ياتل قلبي منـك ياتـرف الأقدامـي=تلـة مهـرب والسواحـل يحدونـه
مع طلعة النجمه سري والقمر زامي=يمشي بدون الليت خوفٍ يشوفونـه
ساريٍ بليله ماوعى الا الرمي حامي=فز وتعزوى وعض شفتـه بسنونـه
كـواه بالثانـي وتلـه بعـد قامـي=واردف بثالث خـوف ينهـار بنيونـه
اقفى وعجه من ورى تايـره قامـي=وماريحه لينه طـوى كـل طبلونـه
قال الخوي خلك هبيسٍ وانا الرامـي=خفر السواحل يحسب انهم يجيبونـه
عليك ياللي حبكـم قـرب اعدامـي=اصبحت انا ويـاه ليلـى ومجنونـه
وياوجد حالي بعـد فرقـاك والامـي=ياللي عذابي منه سلهامـة عيونـه
ياليت لهل الحب قاضـي وحكامـي=برفع قضيه ضد من صرت مديونـه
عل وعسى ياخذ قضانا من الدامـي=والا يجينا صلـح واعـود مفتونـه