لا من رفضنا نساير موجة الواقـع
نقول حـظٍ رديٍ وش نسـوي بـه
والاّ نقـول القـدر ماللقـدر مانـع
ارزاق مقسومـه وكـل ومكاسيبـه
لكن اذا شفت طبـلٍ خاضـعٍ خانـع
تلقاه يرقى السلالـم مـع عذاريبـه
ويصير له شان دام الذل لـه دافـع
وانت بكرامتك ماترضـى اساليبـه
ان كنت عاقل فانت بعيشتـك قانـع
والاّ تجننت مـن وقتـك والاعيبـه
فالحظ والاّ المقدر ماهـو الصانـع
"الواو" تكفي لجعل الطبل له هيبـه
من عقب ماهوب صايع داشرٍ ضايع
فجأه تلاقـي تقـدم فـي مراتيبـه
لأنـه مفصـل ينفـذ امـر للبـارع
اللي يبي طبل يخدم مـع مناديبـه
ماللكرامه بهذا الوقت مـن طامـع
الكل يرخي بمـا ناسـب مطاليبـه
حتى اصبح الذل طبع الناس بالشارع
كلٍ يطمن ويبحـث عـن معازيبـه
يعني اذا ما انت لا ذيـلٍ ولا تابـع
مكتوب تحيا الشقا باعلا مناسيبـه
لو كنت مبدع وامين وبالشغل باتـع
تموت مغبون من وقتـك وتعذيبـه
فاللي بيـده قـرارك للشـرك (زراع)
حقيقه اجتماعيه متقنة الصنعه
صح قلبك
تقديري
لانّك تعرفه فلا من علـم او هيبـه