لاضاقت بك الدنيا ولاشفت من عون= يوقف معك فى محنتك او يعينك
ارفع اكفوفك للذى ابدع الكون= يمد لك حبل الرجاء فى يمينك
ذاك الذى امره مع الكاف والنون= مكتوب فضله فى نواصى جبينك
خلك على بابه ولو قيل مفتون= واصفح عن اللى هرجهم مايشينك
واترك كبير القوم والنصف والدون= ماداهم هم من حزبهم شاطبينك
واهجر لهم باب (ن) ولاتاتى احصون= واصمد على باب الذى مايهينك
عز الفتى فى عزة النفس مرهون= وش ينفعك لاشافت الذل عينك؟؟
خلك مع اللى يحفظ العهد ويصون= ميثاقه اللى كان بينه وبينك
واحفظ رفيق الصدق بالود والصون= تلقاه عونك لاتردت سنينك
ترى الذهب لو طال بالسوق مضمون= ولاّ الدغل ماينفعك فى ضمينك