تسلم لي اعيون ٍ بها الكحل مزفون=وتسلم محاجرها ويسلم نظرها
لاشفتهن كني من االشوق مجنون=وأسامر انجوم السماء مع قمرها
يتل قلبي رمشها أسود اللون=والبرقع اللي من حلاها سطرها
حسبي على من صاغ شكله على عيون=يسحر جميع الخلق بدو وحظرها
لأهل من شعره على العين بالهون=ضاعت ملامح عينها من شعرها
من حسنها ماشفت مثله بهالكون=تشبه قمر خمسة عشر في شهرها
الخد كنه برق في عالي مزون=والخصر جذع الموز نابي شجرها
مبسم وخشم ٍ كنه السيف مسنون=تضحك بغر ٍ كالبرد وآعذرها
ما أسمع بها العذال لو هم يعذلون=قلبي طمع في حلوه ٍ ما قدرها
مالوم قلبي لو غدا اليوم مطعون=ومالوم عيني لو تتابع سهرها
بسباب نظره خلت الفكر مرهون=لأعادها الله يوم أناظر نظرها
هذا عذاب الشوق والشوق ملعون=من طاح في بحره عجيب ٍ دررها
الشوق مثل السم يسري على الهون=لأمن سرى في نفس عاشق دمرها
تصبح حياته دايم ٍ دون في دون=كنه على نار ٍ تقادح شررها
يا الله يم أيد نبيك بهارون=بآيات تبهر من ولي ٍ أمرها
ترفق بحالي يالولي ٍ على الكون=يا عالم ٍ سر الأمور وجهرها