آخر عناقيد العنـب صـارت ابعيـد
وانتا تدّلـى لـي ولا قـادر امسْـك
احلام فالمشمش على وجـه تحديـد
ماتنسمع لو جيت قدامـك اهمسـك
بس القناعه تجبـر الواحـد ايعيـد
وانا اعيد حروف البيوت واطمسـك
فيني غرور وكل مـا مالـه ايزيـد
مدري بدّمان الطواوييـس ابغمسـك
قيثارتـك نفـس النغـم والاناشيـد
لاطاب مسرى الليل ولا طاب ملمسك
يعنـي قضيتنـا قضيـة مواعـيـد
قلبك ضعيف وعاجز انـي احمّسـك
يالعن ابو غيرك تشـوف الحواسيـد
ودك تشمّتهم وانـا اللـي منومسـك
وتبني على قبـري خيـام الهرابيـد
وانا أحاول شمسنـا مـا تلامسـك
عشتك بزفـرات الحـزن والتناهيـد
وآعيش بك واشرب معاك الالم سك
لها رونق خاص لذا نعود لها وصح لسانك