[عبدالله الشويمان]

المشاركة الأصلية كتبت بواسطة داعي الشوق

خلاص روح ولا تـزيد المواجع = ما دام حبل الود حان انقطاعه
لا تنتظر مني سلام الموادع = ما لي على شوف الوداع استطاعه
برضى بمقسومي و اهل المدامع = ومركب غرام الوصل بطوي شراعه
و ودع افراحي بنبرات خاضع = عن حكمة الاقدار يقصر ذراعه
يوم الحزن في قلب بالحب نابع = شيّــد عواميده و زاد ارتفاعه
و استوقد بنار الغرابيل شارع = و لا عاد للمجروح عنده مناعه
كثرة غرابيله و صابه زوابع = و مع دورة الايام زايد صراعه
يا حسرة اللي كان بالحب طامع = ما نال مقصوده ولو كان ساعه
اول بسوق الحب شاري و بايع = و اليوم صار الهم باقي متاعه
في زحمة اللوعات بيعيش ضايع = و يلوم من سبب لحاله ضياعه
لو المدى في ناظر البعض واسع = يضيق به عقب الفراق اتساعه

صح السانك ملايين يا ابو سعد..

نص وافي وجزل مبنى ومعنى وقافيه..

لله درك يا اخي

دمت بخير ودام نبضك.

ولا هنت