اقتباس:
المشاركة الأصلية كتبت بواسطة منصور الحبيل
مالوم العلك
والله مالوم العلك لـوذاب فـي فمـك=يومـه تقلـب فـي حـلاوة لسانـك
ومالوم عطرٍ فالصدر ينهمـك همـك=وارتاااح في غمـرة دفـاك وحنانـك
أو ثوبك اللي دوبـه شويـش لملـمك=من خـوف لايجـرح لطافـة ليانـك
يالحاليه غار العسـل مـن تبسّمـك=ويغار تاريـخ الزمـن مـن زمانـك
قرّبت ابا افهم ملح وجهك وابا ارسمك=وحلو الخصال اللي تلاعـب جفانـك
كل الحـلا سافـر لوجهـك ولازمـك=منك اشتكـى زينـك ويبغـى امانـك
الشمس تاخذ من ملامح معالمـك=والا تسلّف نورهـا مـن مكانـك
والناس تسكت لاسمعوا صوت يزهمك=كـلٍ تحـرى منـك طلّـة بنـانـك
لا تطلعـي للنـاس حتـى محارمـك=منك احترق لوشفت جمبـك اخوانـك
اقـول .. يااالبـى عيونـك ومبسمـك=ولبـاك ياصـوتٍ يـرنـم جنـانـك
لولا الحجاب اللي على الدين حشّمـك=جينـا انتحارييـن فيـك وعشـانـك
وسلامتكم |
للذوق ذوق المعاني قلب وحنا عرفناه
ولذالك نعود
صح لسانك