[عمر ال شيبي]

المشاركة الأصلية كتبت بواسطة الطائر المهاجر

لوهو بكيفي لامنع البشت والثوب=ومعها الشماغ وكل ما يخفي الراس
وامنع مفاطيحٍ على البطن كالطوب= تمد كرش الرجل مترين بقياس
وامنع حريم ٍ في المسايير ما تتوب= مابين اسواقٍ وصالات اعراس
وامنع رجالٍ باستراحات ولصوب= لا من لفى الواحد تلاقيه باعماس
ايضيعون اجيال كل مشى صوب= فالبيت ما يبنى على عايب الساس
ولوهو بكيفي لامنع السرق ونهوب=واعاقب الجاني وارجعه لافلاس
ومن كان ماخذ ستر بالدين بكذوب= اسحله ف الشارع وبالرجل ينداس
اللي علينا سايرينٍ بملعوب= فتوى ودجل والضحك بدقون هالناس
ممن بهم امراض والبعض مطبوب= ولا راجع المشفى يزيدوه وسواس
كانه تجاري الجيب لاشك مسلوب= وكانه حكومي مالقى غير هلاس
لعيادته يرشده ماهاب لعتوب = فعين الرقابه تشتكي نوم ونعاس
ولو هو بكيفي والبطاله لها لتوب= لاطهر الديره من اجنابٍ خساس
غاشوا علينا بين راكب ومركوب= واحزاب واقوامٍ لهم لعب واوجاس
من خلف طرطورٍ بلا شغل وتعوب= يكفيه ما ياصله لو كانت اطفاس
وعيالنا بالفقر ف الباب محجوب = ولا من يساعدهم بلا واو غطاس
ولو هو بكيفي غير كيفي به عيوب= ما اظن يصلح في زمن كله انجاس

صح لسانك نعود لنمليا الجود