[عبدالله الشويمان]

المشاركة الأصلية كتبت بواسطة حي الضمير

شهر الصيام اقبل عسى الله يحييه=اقبل هلابه عد ماينطق لسان
حيه عدد ماردد الخلق طاريه=وحيه عدد ماهل بالوسم هتان
اقبل عسى ربي يتمم لياليه=ويالله عسانا نفرح بشوفه ازمان
شهرآ به المسلم يضاعف حسانيه=فيه العباده والتسامح والاحسان
اخره عتقن من جهنم وصاليه=واوله رحمه واوسطه فيه غفران
ويامسرفن بالذنب والرب عاصيه=اظفر بتوبه قبل زوغات الاذهان
وكم مسلمن يرجي حضوره ويطريه =وجته المنيه مالحق نصف شعبان
صل النفل ويا التراويح صليه =والليل خله في تهجد وقران
والقلب صفه والردي لاتماشيه=وصاحب رجال الدين تزداد ايمان
وكلن بيلقى في كتابه مساعيه=في يوم لاينفع قرايب وخلان
اما بقبرك جسمك النار تكويه=والا يجي قبرك من رياض وجنان
واعداد ماهل المطر من مناشيه= صلوا على سيد البشر نسل عدنان

اللهم صلي على محمد وآله وصحبه..

عزيزي..قلت فاجدت واجزلت وانتعت..

فصح السانك الين ترضى..

دمت بخير وصحه وسلامه ولا هنت