ياحي قافً جاني في وقت الهجيـر
وقتً ظروفه ماحسبـت حسابهـا
من فارس الشعار ابن شيبي الخبير
يقـول باكـر نبغـي رد كتابهـا
وياعمر ابن شيبي ياشاعرنا الكبير
ياللي علومك فالعرب يحكـى بهـا
بالعون مثلك يستشـار ولايشيـر
يجلب درر غب البحـور ومابهـا
ولاجف بير عريم رح للغرب بيـر
ماتـارد الا صافيـات اشرابـهـا
ومايلحقك مكـروه ياعلـك بخيـر
بي علتن باقصى الضمير اطنابهـا
لاجيت ارتب قاف فكري واستخيـر
تحرق هجوسـي ياعمـر عذابهـا
وقود الروابع قودها وانت السفيـر
وخل الضمير الحي يرقـب بابهـا
البحر واسع والمراكب بـه تسيـر
والمعطـي الله والوعـد بأيابهـا
مثلك ضمان اليا رجع صيده وفيـر
وغيرك حصيلـه مايسـد اتعابهـا
عجزت اختارمن القصيده الريعه
يعطيك العافيه شاعرنا