[ابو أنس]

إخوتي الأفاضل .أخواتي الفاضلات
كل عام وانتم بخير وهنا وعسى ان يكون هذا العام عام خير وبركه يستقيم فيه ما اعوج من أمورنا ويكمل فيه مابدئ من مشاريعنا وأحلامنا ومتطلعاتنا . وينتصر فيه الخير ويندحر الشر وتعلو الكلمهز
وبعد هذه كليمات كيبورديه نقشتها هذا الصباح أول ما صافحت شاشة الجهاز ولامست مفاتيح لوحة المفاتيح
لم ترتب أو تنقح أو يطرأعليها شيئ تركتها كما كتبتها لتعبر عن مكنون النفس وخلجات المشاعر
آمل قبولها بخللها وعللها
وكل عام وانتم بخير
سعد 1/1/1427هـ

كل عام وانتم بصحه وخير=ياعساكم في مسرات وهنا
ياعسى ذا العام عام(ن) مستنير=نبتد ايامه بتحقيق المنا
وتدخل الفرحه على صغير وكبير=والأمل في نفوسنا يطلق سنا
ويا عسى العسرات ترجع لليسير=البشاير تطرد لأحزاننا
وياعسى المعلول مربوط السرير=ينطلق عوقه وعزمه ما انثنا
وياعسى المهموم وان جا مستجير=ينجلي همه وزغرد واهتنا
وياعسى المسكين مغموم وحسير=مع تباشير السنه رزقه جنا
وياعسى كل اليتامى بالف خير=مايذوقون الضغينه والعنا
وياعسى اللي فاقد الشوف وضرير=يفرح بشوفه وعقله متقنا
وياعسى اللي قلبها صبّ وكسير=قلبها محروق من بعد الضنا
جعلها في ذا السنه تفرح كثير=باجتماع الشمل والمبعد دنا
وياعسى كل العذارى للبشير=بفارس الأحلام شهم ومحصنا
وياعسى للدين من اهله نصير=يدفعون الشر وابواب الخنا
وياعسى فبلادنا المركب يسير=وكل ناعق وان نعق ماهمنا

سعد 1/1/1427هـ