ودي ودي ودي اشوف الشوق بعيونك ياشاعر
ودك تشوف الشوق بعيـون الاحبـاب
تعال شفني .. وش تشوف بعيوني !!
كني غريب ٍ مجلسـه بيـن الاجنـاب
عنك الظروف اللـي تحـدك حدونـي
عطني كلامك ليـه ساكـت ومرتـاب
شبيـت نـاري لايغّـرك سكـونـي
عديت مـن شانـك ثمانيـن مرقـاب
حتى الهموم اللي بقلبـي بكونـي !!
ونثرت دمع ٍ مانحـدر كـود لغيـاب
وذكرت ناس ٍ مـن غلاهـم خذونـي
وحاولت ابفتح للقـاء كـل الابـواب
بس السنين اللي مضـت ماسعفونـي
ياليتنـا كنـا قرابـات .. وانـسـاب
لجيـك لـو ان الخلايـق .. نهونـي
مجنونك اللي عن محبتـك مـا تـاب
لبطيـت عنـي غيّـر الهـم لونـي
الحب ماهو .. لحظة هيام .. واعجاب
حبك يساوي بالمساحـات .. كونـي
بعض المحبه مالها اوقـات واسبـاب
وتبقى على طـول المـدى ماتهونـي
انا بدونـك حالتـي هـم واعصـاب
بالله قلي كيـف حالـك .. بدونـي !!
بيني .. وبينك لو يجي قطع الارقـاب
ماحال غير الموت دونـك .. ودونـي
مشيت يمك اقطع اسهـول وهضـاب
ومليت دربـي .. واتعبنـي ظنونـي
واقول في نفسي وانا منـك منصـاب
وش عاد لو ان الحبايـب .. نسونـي
سكنت في عيني غلا وسـط الاهـداب
لين المحاجر مـن مكانـك شكونـي
وان كان عندك بالضماير لـي عتـاب
امـر علـى روح ٍ عشانـك تمونـي
عذرت قلب ٍ فـي سمـاء حبكـم ذاب
لو شفت صدك كيف يحيـي شجونـي
حيّرت في حبك معـي كـل الالبـاب
انت الهوى كله .. ومصدر جنوني !!
نذر ٍ عليّ منساك .. لو مفرقي شـاب
الا .. اذا .. ان .. العرب .. كفنوني !!
وان جيت تسألني عن قلوب الاحبـاب
خبيت شوقي وافضحنـي .. عيونـي
صح لسانك يامحمد
رائعه بكل مافيها
لاهنت ولاهان فكرك الراقي يامبدع
وكل عام وانت بخير