[ضاامية الود]

المشاركة الأصلية كتبت بواسطة أبوأنس

في هذا العصر وفي هذه الأيام بالذات كثرت وكبرت الهجمه على الإسلام والتركيز على التوحيد مع التطبيل للفرق التي لاتعير مسألة التوحيد كثير اهتمام وتكثر لديهم الشركيات
فكان هذا البوح سائلا الله ان ينفع به وان قصر عن المستوى فلعل صدق النية يرفأه

لا إلاه الا إلاه(ن)واحد(ن) فرد(ن)صمد=خالق الأكوان ماله في الملا ندّ وشبيه
ربنا المعبود به نومن ولا نشرك أبد=في الرخا له عابدين وفي الشدايد نرتجيه
حبلنا موصول بـ الله ما لنا غيره سند=ما لنا (بابا) وسيط ومالنا (قسٍّ) سفيه
وما لنا قبر(ن) نحجّه نطلبه عون ومدد=وما لنا (آسيادٍ) تصرِّفنا على اللي تشتهيه
ربنا واحد ولا له صاحبه أو له ولد=جل عن خلقه تعالى فوق عرشه يانبيه
ما نكيّف اونمثّل او نعطّل او نرد=غير ما جا في الكتاب وفي المصادر ما نبيه
ياهل التثليث بالله كيف تقرون العدد=واحد(ن)يطلع ثلاثه او ثلاثه مفرديه
الله اللي خالقن عيسى وعيسى له عَبَد=والبتول توحّده سبحانه الواحد نزيه
ومن يقول ان العزير ابنه هلك واهلك بعد=دعوة(ن)للشرك من قاله جهنم تحتريه
قول ربي في كتابه واضح وما به جهد=من طلب غيري وكلته للذي هو منتصيه
كيف نطلب واحد(ن)في القبر وعظامه رمد=عاجز(ن)ما فاد نفسه ثم للحاجه نجيه
او ندوّر واسطه لله وهو ما ابعد وصد=قوله(ادعوني)وانا اسمع دعوتك واللي تبيه
خالق(ن)رازق ومنعم شاكر(ن)واحد أحد=ظاهر(ن)أول وآخر كوّن الكون بيديه
أمره النافذ ولااحد(ن)دون امره مستبد=يهلَك الطاغي ويبعث. والعمل يحسب عليه
نسأل الله السلامه يوم نوضع في اللحد=أول اسئلته عن التوحيد والباقي يليه
مَن إله الكون مَن ربك ومَن حق اتعبد=ان صلح قولك ودينك فابشر ببيض الوجيه

سعد.....
11/9/1427هـ

اخوي ابو انس

صح لسانك وفكرك

ونسئل الله عز وجل انه يقدرنا على طاعته

وقفه هنا مع الابداع

واثبات لتواجدى بهذا المتصفح

والشهاده فيك تبقى مجروووووحه

ما مهما قلت وقلت لن اصل الى ما اريد

قوله فقد يخون التعبير ولا اريد ان اخدش

هذه الباذخه بكلمات اقل من حجمها

صح السانك وسلم بنانك

ولاهنتي

تقبل مني خالص التقدير