله قنبلة سم وجحيم = ما يحس بها سوى اللي له صغار
لا صحى طفله وسط ليلٍ عتيم= جايعٍ والا المرض فيه استدار
مثل هذا يلقفه حاسد خصيم= يجنده للشر ما يحفظ ذمار
ويظهر عياله بهم حقدٍ عظيم = لا لقوا فرصه يعيثوا بالديار
في بلاد الخير واحد في نعيم= يقابله اثنين في وضعٍ دمار
والحكومه ما تقصر من قديم = في رفاه الشعب ما ترضى انتظار
غير فيه السوس من بعض الخميم= من بنفسه بس ما فكر بدار
كل همه كيف يكنز للبريم = لو حرامٍ مصدره ماخاف نار
وكيف يتستر على من جاء يقيم= وينهب الثروات من خلف الستار
ويحرم مواطن بوضعه كاليتيم = الشهاده معه مايلقى اعتبار
ولا حسب للي يدقق من فهيم= من سبر فعله بليله والنهار
ولانكشف امره يعلق كالبهيم = عبرةٍ للغير من نفس المسار
ودام هذا الحال لاسينٍ وجيم= يستمر الجو يعلوه الغبار
دام عز الدار في ظل الزعيم = من نذر نفسه لها بكل اختيار
خادم البيتين للظالم خصيم= رافعٍ راس العرب عدل ووقار

الحمد لله

شعر ومشاعر ونصح وحكم

صح لسانك سيدي