[نفحة الطيب]

المشاركة الأصلية كتبت بواسطة محمد بن لقفص

يا ناس زادت جروح القرم وآلامه=بالله يا أهل المروة لا تلومونه
فكره سرح به وجرح فالحشا ضامه=تكفون خلو جروحه لا تزيدونة
ليل الشتاء طال والمجروح ما نامه=من هول ما جاه عيّت ترقد عيونه
لو نام ساعة تصيبة ثورة أحلامه=ويفز من مرقده والناس يو حونه
كن الزمن بالتحدي ناوي إعدامه=روحه من الهم والتفكير مطعونة
لو شافه اللي يلومه كان ما لامه=نهار قالوا تغير دار مضنونه
خذوه في موتر قد شالوا أرقامه=خوف(ن) من الناس لا غادر يشوفونه
ما باقي إلا العمالة تهدم اخيامه=والا الغضي شله النشمي بصالونه
والسائق أخفا رسوم الوجه بلثامه=ما وده اللي يشوفونه يعرفونه
سر انتقاله وهجرة ديرة أعمامه=أسرار في داخل المملوح مكنونه
غادر في الشهر لأول بأخر أيامه=والموتر اللي خذاه أقفا على هونه
لاع الحشا والضمير المبتلى سامه=خلا قلوب بعد ما راح محزونة
وجه لدار لها تتردد أنغامه=واقفا عن أرض بها ناس يراعونه
لقاء الحفاء والوفاء والطيب قدامه=كل الجماهير بالفرحة يحيونه
حظه معه وين ما تتوجه أقدامه=مخدوم والناس بالتبجيل يطرونه
هذي هي أخبار خلي عاشت أيامه=كل التفاصيل بالتأكيد مضمونة

صح لسانك واعتلى شانك