[بنت النور]

يا بو حمد بعض الروابع باسها باس ٍ شديد
تضيّع الرجال بين اخماسها و اسداسها
بادت بي الحيله و عيّت لا تهيد ولا تبيد
دعوى تمادت ما عرفت شبورها و قياسها
ايام أصامدها وأفلّ أم الحديده بالحديد
وايام أسالمها وأحب خشيمها مع راسها
الله من بعض الهجوس اللي تدفّق بالوريد
تعذب الأجواد خصّ اللي رهيف إحساسها
خلقت في الدنيا وحيد وتالي ايامي وحيد
ومن المراره ذقت طعم الحنظله في كاسها
عيني على نجم الجدي والتاج في كتف العميد
والجوهره ما أعلم بـفضتها ولا بـألماسها
بين البشر متبلّد إحساسي ولو ماني بليد
إذني صمم لو هي تدقّ طبولها و أجراسها
صبرت غير الصبر بعض احيان طبّه ما يفيد
يلاحي جروح ٍ تعدّى راسها كرياسها
أبغى الجمايل والظروف تليّن الراس العنيد
كم من صليب ٍ طوّعت باسه بقوّة باسها
والناس ما تقبل عذر لو جيت بالعذر الوكيد
واللي نصاك يفنّد أعذارك وينقض ساسها



صح بيانك

ودام حرفك ..

و صح السانك