[هترل]

المشاركة الأصلية كتبت بواسطة سعيد عوده الحويطي

زملائي اعضاء المنتدى ارجو ان تحوز هذه القصيد على رضاكم

هب النسيم بليل خيَم هدوَه=بارض خلا ماغير نور القمر نور
باول طلوع سهيل لاقبل بنوَه=والصيف مقفي والنسايم لها دور
نصف الشهر والبدر صاطع بضوَه=نوره يبدد من دجى الليل ديجور
خيم على وجه الطبيعه بجوه=وبانت معالمها نباتات وصخور
كن الشجر والضلع لونه مموه=لا باينا مره ولا هو بمغمور
وكن الطبيعه من حلاها تفوه=باحلا ابتسامه لاعتلت وجه مسرور
بعيد عن جو المدينة وسوه=ماحولي مكيف ولا صوت ماطور
في مجلس كله وناسه وخوه=ما غير جمر النار وبريق مخدور
وسوالف ما بين ماضي وتوه=تدور بين الربع في ضحك وسرور
والله هذا غايتي والمنوه=لانه علاج النفس من غير دكتور

ااااالله عليك يابو عوده
صح لسانك ملااايين تردفها ملاايين
قصيده كايفه وراهيه لاهنت يالقرم
ابدعت وامتعت لاهنت يالغالي


تحياتي