[عبير الورد]

المشاركة الأصلية كتبت بواسطة خيّالة الشعر

السلام عليكم

من دون مقدمات القصيدة تشرح نفسها

قالوا غرورك زايد ن يالاميره = وامــــوالكم ما تنحسب يالسلاطين
فقلت ربي عالم ن بالسريره = الكبر لله موب لاهل الملايين
اخاف ربي واعرفه واستخيره = واحفظ فروضي واعرف الشرع والدين
ربي خلقني ضمن هذي العشيره = ماهو بذنبي ذا نصيبي ولي عين
لي عين ارد الحكي صبح وظهيره = وآقول كلمة حق ماضرّني شين
احنا بشر والرزق ربي يديره = حكمه من الله وزعه للملا دين
احد ن زكاته وافيه بالوتيره = واحد ن بخل بالمال يكنز لبعدين
وكل شخص ن راح يلقى مصيره = والله يحاسبنا غنيّ ن ومسكين
باكر يحاسبنا كبيره صغيره = واعمالنا تشهد علينا بعد حين
ماتنفع اموال ن ولو هي كثيره = ولا بنون ن ينفعونك ولا زين
وماراح تنفعني سموّ الاميره = ولا لقب قالوه (بنت السلاطين)

وسلامتكم من كل شر

صح لسااااانك ملايين

سلمتي وسلم منطوقك الجزل


ربي يعطيك العافية