ابسأل الشمس عن ظلم القمر
وابسأل اليوم عن حزن العمر
وابسأل الارض عن حر الجمر
وابسألك عن حبي اللي مات ماجاله كفن
وابسألك كيف الجروح اللي معي لمك تحن
وكيف العذاب اللي بجوفي يبتدي هم وحزن
وين المزن
وين المزن
وين المزن
كنت انتظر غيمه تجيني من بعيد
كنت انتظر قطره من الشوق الوحيد
صحراي تشكي صبرها ظلم وعطش
والجرح بدموعي نزف دم وقصيد
واليل بعدك مانسى مثلي عنيد
دايم يذكرني يحسب اني نسيت
هو مادرى اني فيك غنيت وبكيت
يسهر وانا اللي اجمعه
واذا حكى غصب اسمعه
واستسمحه
لانك معه
بين النجوم
فوق القمر
تحت الغيوم
وانا بنسماته اعوم
ابي تنفس شي من ذيك الهموم
اللي معك
واخذ من اهااتي سراب(ن) يتبعك
واموت فيك
ورغم الوجع فيني انا خايف عليك
بقلمي