[عبدالله الشويمان]

المشاركة الأصلية كتبت بواسطة نجم الإبداع

لاتدعي بالحب وانت ابعد الناس=عن نبض قلب حبيّبك يوم ناحي
تشكي على العالم وتبدي التحناس=والهجر طبعك من جميع النواحي
لوّك عرفت الحب ماجيت الادناس=واطلقت للشوق اللئيم السراحي
لكن عينك ترقب انواع الاجناس=واحترت من تختار والكل راحي
لانته وفيت لعاشقك لاجل نسناس=ولا انته ملكت الفايته والرباحي
انته اناني تلتهي بالتوناس=وقلبك مع اهل الحب فندق سياحي
ياوجد روحي وجد من حل مكناس=وحبيّبه في ديرة آل الصباحي
او وجد ولاده زمان بن فرناس=يوم الهوى مشروب من كاس راحي
عليك يابو عين ترقب لقرناس=مامل شوفتها وهي له تلاحي
اما انت يالي تدعي معك خناس=صوّر لك الدنيا وماصرت صاحي
ضيّعت خلانك ومافادك ابناس=ومشيت في درب وخذتك الرياحي
دامك كذا لاتدعي لابعد الناس=وقلبك مع اهل الحب فندق سياحي

صح السانك يا ابو محمد

قصيده جزله يا الجزل

دمت بخير ولا هنت