[نشمي المويعزي]

الشاعر اللي مابعد من صدمة الأيام فاق=مأخذ من أيام الشقا غير العنى ودروسها
وقف لي الحظ الردي على قدم ثابت وساق=من قبل لآصل حاجتي ياصل لها ويحوسها
والمشكله بقعاء معه لو حاجتي يم العراق=لا راش سهمه لنحري جتك تعدي في قوسها
صبرت والصبر انتهى والحمل والله مايطاق=وأيامنا مثل السباع اللي تحد ضروسها
والحظ بيرٍ دوب ماه يبلل حلوق النياق=واحلامنا مثل البذور اللي عليه روسها
والبذر لامنه طلع ماله طراه ولا مذاق=امّا ضمر كل الثمر وإلا اندمر من سوسها
للحلم ثمره بس حظي بأسفل السبع الطباق=مع الحبيب اللي تركني للحياه وبوسها
استرجع الذكرى وقلبي لاذكر غاليه تاق=والغيبه تقطع شرايين الخفوق بموسها
والوم قلبي كيف يذكر صاحب العود الدقاق=اللي حداني للدروب اللي تغث عسوسها
ياصاحبي خيرتني بين الكرامه والفراق=ولا بارك الله بالرجال اللي تهين نفوسها
ابقى على كرامتي يازين لو دمي يراق=وأنا من رجالٍ تموت ولا توطي روسها
روّح عسى دربك خضر ماعاد بالقلب اشتياق=غيري تبي تلقى بشر حتى يديك تبوسها