[نفحة الطيب]

المشاركة الأصلية كتبت بواسطة داعي الشوق

يا زين انا قلبي معك وصل حده = ما عاد لي قدره على الصبر يازين
حبل الوصل ارخيه و انته تشده = شدة مواريدن على الجم ضامين
قلب العنا ما يحتمل منك صده = ولا يحتمل غيبتك لو كان يومين
انت الحبيب اللي خذا القلب وده = وانت العزيز اللي نحبه من سنين
يا قلبي اللي بالهوى ويش حده = في سكة اهل الغربله و المقفـّين
كنت اتدرّا من هوى البيض مده = اخشى على روحي من عيون ترمين
ثم شفت ذاك اللي عسى الله يرده = اللي على شانه نسوق الملايين
راع الجديل و شامةٍ فوق خده = ابو ثمان رهاف سيد المزايين
حلمي معه ما بين جزره و مده = مع ثورة امواج الغلا و المحبين
ازريت من حلمٍ عصاني بشده = وانا من عزومي تحير السلاطين
يا زين خاف الله باللي توده = ما يستحق اللي تسويه ذلحين
ذاك الجفا ياليت بابه تسده = و على ضفاف الوصل تفتح ميادين

روعه وجميل ماكتبت
ابداع واصل السماء
صح لسانك واعتلى شانك
وحفظك الرحمن من كل سووووء